الموضوع: سؤال مهم فى تجديد المهنة فالبطاقه الشخصيه

المشاركة الأصلية كتبت بواسطة أبو صلاح

انا ما اعرفش اذا كان قانون ولا ايه بالظبط
لكن واحد صاحبي جاله عقد عمل بره مصر واثناء تسليمه الاوراق لمكتب السفريات طلبوا منه تغيير المهنة في الباسبور او احضار اخلاء طرف موثق بالشهر العقاري

والمشكلة الكلبيرة انه كان سايب الشركة بمشاكل وصاحب الشركة معاند معاه جدا وعايز يرجعة الشغل

مفيش اسهل من تغيير المهنة لحاصل على بكالوريوس ....... و لا بتحتاج اخلاء طرف و لا بتاع ....... بتروح الاحوال المدنية و معاك المؤهل و صورة منه و بتغيرها و انت واقف و اول ما تستلم البطاقة تغير الباسبور ........ ممكن يكون كان رايح السعودية على مهنة و ساعتها ما ينفعش المسمى الوظيفي عالباسبور يختلف

المشاركة الأصلية كتبت بواسطة ahmed_adham

أكيد كنت بتسافر اقامات مؤقته لكن لو هتعمل اقامه عمل مينفعش يكون الباسبور فيه اسم شركه.

برضه غير صحيح ...... اعرف ناس كتير معاهم اقامات و باسبورهم فيه مهنة ........ و انا شخصيا باخلص اجراءات اقامة دلوقتي لنفسي و مكتوب عندي مهنة و اما بعتت الباسبور من شهر و نص للشركة ما اعترضوش على حاجة

المشاركة الأصلية كتبت بواسطة beshomilan

اشكركم اخوتى على الردود الرائعه
يعنى كده لازم يكون متأمن عليا واروح للتأمينات واختم الورق من هناك..ومكان شغلى ملوش اى علاقه بالبطاقه

طيب سؤال تانى
لو انا مدير مبيعات فى مكان ما لو جه صاحب العمل يأمن عليا هيكتب ساعتها فى تأمينى انى موظف عادى عشان يقلل التأمينات ولا ممكن يكتب مدير مبيعات ومفيهاش مشاكل؟؟

ايوة بالظبط

التامينات كده كده ليها حد اقصى ... تقريبا اخر ما اعرف كان 2500 ........ يعني اي واحد مرتبه فوق 2500 تاميناته على 2500 ....... حتى لو مرتبه 2,500,000 مش 2500

تاني حاجة ان التامينات مفيش علاقة بين المسمى الوظيفي و المرتب ....... يعني عادي ان شالله يكتبوا مرتبك 100 جنيه و يكتبوا مهنتك رئيس مجلس ادارة

المشاركة الأصلية كتبت بواسطة ahmed_adham

فيه فرق بين ان يكون مكتوب مثلا "محاسب" بس وبين ان يكون مكتوب "محاسب بشركه كذا". وأنا شخصيا لسه البطاقه والباسبور على "حاصل على بكالوريوس تجاره" مع اني دفعه 2003 واشتغلت في الكويت 5 سنين غيرت اقامتي فيها بين 3 اماكن ب 3 وظايف مختلفه.

و الله فاهم ...... انا مكتوب عندي "بشركة كذا" و الناس اللي باقول عليها مكتوب عندهم "بشركة كذا" ........ و دلوقتي باعمل اقامة و صورة الباسبور عند الشركة من اكتر من شهر و نص و محدش اعترض ........

المشاركة الأصلية كتبت بواسطة م/مصطفى محمود

انا بصراحة بفضل عدم الكتابة ، أنا كاتب مهندس ميكانيكا حر ، رغم إني شغال فى شركة ومتأمن عليا ، بس كده أقضل

جت فترة و السعودية وقفت العمرة للي كاتبين "حر" في مهن كتير جدا على فكرة


و اما بتكتب انك شغال فين بتسهل عليك تاشيرات كتير