سؤال مهم فى تجديد المهنة فالبطاقه الشخصيه

**beshomilan** · 18-12-2012 08:48 AM

ازيكم يا اخوتى الاعزاء
عندى استفسار مهم
انا بطاقتى اللى معايا مدون فيها انى بكالوريوس وهى لسه ساريه لحد 2018
بس انا عايز اغيرها لمسمى العمل الجديد يعنى بدل بكالوريوس يتكتب موظف فى شركة كذا...
المشكله انى معنديش ختم رسمى للمكان اللى بشتغل فيه..ولا فيه عقد ولا تأمينات بس انا معاهم بقالى حوالى 8 شهور ومستمر
فهل ينفع مديرى يمضى على ورق البطاقه فقط بدون اختام لمكان جهة العمل؟؟ولا بيتكتب حاجه تانى؟؟

وفنفس الوقت انا محتاج القديمة تفضل معايا اللى فيها بكالوريوس
فكده لازم اعمل كأنى فقدت القديمة ولازم محضر؟؟ولا عادى بدل فاقد او بدل تالف من غير محاضر ولا ايه بالظبط؟؟

**Ahmed_selmy** · 18-12-2012 10:14 AM

اعتقد لازم جهة العمل يكون ليها جتم او حاجه , بالاضافه ان اكيد هما عملوا الموضوع دا عند حضرتك فى الشركه كتير, اعتقد ان الافضل بدل فاقد ,لان لو بدل تالف حيقولك بردوا هات التالف, انما بدل فاقد مش حيقول حاجه. والله اعلم

**Abo Yasso** · 18-12-2012 10:25 AM

السلام عليكم
انت مش محتاج ختم بس من جهه العمل ديه مش قضيه ده 25 فى العتبه
المشكله ان الشركه لازم تكون فتحا ملف فى التأمينات وكمان يكون متأمن عليك وتروح تختم الاستماره من التأمينات وكمان تاخد جواب منهم
غير كده لو انت من اصحاب المهن الحره ممكن تختمها من النقابه بتعتك
بس لازم ترجع للنقابه بتعتك عشان تشوف موضوع انك نكون فاتح مكنب شروطه ايه
اما موضوع الفقد بتاع البطاقه سهل جدا بتكتب اقرار على الاستماره انها ضاعت منك .

**أحمد كمال** · 18-12-2012 10:25 AM

مفيش حاجة اسمها ختم الشركة بس و لا المدير

لو قطاع عام و فيه ختم نسر يختموا لك

قطاع خاص يبقى لازم يتأمن عليك و التامينات الاجتماعية تختم لك

غير كده مفيش

**أبو صلاح** · 18-12-2012 01:50 PM

ياباشا وتخنق نفسك ليه وربط بطاقتك باسم شركة
ليها اجراءات مملة وقت ما تكتب الوظيفة ومملة اكتر وقت ماتحب تغيرها خصوصا لو مستعجل او سايب الشركة لاقدر الله بمشكلة
او مثلا عند السفر
خليك كده احسن

انا خريج 2005 لحد الان كاتب بكالريوس تجارة

**أحمد كمال** · 18-12-2012 01:55 PM

المشاركة الأصلية كتبت بواسطة أبو صلاح

او مثلا عند السفر

مين فتى عليك الفتية دي؟

انا باسبوري مكتوب فيه المهنة من 2008

و سافرت بيه (سواء اثناء خدمتي مع الشركة او بعد ما سبتها و من غير ما اشيل الشركة من الباسبور) بالظبط 12 مرة لأربع بلاد مختلفة و لا حصل اي حاجة

موضوع اذن من الشركة قبل السفر ملغي من ايام عاطف صدقي (مش باهزر و الله)

**Ahmed_Rahem** · 18-12-2012 05:25 PM

المشاركة الأصلية كتبت بواسطة أبو صلاح

انا ما اعرفش اذا كان قانون ولا ايه بالظبط
لكن واحد صاحبي جاله عقد عمل بره مصر واثناء تسليمه الاوراق لمكتب السفريات طلبوا منه تغيير المهنة في الباسبور او احضار اخلاء طرف موثق بالشهر العقاري

والمشكلة الكلبيرة انه كان سايب الشركة بمشاكل وصاحب الشركة معاند معاه جدا وعايز يرجعة الشغل

ممكن تكون المهنة فى الجواز مختلفة عن المهنة الى هتطلع بيها التأشيرة. والافضلة يطلع جواز جديد ببايانات جديدة. ولو هو استقال خلاص يغير المهنة فى البطاقة ويعدل الباسبور على طول.

-

-

الموضوع: سؤال مهم فى تجديد المهنة فالبطاقه الشخصيه

LinkBack

أدوات الموضوع

عرض

-

-

-

-

المواضيع المتشابهه

سؤال عن تجديد رخصة القيادة؟

عايز اغير عنوان البطاقه

سؤال عن ضريبه تجديد السيارات

البطاقه الانتخابيه لو سمحت اقراه

سؤال بخصوص تجديد الرخصه

الكلمات الدلالية لهذا الموضوع

المفضلات

المفضلات

ضوابط المشاركة