حاجه تحرق الدم - اعتصام اغلق المنطقه الحره مدينة نصر بسبب شركه اسرائيليه

شركه اسرائليه اسمها "دلتا" (اسرائيل واخده 51% من الاسهم) - فى المنطقه الحره مدينه نصر حيث مكان عملى (انا اعمل فى شركه اخرى طبعا داخل المنطقه الحره)
اتفصل منها مجموعه كبيره من العمال (يقال كل العمال المصريين)
فالعمال دلوقتى عاملين اعتصام على "بوابة المنطقه الحره كلها" و بيكسرو العربيات اللى داخله و اللى خارجه
و ياريت ماحدش يكلمنى على الوطنيه ... دول عمال فى شركه اسرائليه (اول مره اعرف انها اسرائليه الناهرده )

السؤال بقى ... ايه ذنب اصحاب العربيات اللى اتكسرت !!!!!!!
انا روحت الشغل بدرى فما اتعرضتش لحاجه لكن شكلى اتحبست و مش حعرف اروح بالعربيه لو الاعتصام ده استمر بالشكل ده
بصراحه الشيطان بيلعب فى العرق الصعيدي اللى فى دماغى و بيقولى فى وقت المرواح اطلع عادى ولو وقف قدامك حد من المعتصمين دوسه بالاسد اللى معاك

حد يهديني لأنى مجنون و اعملها

اجمل حاجه فى الموضوع ده ان المدير بتاعى دلوقتى مزنوق على البوابه

اهدا كدة وموضوع رئيسك ده مصلحة بس حاول متضحكشي لما تشوفه
لو عرف يدخل يعني :)))

ربنا يصلح الحال ..

نصيحه
اخلع على رجلك وارجع مواصلات وسيب العربيه جوه

اقتباس:

---

المشاركة الأصلية كتبت بواسطة khaled online

اهدا كدة وموضوع رئيسك ده مصلحة بس حاول متضحكشي لما تشوفه
لو عرف يدخل يعني :)))

---

هو دخل ماعرفشى ازاى
بصراحه انا لسه ماكلمتهوش لغايه دلوقتى بس اول لما شفته من بعيد فطست من الدحك
اصله من النوع الثورى بزياده المؤيد لأى اعتصام فئوى فى الدنيا - يلا خليه يشرب بقى

اقتباس:

---

المشاركة الأصلية كتبت بواسطة beso516

نصيحه
اخلع على رجلك وارجع مواصلات وسيب العربيه جوه

---

ربنا يستر و ما اجبرشى على كده
المشكله فى بكره الصبح علشان انا بروح الشغل الساعه 8 و بتبقى المواصلات قليله
وكمان بوصل المدام للمترو علشان تروح شغلها و الحاج مهاب (ابنى) لمدرسته و المودمازيل شذا (بنتى) لحضانتها
فاليوم اللى تغيب فيه العربيه بيلخبط اليوم عندنا

انت لو بتكلم على شركة دلتا سوفتوير للبرمجيات فبس احب اوضح ان دي بتاعه استاذ جامعي اسمة محمد فهمي طلبة و دة مصري صميم وهو و اخوة اصحاب شركات مصرية كبيرة و مابيبيعوش حصص في شركة لاجانب اصلاً

يعني من الاخر العمال دول عمال مبلطجين اتفصلوا و عاملين قلق و بلطجه و دة بقى العادي الايام دي

زود بقى ان كل واحد بيبلطج لازم يطلع بحجة و قصة عن ان الشركة متباعه لعرب من قطر او اسرائيليين او امريكان او صاحب الشركة من الحزب الوطني البائد او حرامي و مرتشي علشان القلق يزيد و يلاقوا تعاطف و يرجعوا يشتغلوا و يبلطجوا براحتهم و ياخدوا علاوات و للا زيادات, الله يرحمك يا بلد

اقتباس:

---

المشاركة الأصلية كتبت بواسطة khaled sabry

هو دخل ماعرفشى ازاى
بصراحه انا لسه ماكلمتهوش لغايه دلوقتى بس اول لما شفته من بعيد فطست من الدحك
اصله من النوع الثورى بزياده المؤيد لأى اعتصام فئوى فى الدنيا - يلا خليه يشرب بقى

---

كفاءة! أحب الكارما لما تشوف شغلها هههههههه

اقتباس:

---

المشاركة الأصلية كتبت بواسطة adham

انت لو بتكلم على شركة دلتا سوفتوير للبرمجيات فبس احب اوضح ان دي بتاعه استاذ جامعي اسمة محمد فهمي طلبة و دة مصري صميم وهو و اخوة اصحاب شركات مصرية كبيرة و مابيبيعوش حصص في شركة لاجانب اصلاً

يعني من الاخر العمال دول عمال مبلطجين اتفصلوا و عاملين قلق و بلطجه و دة بقى العادي الايام دي

زود بقى ان كل واحد بيبلطج لازم يطلع بحجة و قصة عن ان الشركة متباعه لعرب من قطر او اسرائيليين او امريكان او صاحب الشركة من الحزب الوطني البائد او حرامي و مرتشي علشان القلق يزيد و يلاقوا تعاطف و يرجعوا يشتغلوا و يبلطجوا براحتهم و ياخدوا علاوات و للا زيادات, الله يرحمك يا بلد

---

لا انا ماقصدشى دلتا سوفت وير خااااااااااااالص - الشركه دى يتهيألى فى الجيزه تقريبا
بينما انا ابتكلم على شركه اسمها "دلتا تكستايل ايجيبت" اللى معانا هنا فى المنطقه الحره
و العمال اللى اتفصلو بالمئات لأنها شركه صناعيه تقدر تقول مصنع يعنى و علشان كده حجم العماله عندهم كبير غير شركات السوفت وير

اقتباس:

---

المشاركة الأصلية كتبت بواسطة adham

انت لو بتكلم على شركة دلتا سوفتوير للبرمجيات فبس احب اوضح ان دي بتاعه استاذ جامعي اسمة محمد فهمي طلبة و دة مصري صميم وهو و اخوة اصحاب شركات مصرية كبيرة و مابيبيعوش حصص في شركة لاجانب اصلاً

يعني من الاخر العمال دول عمال مبلطجين اتفصلوا و عاملين قلق و بلطجه و دة بقى العادي الايام دي

زود بقى ان كل واحد بيبلطج لازم يطلع بحجة و قصة عن ان الشركة متباعه لعرب من قطر او اسرائيليين او امريكان او صاحب الشركة من الحزب الوطني البائد او حرامي و مرتشي علشان القلق يزيد و يلاقوا تعاطف و يرجعوا يشتغلوا و يبلطجوا براحتهم و ياخدوا علاوات و للا زيادات, الله يرحمك يا بلد

---

و الى جانب كلام حضرتك ........ ايه علاقة ان الشركة منين او عاملة فيهم ايه بتكسير عربيات مواطنين ابرياء .........

على فكرة انا شغال فى المنطقة الحرة بردو و شوفت الاعتصام النهاردة لكن بصراحة مشوفتش اى عربيات متكسرة او اى حد بيحاول يكسر عربيات كل اللى انا شوفته انهم كانوا واقفين فقط و عاملين تجمع

فهل انتا شوفت موضوع التكسير دا بعينك و لا حد حكالك؟

و شكرا

على فكرة انا كمان وصلت حوالى ٩:٣٠ و كان فيه تجمع و زحمة بس ماشوفتش والا سمعت عن تكسير عربيات خالص و خرجت الساعة ٥ ماكنش فيه حاجة

اللى انا عرفتة ان المشكة ان فى ناس ماتت فى خناقة فى الشركة (5 تقريبا) وناس خدت حكم مش عاجب باقى العمال .... علشان كدة احتجو علشان اصحابهم!

انا شغلى فى المنطقة الحرة و مشوفتش اللى حصل ورحت الشغل الساعة 1:30 بعد الظهر ... دة كلام الناس اللى شافت الموضوع ... والله اعلم .

اللى اتحكالى من واحد بثق فى كلامه جداا جهه بعدى و قالى ان فيه 3 عربيات اتكسرو و هو شافهم بعينه
احنا مواعيدنا الساعه 8 و ناس كتير الناهرده دخلو على الساعه 9 ونص بسبب الحكايه دى
هو انا نزلت فى وقت البريك على الساعه 12 كان فيه تجمع بس قدام الشركه مش عند البوابه و على الساعه 4 ونص كان الموضوع خلص