الموضوع: كروز واوبترا موديل 2013

المشاركة الأصلية كتبت بواسطة hossam_elwani

قصدك ان الهاى لاين الى هيا بــ 143 الف بقت فيها جنط 17 وموتور ايكوتك وشكل خارجى جديد والطابلوه متغير ولا ايه ؟؟

وهل اليجانس المقصود بيها الفئه الاولى ؟؟

على فكره الهاى لاين زادت كده 9 الاف لان فيه عضو محترم معانا جابها بــ 134000

الاليجانس الفئه الاولى

المفروض الشكل اتغير عشان كدا طلبت لو حد راح يصور يبقى كتر خيره

انا باتكلم على اخر سعر رسمى للهاى لاين كان 136 على ما اذكر

المشاركة الأصلية كتبت بواسطة hossam_elwani

تصدق ان الهاى لاين بقى فيها فتح سقف كمان !!!!!!!!!!!

بس اتشال منها مقابض الباب الخارجيه الى مطعمه بالنيكل كروم

فى رأيك وبعد التعديل ده هيا ولا الاسترا كوزمو سيدان ؟؟

فتحة السقف اختياريه مش اساسيه واكيد بتيجى بالطلب وهايبقى سعرها اغلى من 143

بخصوص الاسترا رأيى ان العربيتين تقريبا واحد مع فرق الصناعه طبعا الاسترا المانى بولندى والكروز كورى بالكامل بس اساسياتها نفس الاسترا موتور وفتيس وعفشه مع اختلاف التعليق الخلفى ان الاسترا زايد عليها Z-Link , عموما الكروز مفيش شكاوى من عفشتها وثباتها ممتاز

الكوزمو فيها ESP اساسى طبعا مش موجود فى الكروز وفى كماليات تانيه مش موجوده زى الباركنج سنسور ومثبت سرعه ووحدة رفع والهاند بريك كهربا

الزياده فى الكروز هو الجنوط السبور فقط

معاك تمن الاسترا هاتها طبعا لكن لو مش معاك هات الكروز وهاتبقى جبت اقرب عربيه للاسترا

المشاركة الأصلية كتبت بواسطة hossam_elwani

وهل الاكصدام الخلفى فعلا متغير زى الصور على الموقع ولا لا ؟؟

المفروض

المشاركة الأصلية كتبت بواسطة hossam_elwani

اخر الاخبا ر وبعد اتصالى بمنصور المهندسين والكمونى موزع شفروليه اسكندريه قالولى الاتى

العربيه هيا هيا فى كل شىء ماعدا الموتور هو الى اتغير وبقى 115ا حصان ايكوتيك

الشكل الخارجى والداخلى بدون اى تغيير ومفيش جنط 17 ولا فتحة سقف فى فئة الهاى لاين عكس ماهو مكتوب فى الموقع الرسمى لمنصور !!!!!!!!!!!!!!!!!!!!


غريب امر الترويج الكاذب فى مصر بحاجه مش موجوده على الواقع

وومكن يكون العكس ويكون بتوع المبيعات دول اى كلام وميعرفوش اى حاجه عن اى حاجه وعايشين فى جزر منعزله عن الاداره عندهم

وعلى فكره قالولى انها بالحجز والاستلام على اخر شهر 1

تحياتى ومتابع معاك عن اى اخبار جديده بخلاف ما تم ذكره

الموضوع محتاج زياره لاحد الفروع للمعاينه على الطبيعه ومعرفة الفروق والتفاصل بالظبط

عموما حتى لو الشكل متغيرش المهم ان الموتور اتغير لانه اكيد اهم من الشكل

وشكرا على المتابعه

المشاركة الأصلية كتبت بواسطة mido

نفسى اشوف بقى الموتور الجديد هيفرق مع وزن العربية ولا لأ علشان الريفيوز كانت بتقول ان برضه فيه مشكلة Slow start/pickup اما تشوف
مين هينزل يحجز يا رجالة ؟ :)
التسارع من صفر إلى 100كم/ساعة (ثانية) 13....ما لسه بطة اهى :)

معظم العربيات اللى فى فئتها واولهم اختها استرا نفس ارقام التسارع تقريبا

الاسترا 13.3

الفلوونس 13.7

الشارك 13.6

الامبريزا فى حدود 13.5

الكروز بالموتور ال EcoTEC فى 12.9 ثانيه يعنى افضل منهم , وافضل من حاجات زى الاوكتافيا والجيتا بالموتور القديم

اللى هايبقوا اسرع السيراتو والالنترا , ومن 150 الف لحد ال 200 الكورولا والسيفيك والفوكس وطبعا اى عربيه تربو

الموتور الجديد مش هايعمل تغيير جذرى ولا فرق كبير , بس فى كل الاحوال هايبقى احسن من الحالى

المشاركة الأصلية كتبت بواسطة Ahmed_Ezz

انا جربت الموتور الجديد مافيش فرق فى التسارع فعلا الفرق الكبير بين الفتيس القديم و الجديد

المشاركة الأصلية كتبت بواسطة Ahmed_Ezz

جربتها فى مصر كان فيه 200 عربيه جم و اعرف واحد خد واحده كانو هاى لاين فقط و الفتيس من نص 2011 اختلف بقى بتاع الاسترا

بس انا معلوماتى ان الفتيس هو هو من يوم مانزلت وماقرتش اى اخبار عن تغيير فتيس