استفسار من خبراء الدايو ... صوت ونة
معايا لانوس 2007 .. العربية الحمد لله حلوة فى السحب ومش بشتكى منها غير فى الحاجات العادية..
بس فى حاجة نفسى أعرف سببها .. دلوقتى وانا بدوس بنزين باسمع صوت خفيف كده بيفضل عالطول كل ما ادوس بنزين (للتقريب هو صوت زى صوت الريح أو هواء بيتسرب من حاجة) بيظهر بس مع دوسة البنزين .. بس السحب حلو ومفيش مشكلة تانية ... واحد صاحبى قلى ده تسريب من الشكمان وعمل تجربة كده كانت العربية دايره ولف ورا العربية ناحية ماسورة الشكمان الخلفية وسدها بايده وبعدين سابها وملاقاش ضغط هواء بيطلع فقالى كده فيه تسريب وعشان كده بتسمعه من عندك فى كرسى السواق..
معلش طولت بس عايز اطمن وأعرف ده فعلا سبب الصوت ده ولا حاجة تانية عشان بس أطمن .. خصوصا ان العربية الحمد لله كويسة معايا ومش بشتكى غير فى الحاجات العادية ..
وشكراااا.........