بعد اذنكم كنت محتاجه مقارنه بين سكودا فيليشيا 96 وفيات اونو من حيث مميزات وعيوب كل واحده وانهى الافضل واسهل ف السواقه والميكانيكا واسعار قطع الغيار
انا محتاجه حاجه مريحه وبرده متبأش تقيله ف سوقتها عايزاه سهله
عرض للطباعة
بعد اذنكم كنت محتاجه مقارنه بين سكودا فيليشيا 96 وفيات اونو من حيث مميزات وعيوب كل واحده وانهى الافضل واسهل ف السواقه والميكانيكا واسعار قطع الغيار
انا محتاجه حاجه مريحه وبرده متبأش تقيله ف سوقتها عايزاه سهله
الاونو اسهل من الفليشيا لانها 1000 سى سى
الفليشيا اقوى وقطع غيار معمره اكتر لو الاصلى
ولكن انا رايى فيليشيا افضل لو حالتها احسن من الاونو
الاتنين هيقرفوكى و اوى كمان ,, الاونو شغل الميكانيكا بتاعها مقرف و حاجتها اغلى من الفيات العادية و الفليشيا موتورها زبالة و لو سخنت منك و ماختيش بالك هتخشى فى جوان و شمبر و قرف
لو عايزة ركبى عربية سبور يبقى ال سيات ابيزا موديل 94 او 98 ,, بس ك نصيحة و انا عملتها المبلغ اللى معاكى يخليكى تركبى ماروتى كسر زيرو عدادها مش هيعدى 20000 كيلو متر و دا الحل الافضل ,, انا كنت فى الحيرة دى قريب و الحمد لله استقريت على الماروتى و هى عربية ممتازة طول ما هى زيرو و واسعة من ادام بس ضيقة من ورا و جراية و لا بتحك فى مطبات و لا اى حاجة و قطع غيارها (( لو هتحتاج و دا بعد وقت كبير )) ارخص من الاونو و الفليشيا و الابيزا كمان
انا كان معايا فيليشيا موديل 96 ...عربية محترمة جدا عاملة زي الجولف 2 نفس الصالون من جوة بالظبط وقريبة منها فى الشكل الخارجي وبيركبلها قطع غيارها وقطع غيارها الاصلية هي غالية شوية بس معمرة جدا بس الميزة انك ممكن تلاقي منها التركي و الصيني و كويسين برضوا مش وحشين وسعرهم رخيص...العربية من وجهة نظرى كان يعيببها ان شنتطها صغيرة و انها خشنة شوية واهم عيب فيها هو ان موتورها حساس جدا عشان خامته المونيا مش حديد عشان كدة اقل سخونية بتأثر عليه عشان كدة لازم متابعة المياه اول باول بس العيب ده تلاشوه بعد كدة من اول موديل 98 اللى هي بيسموها وش اوكتافيا.فلو تقدري تجيبي موديل 98 يبقى احسن عشان كمان زودوا فيه مرايات كهرباء وتكيف وشبكة العربية من قدام نفس شبكة الاوكتافيا.بس فى المجمل هي عريبة حلوة ومحترمة بس عايزة اللى ميهملهاش ويتابعها اول باول.
باشا الفليشيا متتقارنش نهائى ب الجولف 2 , لان الجولف 2 انعم مليون مرة من الفليشيا , مشكلة الفليشيا انها محتاجة متخصص و حاجتها غالية , الموديل قبل 98 لو العربية سخنت الموتور بيضرب و بعد 98 عند حضرتك الانجكشن و دا مقرف اوى فى شغله فى العربيات الالمانى دى
الصراحة، ولا دي ولا دي
باشا انا مقصدش طبعا انها زي الجولف فى الاداء يمكن انا معرفتش افسر كويس اكيد طبعا الجولف 2 احسن بكتيير انا قصدي فى الصالون الداخلى والشكل الخارجي فقط والعربية انا قلت انها من عيوبها فعلا انها خشنة والموتور بتاعها حساس بس لو تابعتها كويس واعتنيت بيها مش هتتعبك و انا شايف انها لو اتقارنت بالاونو اكيد احسن بكتير وفى الاول وفى الاخر هي وجهات نظر.
يا معالى الباشا الفليشيا افضل من الاونو بمرااااااااااحل ,, انا كانت نصيحتى ليها ماروتى كسر زيرو بيتهيألى هتكون اريحلها عشان مش هتحتاج اى حاجة خاص و قطع غيار الماروتى ارخص من كل دا
و انا مقصدتش حاجة و الله من كلامى و بعتذر لحضرتك لو التعبير خانى و احتديت شوية :)
ميرسى ليكم كلكم واحترم اراكم طبعا بس بالنسبه للماروتى انا كذا حد قالى عليها بس هى صغيره اوى للاسف وانا مش بفضل الصغيره اوى دى
وكنت فعلا بفكر ف السيات ابيزا برده بس المشكله انها اغلى شويه
بس انا لحد دلوقتى مش عرفت اقرر منكم يعنى كل واحد متعارض فى رايه مع التانى من الاخر اجيب ايه طيب واخرى 29 الف انا برده يهمنى حاجه شكلها معقول