انواع قائدي السيارات في مصر .-مقال ساخر
السلام عليكم
في اوروبا و الدول المتقدمة صنفوا انواع القائدين الي نوعين فقط و هم قائد مهاجم و قائد مدافع يعني على حسب نوع سواقتك هتبقى يا مهاجم قلبه جامد يعني يا مدافع حريص و متأني .
لكن في مصر التقسيمة دي متمشيش اوي لانها منقسمة تقسيمات كتير جدا منبثقة من الاتنين دول .
و بقليل .... الصراحة بقليل جدا من الملاحظة هتقدر تكتشف انواع السواقين في مصر .
جدير بالذكر ان شوارعنا تعج بجميع انواع السيارات من اول التوكتوك الى التيريلا و كلهم يسيرون في وقت واحد .
انواع السائقين .
الاول : جدو
و يطلق لفظ جدو على السائقين كبار السن و المتأنيين جدا لدرجة الشلل لمن خلفهم و هم لا يعيرون اي تنبية او كلاكس اهتمام و ربما اذا تماديت في الكلكسة تسمع شتيمة بالاب او الام و ربما سباب لا تفهم معناه ... مع احترامي الكامل طبعا لكبار السن حفظهم الله فهم بركتنا في الحياة و لكن اتحدث عن بعض السائقين الذين يفقعوا المرارة .
الثاني : امك جايبهالك
و تطلق على شاب صغير السن يركب سيارة فارهة و يسير بتهور و مباهاه و في ظل هذه الاحوال الاقتصادية و الي الناس بتفاصل مع التوكتوك في اجرته يبقى اكيد امه جايبهاله .
الثالث : المهم
و تطلق على سائق السيارة الي ماسك الموبايل بايد و سايق بالايد التانية و عمال يتكلم من اول ما يخرج من بيته لغاية لما يرجع بيته تاني و جدير بالذكر ان سيارات كثيرة مما نرى فيها هذا القائد يكون بها نظام الفون سيستم او توصيل الموبايل ببلتوث السيارة و يمكنك التحدث عن طريق مايك و سماعات السيارة و هي وسيلة امان حتى لا تشغل يدك بالامساك بالموبايل و من ناحية اخرى في اختراع اسمه سماعة بلوتوث يمكن استخدامها .
الرابع : الميني باص
دا راكب عربية مصفحة لا يكترث ابدا بالشارع يمكنه الوقوف في اي مكان و زمان و في مرة لبست في ميني باص من ورا و استنيت السواق يقول حاجة لكن لقيته غير مهتم بالمرة لانه عارف النتيجة و كان ممكن لو قولتله انا لبست فيك من ورا يتأسفلي و يقولي عوضك على الله .
الخامس : الميكروباص
دا بقى النوع الي بتمنى يتعملهم هلوكوست او ميكروباصكوست و دول 90 في المية منهم يعانون من امراض نفسية مزمنة تصل بهم الى الادمان و معظمهم تتحق فيه صفات " لومبروزو " لملامح المجرمين
و في ابسط انواع الاذى الي ممكن يسببوه هو صوت الكاسيت العااااالي جدا و البيئة جدا و الي بطل من التمانينات لكن هم لسه في السبعينات طبعا و الميكروباصات انواع منها التيوتا الفاخرة ههههههه او الفوكس فاجن و هم يطلقون عليها فلوكس كما عندنا في الهرم و فيصل و في ميكروباص العشة الي هو من مخلفات الحرب دا او اسمه رمسيس تقريبا و دا وشه زي ضهره بالظبط كانك راكب صندوق حديد و لا يختلف قائده عن اي قائد ميكروباص اخر . و احقاقا للحق هناك القلللله جدا من المحترمين في هذه الفئة الشئوبة .
السادس : نون النسوة
يجعل كلامنا خفيف عليهن . و دا نوع سهل تعرفه جدا فلما تلاقي الفرامل عمالة تبربش و كل شوية العربية تهدي و تمشي لوحدها و الاشارة اليمين شغالة او الشمال و السير في عكس الاشارة او في وسط الطريق بخط مستقيم اعلم ان بنسبة 99 بالمئة تقود هذه السيارة المسكينة سيدة . و حاول بقدر الامكان تفادي السيارات التي تقودها امرأة اما ان تسبقها او تسير في شارع اخر و لا تحاول و اياك ان تفكر في اسداء اي نصيحة و الا ...
السابع : التوكتوك
هو بديل البلاي استيشن الثري دي و لكنه ثري دي عالاخر بتشوفه قدامك او جنبك و احتمال فوقيك فجأة و جدير بالذكر انه لا يرى بالمرأة المجردة و اعتقد ان مصر بحاجة الى اضافة سينسور الي سيراتها لاكتشاف التكاتك المبكر .
http://1.1.1.5/bmi/static4.depositph...-character.jpg
و ربنا يستر و يسلم طريقنا كلنا يا رب .