للبيع فيليشيا 98 وش اوكتافيا

**nezamy71** · 24-07-2008 04:29 PM

mexmarine عزيزي الفاضل كان يكفيك ان تقول اسف لا اقبل العرض دون ان تتعرض لمثل هذا الكلام
عموما انا اعتذر لك ان كان عرضي قد سبب لك كل هذا الضيق ولكن اظن ان البيع العادي فيه الفصال في السعر . عموما ربنا يبارك فيك ويبارك في سيارتك وتبيعها بيعة مشرفة ( علي فكرة انا لم اذهب الي سوق السيارات الا مرة واحدة في حياتي )
تقبل تحياتي

**amir** · 24-07-2008 04:34 PM

المشاركة الأصلية كتبت بواسطة nezamy71

mexmarine عزيزي الفاضل كان يكفيك ان تقول اسف لا اقبل العرض دون ان تتعرض لمثل هذا الكلام
عموما انا اعتذر لك ان كان عرضي قد سبب لك كل هذا الضيق ولكن اظن ان البيع العادي فيه الفصال في السعر . عموما ربنا يبارك فيك ويبارك في سيارتك وتبيعها بيعة مشرفة ( علي فكرة انا لم اذهب الي سوق السيارات الا مرة واحدة في حياتي )
تقبل تحياتي

nezamy71
لو كان كلامي عنك غلط فأنا بعتذرلك قدام الناس كلها اهو بس علي شرط ان كلامي عنك غلط, غير كده لاء

**amir** · 24-07-2008 07:27 PM

المشاركة الأصلية كتبت بواسطة nezamy71

والله يا دكتور انا فعلا لم اذهب للسوق الا مرة واحدة وانا لا اعرف حتي قيادة السيارات ولكني اريد شراء سيارة اليومين دول للضرورة - فلا تؤاخذني ان كنت اسأت تقدير سعر سيارتك - ولا داعي للاعتذار فانا المدين لك بالاعتذار - واطمع ان يكون سوء التفاهم عربون صداقة

بدايه احب اعرف اسمك علشان اخاطبك بيه
و بعدين انا فعلا عندي حساسيه مفرطه من السماسره خاصه بتوع العربيات,نزلت السوق قبل كده كذا مره علشان اشتري كسر زيرو او حتي عربيه مستعمله و نظرا لقله خبرتي في موضوع البيع و الشراء اتحطيت في مواقف كتير محرجه و ساعات بتكون مستفزه و مكلفه و في الاخر تتطلع العربيه ماتسواش و البيه جي السوق يلبس العربيه لأي حد و السلام, ده كان في من اسبوعين نيسان صني سوبر صالون سوده و العربيه كسر زيرو و الباشا اللي قاعد بعد ما دققت في العربيه حسيت ان الاير باج الشمال اتفتح لأن الغطاء بتاعو كان مش في مكانه قوي زائد وجود خدش جامد عليه فاتكلمت مع السمسار اللي بيبيعها و قعدت اطول معاه في الكلام قاللي ان العربيه فيها خبطه من جوه قدام عل يمين و لما قولتلو علي موضوع الاير باج عمل عبيط و كلامه بقي علي قده و قاللي معرفش و هات يا حلفانات قلتله يتصل بصاحبها يتأكد منه علشان انا جاد في الشراء و بعد مكالمه مختصره كان قاعد-غالبا-يتهزء فيها من الطرف التاني قالي لاء الاير باج سليم و العربيه مفهاش حاجه ده غير ان الكونسول الامامي كان مكسور من مفاصله و معمول بسلك تخين.
و بالمناسبه لسعر عربيتي انا مزود عن تمنها في السوق لأن انا شفت الموديلات اللي زيها و مطلوب فيها 37 و ساعات36 بس بالنسبه للحاله ففرق السما عن الارض و ده مش مجرد كلام ده انا عذرت الناس اللي بتقول علي الاسكودا انها عربيه زباله من الحالات اللي شفتها في السوق
و عموما ربنا يكرمك و تجيب حاجه حلوه بس مادام بتفكر في مستعمل يبقي اهتمامك الاول منصب علي الحاله كشيء اساسي و السعر ييجي في المرتبه التانيه لأنك ممكن تجيب عربيه ارخص من مثيلاتها و بعدين تلف تصلح فيها و انت اصلا مش عارف خباياها زي اللي كان راكبها و عارف صنايعيه كويسين و ده ممكن يخليك تلف علي كذا واحد و تقعد تصلح هنا و هنا و ده يفتيك و ده يخمك فنصيحه ليك انت مادامت دي اول عربيه ليك حاول علي قدر المستطاع متوفرش في تمنها علي قد ما تجيب حاله ممتازه تمشي بيها فتره كويسه قبل ما تبدء تصلح و حط في اعتبارك ان زيرو او مستعمل الصيانه و العنايه بالعربيه علي طول بتخليها دايما في حاله ممتازه و متستناش عليها تعطل علشان تصلح
و يا باشا انت تشرفني معرفتك و ان شاء الله تبقي تقولي انت جبت ايه

**sherif_m72** · 26-07-2008 02:15 AM

امير بك او دكتور امير حفاظا للمناصب والالقاب
والله يا د / امير انا معاك فى وجهه نظرك واؤيدك فيها كمان
انا مؤمن تماما بــ ( ولا تبخسوا الناس اشيائها ) ده طبعا في حالة الحاجات الشاذه
ربنا يوفقك ان شاء الله في عمليه البيع
بس يا د / امير
انا ليا ملحوظه اسمعها ولك حريه التنفيذ
انا من وجهة نظرى انك من المفروض انك تتهاون في السعر ولو بأى طريقه لان المشترى لازم انه يحس انه انتصر على البايع فى جميع الاحوال زائد ان من اطلاعى على معظم مواضيع البيع والشراء لمعظم انواع العربيات فى المنتديات واحيانا على الطبيعه فى حالة شراء بعض اقاربى فمن رايي انك تنزل السعر شويه لسهوله البيع الا في حالة انك تكون مش عاوز تبيع وتكون عاوز تبيع على تقيل وعلى مهلك وفي الحاله دى يبقى رأيك هو الصواب
وللعلم انا بئه والله ما تاجر ولا بحب الاسكودا اصلا
بس هو مجرد راي زى ماقولتلك
وربنا معاك ويوفقك ان شاء الله
سلام بئه

**nezamy71** · 26-07-2008 09:13 PM

عزيزي الدكتور امير انا الحمد لله اشتريت عربية سكودا كومبي 1997 عاملة 67000 كيلو استعمال ناس لارج قوي والعربية كانت نادرا ما بتمشي حالتها ميه ميه بفضل الله تكييف اصلي بتاع بلاده تلاجه يعني - كاسيت سوني ياباني - زجاج كهرباء كامل - سنتر - هاف باور
العربية بفضل الله سوبر لوكس بشهادة الفني بتاع سكودا - دواخل فبريكة وكذلك خوارج اللهم الا بعض الخدوش - الحمد لله حاجة كويسة

**amir** · 27-07-2008 12:41 AM

المشاركة الأصلية كتبت بواسطة nezamy71

عزيزي الدكتور امير انا الحمد لله اشتريت عربية سكودا كومبي 1997 عاملة 67000 كيلو استعمال ناس لارج قوي والعربية كانت نادرا ما بتمشي حالتها ميه ميه بفضل الله تكييف اصلي بتاع بلاده تلاجه يعني - كاسيت سوني ياباني - زجاج كهرباء كامل - سنتر - هاف باور
العربية بفضل الله سوبر لوكس بشهادة الفني بتاع سكودا - دواخل فبريكة وكذلك خوارج اللهم الا بعض الخدوش - الحمد لله حاجة كويسة

الف الف مبروك يا ابو عبدالله و ربنا يديك خيرها و يمنع عنك شرها و يباركلك فيها
بص بقي يا سيدي مطلوب منك الاتي:
1-تغيير زيت الموتور و زيت الفتيس
2-تغيير فلتر الزيت
3-مراجعه كافه السيور مع مراعاه ان لو صوت الموتور عالي ممكن تغير سير الكاتينه(و ده في الفيليشيا جنزير)
4-تغسل الرادياتير في بنزينه و تحط ميه خضرا و الاحسن الميه المركزه اللي بتتخفف
5-عينك علي امبير الحراره لو اعلي من 90 يبقي تشوف ترموستات الكوعه و تبص بردو علي حساس الحراره علشان بيتغير بواحد اقل
6-مفيش حاجه في الفيليشيا اسمها هاف بور هو اسمه سيمي بور(شفت الفرق؟!!) المهم لو الدريكسيون مش ناعم و انت واقف تبقي تشيك علي ضغط الكاوتشات و لو مظبوطه و الدريكسيون لسه تقيل يبقي تروح عند اي عفشجي نضيف يراجع علي علبه الدريكسيون هتلاقيها محتاجه تغيير سويه جلب و حاجات كده هايفه و لما تخلص هتلاقي الدريكسيون محجر كام يوم و بعدين هتلاقيه ميه بس ادعيلي
7-العربيه بالحاله اللي بتقول عليها و الوبشنز دي تحفه , بس عندي سؤال دي انجكشن مش كاربيراتير صح؟؟
8-راجع كافه الموضوعات في قسم الاسكودا و حاول تقراها كلها هتلاقي حاجات تفيدك و لو عندك سؤال فكلنا تحت امرك و خد بالك منها