بس نسيت اقولك سحبها حلو والله محستش انها 1400 ...هى مشكلتها العظمى استهلاك البنزين
عرض للطباعة
بس نسيت اقولك سحبها حلو والله محستش انها 1400 ...هى مشكلتها العظمى استهلاك البنزين
صباح الخير يا جماعه انا معايا ريو 2013 عامله 1300 كم
اخر مره كنت عايز احسب استهلاك البنزين فولت لحد المسدس ما فصل و صفر التريب
و بعد ما مشيت 335كم رحت فولت تاني لحد المسدس ما فصل اخدت 23 لتر
بس ال335 كم دول كان كلهم سفر بدون تكييف
اسف علي الاطاله
الله ينور عليك يا استاذ سامر
احسن حل علشان تعرف استهلاكها الصحيح يا جماعه تفول العربيه وتصفر عداد الرحلات وبعد ما تمشي بيها كام كم تفولها تاني وتحسب اخدت كام لتر بنزين وتقارن بعداد الرحلات ما ينفعش تعتمد علي معدلات الكومبيوتر
عايزين الناس كلها تجرب وتبشرنا بالنتائج....
حاجتين فـ العربية دى بيزودوا إستهلاك البنزين بالشكل ده:
1- الموتور: فيه 2 state-of-tune للموتور ده
واحد 109 حصان/6300 rpm و 139 نيوتن/5000 rpm؟؟!!! (وده رقم مزعج)
والتانى 107 حصان/6300 rpm و 137 نيوتن/4200 rpm.. وبردو بعيد على 1.4؟!!
(الأخير ده بتاع الميدل-إيست)
المشكلة
ان العزم المتأخر ده فـ عربية -المفروض- انها city car، بيضطر السواق انه يـrevv الموتور عشان تسحب.. بالتالى إستهلاك بنزين أعلى
+ الغلطة الأكبر اللى مزودة إستهلاك البنزين أكثر من Tune الموتور:
2- الفتيس العقيم جدا 4-سرعات أوتوماتيك
المشكلة مش فـ الـ4-سرعات (مع ان الشركات دلوقتى بتعمل 6-7-سرعات عشان حته إستهلاك البنزين دى)!!
لكن المصيبة فـ الـGear-Ratio بتاع الفتيس الـ4-سرعات؟؟!!!
الـgearing كله Wide-Ratio؟؟ الفروق بين الـ4-تروس واسعة!!
+ ان الـmid-gear نسبته 1.000:1 (ودا trend قديم أوى بطلوه من زمان) :E_braces[1]:
وطبعا مابقاش عنده غير overdrive واحد اللى هو الرابع؟!! وده خلى الـfinal-drive ratio عالية بالنسبة لعربية زى دى؟؟!!!
الدليل النظرى:
(العملى إتعرف من كذا واحد بيشتكوا من الحته دى، وbtw عـ الطريق السريع الإستهلاك بردو عالى)؟!
- التسارع من 0-100 فـ 12.7 ثانية (ده الـclaim بتاع كيا)..
تخيل ان الموتور الأصغر 1.25 (بتاع البيكانتو مابينزلش مصر) على الريو بيطلع رقم تسارع وتوب-سبيد أعلى من الـ1.4؟؟؟!! :B4_039:
ههههههههههههههههههههه عربيات عجيبة؟!! Lol
وده ليه؟؟ >>> عشان فتيسها مانيوال!!
- تانى حاجة:
كيا بتكذب فـ معدلات إستهلاك البنزين.. عادى كل الشركات كده - عشان بيحسبوها فـ ظروف optimum
(ولو ان نسبة الـerror فـ الكذب ماتبقاش كبيرة كده يعنى؟؟ مغفلين أوى)؟!!! :E_braces[1]:
لكن لما تقول ان انبعاثات العربية Euro V (أشك ان العربية اللى فـ مصر يعدى Euro III أصلا)..
وتلاقى أنبعاثات CO2 للنسخة دى تحديدا (موتور 1.4 فتيس أوتو): 150 جرام/كم؟!!!
هههههههههههههههههه
- فيه عربيات 1400 تربو بتطلع فوق الـ150 حصان.. مابتعملش رقم ثانى-أكسيد الكربون ده؟!! :angel10:
(عشان بس محدش يقوللى موتور الكيا صغير بس بيطلع باور عالية بالنسبة لحجمه)
أقوله: لأ معلش دا كده مفيش Efficiency؟؟ لازم يبقى فيه compromise بين الأداء-الإستهلاك-العمر الإفتراضى؟!! :hello:
رأيى من الآخر: اللى عايز يشترى العربية دى-- يجيبها 6-سرعات مانيوال، بلاش أوتو!!!
Rgds،
وحياتك الفتيس ال6 سرعات تيبترونيك بتاع كيا وهيونداى كمان مشاكله كتير
بينقل قبل الميعاد وبيخنق عزم الموتور (سرعة 120 على 1.5 rpm والغيار السادس) وعشان تخطى عربية قدامك لازم تكبس بنزين للاخر لحد اما الفتيس ينزل للرابع عشان يحرق على 3.5-4 فما فوق والسرعة تزيد !!!
وطول ما انت ماشى على سرعات متغيرة داخل المدينة بيفضل طالع نازل تكتكة كل ثانية
ومفيش فرق خرافى فى استهلاك البنزين ولا حاجة ..
انا عندى ريو 2013
وكتير اشتكيت من الاستهلاك
عملت سوفت وير
معملش حاجة
الحل فعلا فى البوجيهات
غيرتها على حوالى 2000 كم
كانت طالعة كأنها بقالها 100000 كم
بعد التغيير الاستهلاك قل شوية
والسحب اتحسن شوية
بس الفرق مش كبير
برده الاسهتلاك عالى
بقالى دلوقى حوالى شهرين مغيرها
بس حاسس انها برضه باظت تانى
او نوعها مش كويس
انا بيتهيألى ان لو لقيت نوع بوجيهات نظيف اكيد هلاقى فرق كبير
وبفكر انها تكون 2 شمعة
انا جبت البوجيهات من التوكيل بحوالى 160 جنيه
وبرده باظت
بس بشكل عام برده من الاخر الريو استهلاكها عالى غير كده
غير كده العربية ممتازة فى كل حاجة وكانت تبقى احسن لو كان الفتيس 6 سرعات
بس هى احسن من عربيات تانى كتير
ياريت لو حد يعرف نوع كويس يقولنا وبكام ومنين و شكرا