الموضوع: عشرون الف جنية قيمة اصلاح مقدمة الماتريكس فى غبور ( موثق بالفواتير )

السلام عليكم
فعلا في حاجات كتير متغيره مش حكايه كبوت بس
انا شايف كبوت و رفارف و قاعده محرك و رادياتير وقاعده رادياتير" من الاخر تغيير للرايداتير كله " و كشافات و فوانيش شبوره و وصدر و اكصدام وغيره كتير بس الورقه مش واضحه
يعني شكل الربع الامامي كان باظ كله ده غير انها اكيد دخلت و اترشت يعني كانت شغلانه

كان حاجة مشابهة للي حصل في الماتركس ولكن كانت لفيرنا و كانت سربنتينة و كبوت و إكصدام و شوية رفايع تانية و دخلت في 10000 !

عشان كدا ياجماعة لازم التأمين على العربيات.

المشاركة الأصلية كتبت بواسطة NaderNabil

انا شايف 20000 مناسب جدا!

حضرتك حسستني في الأول انه مغير كبوت و فوانيس و اكصدام فكان طبيعي ان نقول رقم 20000 جنيه غير واقعي....لكن بالنظر الي حجم الأضرار و كم القطع المستبدلة...السعر ده ممتاز...جدا....بالنسبة لتوكيل

هذا اقتباس مما قلته من قبل بالموضوع السابق
و واضح به اننى لم اقول انه تم تغير الكبوت فقط كما ادعى البعض !!!!

قد قام صديق لى بأصلاح سيارته الماتريكس من حادث فى ابورواش و غيروا له الكبوت والاكصدام و رفرف يمين و كشافين و الشبكة الامامية و رشوا له الجزء الامامى و اخذوامنه 20000 الف جنية مع العلم ان الخبطة لم يكن لها تأثر على الشاسية او الموتور.

و يجب النظرة بتأنى للفاتورة لان الفاتورة طويلة و ممتلئة على الفاضى
و من ينظر لها بنظرة سطحية يتوهم انها كبيرة و تستحق كل هذا المبلغ و لكن الحقيقة غير ذلك
لان الاكصدام مثلا مكون 5 قطع و الكبوت من 6 قطع و هم فى الاخر كلهم جزء واحد و هو الاكصدام كامل او الكبوت كامل .
و لكن هذا لزوم تفنيط الفاتورة و تضخيمها لتبرير كل هذا المبلغ

و لنرى فيما يلى امثلة توضح ذلك جيدا و تكشف مدى ارتفاع اسعار قطع الغيار فى غبور

سنجد الاكصدام مثلا فى الفاتورة كألاتى :
اولا الاكصدام :
859 جنية اكصدام امامى
352 جنية اكصدام امامى مرة اخرى .
232جنية فوم اكصدام .
57جنية قاعدة اكصدام .
57 جنية قاعدة اكصدام مذكورة مرة اخرى .
اذا ثمن الاكصدام الاجمالى هو 1557 جنية يا بلاش

ثانيا الكبوت :
1165 جنية كبوت
57 جنية مفصلة كبوت شمال
61 جنية مفصلة كبوت يمن و نلاحظ هنا فرق السعر فى بين المفصلتين رغم انهم متشابهين .
40 جنية عدد 10 مسمار
78 جنية رشاشات زجاج الموجودة بالكبوت
4 جنية خرطوم رشاشات الزجاج
6 اجزاء بالفاتورة يتكون منها الكبوت
الاجمالى 1405 جنية يا بلاش

اى ان الاكصدام و الكبوت وحدهم فقط مكون من 11 بند فى الفاتورة مما يوحى انهم قطع غيار كثيرة و لكن ما هى الا اجزاء صغيرة من مكون واحد رئيسى كما وضحت.
هذا غير ان باقى الاسعار مبالغ فيها كثيرا و خاصة سربنتينة التكيف 2500 جنية و مروحة الريداتير التى تخطت الالف جنية و فانوس الشابورة الصغير تخطى ال 400 جنية

هل هذه الاسعار تعتبر عادية و غير مبالغ فيها ؟؟؟؟؟؟؟؟؟

المشاركة الأصلية كتبت بواسطة Mohamed_SlvrLan99

ممكن لو فى صور العربية قبل التصليح عشان نشوف حجم الاضرار ؟.

اعتقد ان صاحب السيارة معه صورة للحادث و سأحاول رفعها لكم
مع العلم ان هذه الحادثة حدثت له و هو متوقف بسيارته امام القصر العينى