حسبى الله ونعم الوكيل .. فى التوكيل

**magdi mina** · 08-07-2008 03:48 AM

ذهبت لتوكيل بيجو ..رشدى لفحص سيارة 405 انوى شرائها .. طلبوا 250 جنية نظير فحص وتقرير شامل عن السيارة .. اسمة كشف بيع وشراء ..وبعد 3 ساعات اعطونا التقرير المهزلة !!!!!!!! أولا - فحص خارجى : الزجاج و المساحات -الفوانيس والاشارات -المرايات الجانبية ( لاتحتاج باشمهندس )ثانيا - تحت غطاء المحرك : زيوت ( المحركوالباور والفرامل ) ومياة (التبريد والمساحات )لاتحتاج مهندس ثالثا - الانوار : انوار التابلوة والاشارات والانتظار والرجوع والفرامل ولوحة الارقام (لا تحتاج مهندس ) رابعا -داخل السيارة : الة التنبية ومياة المساحات وارتفاع الانوار الامامية ( لاتحتاج باشمهندس ) .... خلاص .... هو دة التقرير اللى اخدتة من توكيل بيجو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟ دخلت للباشمهندس أسألة فين باقى التقرير ؟؟؟ قال لى ... مافيش غير دة !!! قلت لة : فين فحص الموتوووووووووووووووور ؟؟؟؟؟ قال لى ياسيد 405 مافيهاش كمبيوتر واللى يقول لك انة يقدر يعرف حالة الموتور دة اذا كان 70 % ولا 90 % يبقى كذاااااااااااااااااب ........... قلت لة : فين فحص التكييف ؟؟ .. قال لى : مادمنا لم نعلق علية فى التقرير ....... يبقى سلييييييييييييم . ارجو أن أعرف رأيكم في ماحدث معى ... ومعى التقرير والايصلات والفاتتتتتتتتتتتتورة !!!!!!!!

-----------------
الأخ الفاضل صاحب الرسالة
الله الله الله
أولى كلمة أن تتقن كتابتها
الإدارة ل ف م

**magdi mina** · 08-07-2008 04:22 AM

اسف .... نسيت اقول ... انه فى التقرير دة خانة عنوانها الاصلاحات العاجلة .... هى اللى كتبوا فيها .... 2 مساعد امامى و رداخ بنزين و 2 اويل سيل كوبلن و كدة عملوا اللى عليهم .. وزيادة شوية ..... ياترى دة نصب ولا استعباط ..........؟؟؟؟؟؟؟؟؟؟؟؟؟؟؟؟؟؟؟؟ ؟؟

**mohamed_88sk** · 08-07-2008 04:30 AM

مش عارف بس متهيألي ده تخلف وأستخفاف منهم ..
برضو نستنى رأي الأخوة الأعضاء .

**mixd99999** · 08-07-2008 08:26 AM

تصدق انا كنت رايح اكشف على عربية 406 في التوكيل
بس الكلام اللي سمعته ده هيخليني اصرف نظر عن الموضوع ده

سؤال ؛انت كشفت عليها في اي فرع

**Xpert** · 08-07-2008 08:33 AM

شفت بقي لو كنت اخدتها لصنايعي عادي .. كنت اخدتها و رحت البنزينه ... رفعهالك من تحت ... بصلك علي العربيه .. و مان ركب اخد لفه علي الطبيعه .. شاف ايه النظام .. و كنت عرفت العربيه فيها ايه .. من غير بشمهندس ههههههههههههه
ماهه شغله التوكيل يكون نصاب ... علشان يكسبوا فلوس ...
انا عندي فاتوره لعربيتينا البي ام ... من 12 سنه فاتوا .. صاحبها الاولاني نزل التوكيل غير 4 فرد كاوتش و سيور و زيوت و ظبط كهرباء ... خدوا منه 35 الف !!! (بي ام 735 موديل 1979)

**Mahmoud_405** · 08-07-2008 02:00 PM

بص ياباشا..............
انا لما اشتريت عربيتي البيجو 405 برستيج من شهر 8 اللي فات روحت التوكيل علشان اعمل نفس الفحص ده بس ب 165 جنية مش 250؟؟؟؟؟؟؟؟؟؟؟

التقرير كان مكتوب في الاتي::

تحتاج صيانة موتور يعني جوانات وبوجيهات
تحتاج تغيير مساعدين امامي
تحتاج كشافات شبوره معانها كانت سليمة
تحتاج شحن تكييف
الشاسيهات تمام والموتور حالة جيده

سئالتة علي الفتيس لانة كان اتوماتك... قالي مدام مجبناش سريتة في التقرير يبقي سليم

وعلشان تعرف كفأه الموتور كام في المية مش شرط يبقي فية كمبيوتر لانة بيتعمل علي جهاز اسمة الدونو وبتوصل مكان البوجيهات وبدخل بيانات وبيقرا الكفاه كام ... انا عربيتي فيها كمبيوتر ومعملوش كده في التوكيل......................

هما ال 250 استعباط لان السعر 165 !!!!!!!!!!!!!!!!!!!!!!!!!

**magdi mina** · 08-07-2008 02:08 PM

المشاركة الأصلية كتبت بواسطة mixd99999

تصدق انا كنت رايح اكشف على عربية 406 في التوكيل
بس الكلام اللي سمعته ده هيخليني اصرف نظر عن الموضوع ده

سؤال ؛انت كشفت عليها في اي فرع

فرع رشدى - توكيل بيجو - الاسكندرية - توكيل معتمد لمركز التنمية والتجارة وجية أباظة !!مركز خدمة رشدى ............ دة بالضبط اللى مكتوب على الايصال والفاتورة والتقرير ( نموذج فحص بيجو ) ..... كلة رسمى ياباشا !!!!!!!!!!

**kareem_Ashmawy** · 08-07-2008 02:09 PM

انا كشفت على عربيتى سبتمبر اللى فات قبل ما اشتريها
كانت التكلفة كاملة 165 ج بالضريبة
و كشفوا على كل حاجة بما فيها كبس الموتور
بس مكشفوش على التكييف شغلوه لقوه بيسقع كويس قالوا خلاص يبقى مفيش مشكلة
بس رفعوها و الصنايعى فحصها بالتفصيل الممل من تحت
و فتحوا الكبوت و قعدوا يدققوا فى كل صغيرة و كبيرة
لرجة انهم لقوا الراداتير الالحامل بتاعه فى حتة ملحومة و قالوا لينا عليها
بصراحة مفوتوش حاجة
بس ده فى الحاجات الأساسية
و خدوها و طلعوا بيها و شافوا السحب و العفشة
و قالوا على الحاجات اللى عايزة تتغير فى العفشة بالضبط

انما الأنوار و الفرش و الكلام ده مبصوش عليه بصراحة

و ده كان فى مودر سيرفيس مدينة نص
ودول ناس كويسين جدا و كل الناس بتشكر فيهم

بالنسبة للعضو الفاضل اللى عايز يكشف على 406
اوعى تخلى حد غير التوكيل يكشفلك عليها
لأنهم هما الى بيبقوا عارفين ايه العيوب الشائعة و ايه الحاجات اللى يدوروا عليها
و هما بيفحصوا...أحسن مليون الف مرة من ميكانيكى عادى أو بنزينة لأنهم مش تخصص بيجو
وهديلك مثال على كده
مرة من قريب كسلت اروح التزكيل عشان اغير الزيت
وروحت بنزينة شل الهرم
ودى من اشهر المحطات فى القاهرة
و الواد أول ما شاف العربية قالى لأ مش بنشتغل فى العربيات دى لأنها صعبة
بس رجع قال هعملها و كان السبب ان العربية فضلت تبطل لوحدها كذا مرة كل ما أخد مطب
لغاية ما طلع خبط فيشة خلاها تتهز
فلو سمحت ما تتعاملش الا مع ناس متخصصين فى البيجو

**magdi mina** · 08-07-2008 02:31 PM

انتم بتتكلموا فى اسعار قديمة .. البنزين و الرخص زادت يا باشا !! ولازم يواكبوا التطورات الجديدة .... وبالضبط بالضبط قوى .. الفاتورة طالعة 250 جنية وربع جنية ؟؟؟؟؟؟؟ الحق حق !!!!!!