مشكلة فى شغلى وعاوز مساعدتكم
السلام عليكم ورحمة الله وبركاتة
فيه مشكله عاوز اخد نصيحتكم فيها
دلوقتى انا وواحد صاحبى ابتدينا نعمل مشروع لصناعة ملابس الاطفال " المشروع خارج مدينة القاهره فى مدينة السادات على طريق مصر اسكندرية الصحراوى"
ابتدينا من 3 شهور
صاحبى دا كان اتعرف عاى واحد شغال فى تسويق الملابس وقال انه هيدخل معانا بانه يسوق لينا
من غير ما يشارك براس المال
ولما اتكلمت انا وصاحبى دا قلنا مفيش مشاكل انه لو عاوز يدخل بلارباح بتاعته بنسبة
يعنى 5 % او 10 % عشان يخلى قلبه على الشغل اكتر واكتر
بس دلوقتى اكتشفنا انه انسان مش كويس وانه مش مؤتمن على اى حاجة
فتكلمت مع صاحبى وقلتلة الكلام دا مينفعش
واتفقنا وقعدنا معاه امبارح وقلنا ان الشغل كدا مينفعش
ومش هينفع تكمل معانا وليك حق هتاخده " فلوس انه معانا ال3 شهور دول هنقدرها وياخدها"
قال ماشى ,,
انهارده بعد ما انا رجعت القاهره لاقيت شريكى بيكلمنى بيقولى ان الشخص دا قعد معاها وبيقول ليه ,,انا مش خارج بره المشروع الى مش عاجبة هو الى يمشى
" وهو يقصدنى انا لان للاسف الشيديد صاحبى دا طيب جدا وملوش فى التعامل مع الناس وبيحرج من انه يقول حاجه لحد فى وشه "
وطبعا هو مدفعش مليم يعنى مشارك بمجهود فقط
مش عارف اخلص من واحد زى دا ازى
وانا معنديش مشكله اديله فلوس اكتر من الى هو يستحقها عشان اخلص من وجع الدماغ دا واركز فى الشغل
فانا مش عارف اعمل ايه " انا عارف ان المشكله فى صاحبى " بس انا عاوز رايكم فى الموضوع دا