الموضوع: أيه حكاية بروتون بالظبط؟؟

المشاركة الأصلية كتبت بواسطة m_elhasafy

الجين تو بالتحديد فهى عربية قديمة فى مصر فماتقلقش من قطع الغيار بره التوكيل
أما التوكيل فأكبر عيب قابلنى فيه هو إنهم بيستوردوا قطع الغيار بكميات محدودة فممكن تحتاج قطعة وماتلاقيهاش و تضطر تستنى وقت لما توصل من ماليزيا
أما كفنيين و مهندسين فبصراحة محترفين و خبرتهم عالية و المعاملة معقولة بس لما بأكون فى المركز الرئيسى فى أبو رواش و أعدى على إستراحة ستروين بأحس إن إستراحة بروتون كانتين مش إستراحة :)
و تقييمى الشخصى إن التوكيل معقول خصوصاً إنه بيخدم عربية تعتبر فى الفئة الأقتصادية و الفئة دى أساساً لو بتتخدم كويس فى التوكيلات فده بيكون لإن الماركة فيها عربيات إقتصادية و فئات أعلى أما بروتون فكلها عربيات إقتصادية
أما العربية فى ذاتها فالجين تو وحش ما شاء الله بس فكر فى الأوتوماتيك لإن أوتوماتيك فى بروتون كويس و الحمد لله و بروتون تعتبر أعلى قيمة مقابل السعر
أنا معايا ساجا بقالها سنتين و لو هأغير هأجيب بيرسونا لإن اللى بيركب بروتون ما بينزلش منها غير على أوروبى :)

كلامك صح جدا .


انا معايا مانيوال 2009 و بدور علي واحدة تانية اوتوماتيك :) و مش حابيع المانيول أبدا ان شاء الله

باختصار .. يا تركب بروتون يا تركب ألماني ( زيرو ) .

المشاركة الأصلية كتبت بواسطة m7md87

معلش سؤال عشان لاحظت ان كل الناس اللى عندها قطع غيار بتكون فى القاهرة طب بالنسبة للاسكندرية فيها بردو ولا لو واحد عنده مشكلة يبقى لازم ينزل القاهرة

قطع الغيار ف اسكندرية متوفرة في صلاح الدين ( سالم الحرفة ) و في الازاريطة ( شوقي مزروعة )
و في ميامي 45 ( الراعي ) .. دول اشهر محلات .

طب سؤال كده انا معايا فى حدود 75000 مش عارف اجيب مثلا موديل 2010 اتوماتيك والا اكمل واجيب زيرو احسن
هو طبعا معظم الناس حترشح الزيرو بس انا لاحظت ان سعر اعادة البيع مش حلوة فالخسارة حتكون اقل لو اشتريت 2010 عن ما اشتري الزيرو ولا ايه رأيكم