الموضوع: أيه حكاية بروتون بالظبط؟؟

لو هتعرف تركب كرولا او سيفيك يبقى في كلام غير كده يبقى وش هاتها وتوكل على الله..عربيه محترمه جدا

والله انا محتار نفس الحيرة كدة زيك بالظبط انا عاجبانى العربية اووى ونفسى اشتريها
بس من كتر ما سمعت السلبيات اللى عليها مش عارف اخد قرار والمشكلة انك لما تيجى تقارن سعرها وتشوف حتشترى ايه فى نفس السعر مش حتلاقى نفس الابشنز دى فى اى عربية تانية فعلا حيرة كبيرة

الجين 2 عربية للي هاوي
يعني الي عاوز يركب عربية تحفه ومقتنع بيها تماما وفالمقابل يستحمل التوكيل وقطع الغيار
مدام مقتنع بيها خلاص انما لو هتشتريها علشان شكل او تغير فقط هتتعب
لازم تكون العربية مقتنع بيها تماما علشان يوم ما التوكيل يعمل معاك حاجة تستحمل العربية لما تبصلها بس
استخير ربنا عموما هو مفيش مقارنة لانك مقولتش معاها عربيات تانية
والله اعلم ..

الجين تو بالتحديد فهى عربية قديمة فى مصر فماتقلقش من قطع الغيار بره التوكيل
أما التوكيل فأكبر عيب قابلنى فيه هو إنهم بيستوردوا قطع الغيار بكميات محدودة فممكن تحتاج قطعة وماتلاقيهاش و تضطر تستنى وقت لما توصل من ماليزيا
أما كفنيين و مهندسين فبصراحة محترفين و خبرتهم عالية و المعاملة معقولة بس لما بأكون فى المركز الرئيسى فى أبو رواش و أعدى على إستراحة ستروين بأحس إن إستراحة بروتون كانتين مش إستراحة :)
و تقييمى الشخصى إن التوكيل معقول خصوصاً إنه بيخدم عربية تعتبر فى الفئة الأقتصادية و الفئة دى أساساً لو بتتخدم كويس فى التوكيلات فده بيكون لإن الماركة فيها عربيات إقتصادية و فئات أعلى أما بروتون فكلها عربيات إقتصادية
أما العربية فى ذاتها فالجين تو وحش ما شاء الله بس فكر فى الأوتوماتيك لإن أوتوماتيك فى بروتون كويس و الحمد لله و بروتون تعتبر أعلى قيمة مقابل السعر
أنا معايا ساجا بقالها سنتين و لو هأغير هأجيب بيرسونا لإن اللى بيركب بروتون ما بينزلش منها غير على أوروبى :)

المشاركة الأصلية كتبت بواسطة S O P H O S

الجين 2 عربية للي هاوي
يعني الي عاوز يركب عربية تحفه ومقتنع بيها تماما وفالمقابل يستحمل التوكيل وقطع الغيار
مدام مقتنع بيها خلاص انما لو هتشتريها علشان شكل او تغير فقط هتتعب
لازم تكون العربية مقتنع بيها تماما علشان يوم ما التوكيل يعمل معاك حاجة تستحمل العربية لما تبصلها بس
استخير ربنا عموما هو مفيش مقارنة لانك مقولتش معاها عربيات تانية
والله اعلم ..

كلام حضرتك مضبوط تماماً لإنى حصل معايا موقف فى فانوس مش موجود و إستنيت قرب الشهر و برضه ماجاش ووقفت مع نفسى وقفة و أعدت حساباتى و أعدت الإختيار لقيت نفسى بختار العربية اللى أنا راكبها
(بس غيرت اللون علشان الإسود فعلاً لعنة)

بص ياباشا انا عامل حادثة من حوالى اربع ايام بعربيتى برسونا اليجانس 2012 والنبى لو لقيت اكصدام قدام وكبوت تبلغنى مع العلم ان الاكصدام هو هو بتاع موديل 2010 اوكى انا لا موجود فى الزفت التوكيل ولا موجود فى جميع محلات قطع غيار بروتون على مستوى مصر وجرب وانتا تعرف انا روحت لطوب الارض ومش لاقى والعربية مرمية فى التوكيل والبهوات بيقولولى مش عارفين حييجى امتى قطع الغيار دى وقولتلهم طيب لو لقيت برة اجيبلكم وانتو تركبوة يردو يقولولى البهوات لو لقيتة يعنى مستفزين اخر حاااااااااااااجة حسبى الله ونعم الوكيل فيهم .

المشاركة الأصلية كتبت بواسطة eng f3lix

حضرتك نزلت الحرفيين؟

على فكرة الراعي عنده في المخازن حوالي 4 عربيات انصاص وانا كنت عنده من فترة كدة شوفتهم

صحيح، أنا شوفت عنده نص جين تو حمراء عند المحل، وهو فعلا عنده مخزن كبير بالقرب من مسجد وداد شلبي.

وكذلك شوفت نصين لجين تو نحاسي (برتقالي) عند محل زيرو التابع لنيو ماستر في شارع الدكتور ممدوح.