مساعدة في أختيار سيارة مابين ( فولفو - جولف - رينو ميجان )

السلام عليكم ورحمة الله

كيف حالكم أخواني الكرام

أنا حالياً متواجد بالسعودية

أريد شراء سيارة مستعملة وامامي ثلاثة

جولف 2002 . ماشية 118 الف كيلو بحالة جيدة جداً
ورينو ميجان هاتشباك ممشي قليل حوالى 80 الف موديل 2006 ..
وفولفو 2002 ممشى 160 الف كيلو
وكلهم فتيس أوتوماتيك وتقريباً نفس السعر وده اللى محيرني في الأختيار :)

أنا عجباني جداً الفولفو .. و سوق السيارات بالسعودية تقريباً لا يختلف كثيراً عن مصر بالنسبة للعربيات دي الجولف متوفر لها ميكانيكية شوية والرينوا أقل والفولفو أقل
( بس عربية جامدة أوي )
بس هنا عامة الصيانات والميكانيكا أغلى شوية من مصر ويمكن في مصر الميكانيكية بصورة عامة مستواهم أفضل شوية .. وكلهم تقريباً قطع غيارهم إلى حد ما غالية بتتفاوت شوية

بم تنصحوني .. بالنسبة قلة الأعطال والمعمرة أكتر وتستحمل ..

جزاكم الله خيراً

فولفو

انا اميل للميجان
كراي ليس الا ..

فولفو وشش
منصحكش بالميجان غير أعطالها, التكييف بتاعها سيء جدا ومش هينفع في جو السعودية

متفكرش في الميجان

فكر في جولف أو فولفو

السعودية محتاجة موتور كبير وقوي

-

ولا واحده من التلاته, هتشتريها غاليه ولما تحب تبيعها هتخسر فيها, الا لو انت غااااااوي دا وضع مختلف وف الحاله دي تجيب الجولف طبعا

الله يكرمكم .. الف شكر يا رجالة لكل اللى رد

تكييف الميجان أنا مجربتوش بس اعتقد انه هنا بتكون العربيات نازلة كلها مطابقة للمواصفات الخليجية فممكن التكييف يكون أفضل .. بس انا هستبعدها إلى حد كبير خايف من أعطالها

بالنسبة للسعر كلهم مش غاليين أسعارهم مش غالية كلهم مستعمل واسعارهم متقاربة جداً

من قبل ما اقري الموضوع اركن الميجان علي جمب ويحضن كمان
يا فولفو يا جولف

ان شاء الله انزل بكرة اشوف كم عربية كده منهم

ميجان سيدان فول اوبشن - فتحة سقف - اوتوماتيك ((( 2000 سي سي )))

نضيييفة جدا ... عايز اعملها تشيك بالكمبيوتر بس
بتشعشع في دماغي مع انى بخاف شوية من الميجان :)

السعودية...يبقي تشوف حاجة ياباني ...هوندا او تويوتا او نيسان ....السعودية مالههمش في الاوروبي.

اقتباس:

---

المشاركة الأصلية كتبت بواسطة i_Am_Legend

السعودية...يبقي تشوف حاجة ياباني ...هوندا او تويوتا او نيسان ....السعودية مالههمش في الاوروبي.

---

بالظبط كده
وممكن امريكي....
تحياتي

Sent from my SE Arc S using Forum Runner

هو الياباني منتشر جداً خاصة التويوتا بجميع أنواعها .. وبعد كده الأمريكي والكوري ( الهيونداي كتير جداً )
ثم الألماني منتشر ايضاً وبعد كده الأوربي بتفاوت في بعض الناطق الرينو تيجي بعد كده ...

هو الانتشار بس أنما السيارات كجودة الألماني ممتازة وانا بحبها عن اليابانى ويوجد لها صيانتها وميكانيكتها
وقطع غيارهم متقاربة الى حد ما

انا الرينج بتاعى بيخليني اختار في حاجات معينة خاصة ان التيوتات النضيفة مثلاً عشان اجيب حاجة موديل قريب شوية وحالتها نضيفة هتكون معدية الرينج بتاعى فبشوف افضل حاجات في الرينج المتاح معايا وربنا يسهل ويكرم بأذن الله :)

فنا هاممني جودة العربية أكتر من موضوع انتشارها في الشوارع بدل الميكانيكا موجودة إن شاء الله

ياراجل السعودية دي نااااار وعايزة مواصفات خاصة وبعدين مالهمش في اﻻوروبي خالص

وانا حنقل تجربتي ليك خوذلك النترا الشكل القديم او تويتا كروﻻ او نيسان صني

وابعد خالص عن اﻻوروبي ﻻنه بيسخن ومابيتحملش الظروف الشديدة وخاصة المستعمل ومالهوش صيانة والصيانه بتعته غالية وقطع الغيار كمان

وسعر اعادة البيع زي الزففففففففففت ده لو لقيت حد يشتري اصﻻ !!!

نصيحة اخوية لله اوعا تغلط

ولو مش حتاخذ اﻻ اوروبي وخﻻص انت مقرر مهما كانت النتائج ومش هامك

هات الجولف وحط عينيك دايما على مؤشر الحرارة

والف مبروووك مقدما

الف شكر يا استاذ كيمو

هو فعلاً أعادة البيع للأوروبي مش كويس عدا يمكن البي أم والمرسيدس وبعض الموديلات العالية أوي والنادرة بئا :) اللى احنا مش أدها .

وتقريباً نفس مشكلة الأوروبي هنا زي الميجان مثلاً
أنما بالنسبة للحرارة اللى شوفته من اللى حواليا من اللى جايبين بيجو وغيره من الفرنساوي والألماني موديلات 2002 فيما فوق مفيش اي سخونة الحمد لله وده تقريباً راجع لأنها بتكون مواصفات خليجي بتتحمل إلى حد كبير الجو .. غير المواتير يعني تلائي مثلاً ميجان 2000 سي سي منتشر .. جولف 2000 سي سي منتشر المكن ال 2000 .. غير مصر

وأنا بحاول أجيب في المضمون بس انا كنت بدور على جودة العربية أكتر منها انتشار او بيحبوها أو لا.. وربنا يكرم .. والف شكر عالنصيحة وبتفيدنى طبعاً أي نصيحة الله يبارك فيك

اقتباس:

---

المشاركة الأصلية كتبت بواسطة HeMa1981

الف شكر يا استاذ كيمو

هو فعلاً أعادة البيع للأوروبي مش كويس عدا يمكن البي أم والمرسيدس وبعض الموديلات العالية أوي والنادرة بئا :) اللى احنا مش أدها .

وتقريباً نفس مشكلة الأوروبي هنا زي الميجان مثلاً
أنما بالنسبة للحرارة اللى شوفته من اللى حواليا من اللى جايبين بيجو وغيره من الفرنساوي والألماني موديلات 2002 فيما فوق مفيش اي سخونة الحمد لله وده تقريباً راجع لأنها بتكون مواصفات خليجي بتتحمل إلى حد كبير الجو .. غير المواتير يعني تلائي مثلاً ميجان 2000 سي سي منتشر .. جولف 2000 سي سي منتشر المكن ال 2000 .. غير مصر

وأنا بحاول أجيب في المضمون بس انا كنت بدور على جودة العربية أكتر منها انتشار او بيحبوها أو لا.. وربنا يكرم .. والف شكر عالنصيحة وبتفيدنى طبعاً أي نصيحة الله يبارك فيك

---

ياعزيزي انا قدامي من 6شهور كان واحد معاه لوجان 2010 كنا في العشليح بندور على قطعه لعربيه تانية والاخ ده جاي التشليح يدور على قطعه ومش لاقيها خالص جديد ولا تشليح فبيقول لصاحب المكان تشتري مني العربية ب10 آلاف
قاله ولا ب8!!
ثم فرق أسعار قطع الغيار وتكلفة التصليح أكبر بكثير من الأمريكي وأكبر بفروقات خرافيه من اليابااني والكوري..
شوفلك اكسنت 2009 مش هتزيد عن 15 ألف باي حال ولا شوفلك صني اسعارها هناك حلوة برضو وممكن تشوف الشفرليه اوبترا من الجميح كان عنده من 6شهور عربيات حلوة وبتبدا من 16لحد 20....
تحياتي

Sent from my SE Arc S using Forum Runner

السعودية = toyota , honda, mitsubishi....

فولفو :beat5: حتي لو هتتعبك شويه بس بصراااااحه تستحق عربيه محترمه فعلا

تاني اختيار الجولف طبعا

اكيد الجولف عشان قطع غيارها متوفرة اكثر من الفولفو والميجان فى السعوديه والخليج عموما

الف شكر يارجالة .. شكلي فعلاً هستبعد الفولفو رغم انها عربية ركوبة حكاااية والميجان برده .. للأسف المكان بيحدد ويحجم أختياراتك :)
وهفكر في الألماني أو لو لقيت تويوتا على قد اللى معايا ....