الموضوع: جلب مقصات الفيلشيا :(

السلام عليكم ورحمة الله وبركاته

الفيليشا واللى عماله تعمله فيا :((

احب اقولكو على ان الفيليشا دى فلشتنى خالص :

النهاردة كنت عند اشرفكو اللى فى الحى السادى ( مدينه نصر) بصراحه مركز محترم جدا والناس اللى شغاله فيه محترمين جدا

كنت رايح عشان اظبط زوايا وترصيص عشان العربيه بتعوم لما بتوصل ل 90 او 100 كده وانت طالع

بعد ما كشف عليها قالى هيا مش محتاجه ظبط زوايا او حاجه هو بس عندك حاجات فى العفشه

قالى الفرده اليمين محتاجه جلب مقصات

وبعد كده نظبط زوايا

ايه رأيكم يا جماعه والجلب دى عباره عن ايه وسعرها هيكون فى حدود كام وهل الميكانيكى ممكن يعملها ولا لازم عفشجى

المشاركة الأصلية كتبت بواسطة karim ibiza

المقص الواحد بيكون فيه جلبتين صحن وجلبة بلحة والواحدة ب 30 جنيه يعنى لو هتغير التلاتة اللى فى اليمين والتلاتة اللى فى الشمال يبقى 6 جلب ب 180 جنيه وفعلا لو فيه جلبة بايظة بتخلى العربية تعوم

شكرا لاهتمامك

المشاركة الأصلية كتبت بواسطة المنسي

كنت جايب جوز جلب مقصات اللى هيه الكبيرة اللى بتركب فالمقص من ورا ب 80 جنيه والميكانيكي ركبهم والحمد لله
نصيحة محدش يروح يعمل ترصيص ولا ظبط زوايا الا بعد الاطمئنان على العفشة انها سليمة علشان الفلوس متترميش على الارض

اه انا مش هعمل حاجه غير لما اطمن على العفشه وان شاء الله فى اقرب فرصه هروح للميكانيكى بتاعى عشان انا معرفش حد بتاع عفشه وهخليه يقولى الدنيا فيها ايه

شكرا يا استاذ (منسى) على اهتمام حضرتك

المشاركة الأصلية كتبت بواسطة sakr1964

طقم جلد مقصات كامل ب100 البلحة ب15 والعريضة ب35 جنية والميكانيكى او العفشجى هوا اللى بيركبهم بس طبعا لازم يفك المقص يالكامل برة علشان يروح المخرطة يفور الفديم ويركب الجديد وعلى فكرة ما تحاول انتا تعملها يادرش ارفع العربية من جنب واسندها بحاجة فك الفردة فكل مسمار البيضة اللى تحت السرة فك المسمارين اللى ماسكين الجلدة العريضة بمفتاح 17 وطلع المقص برة وارفع من الناحية التانية واسند بحاجة وزى مفكيت الفردة التانية تفك دى بعدييييييييييين روح المخرطة قلة فورلى الجلب دى واشحتلى الجلد الجديد وركب مقصات والف سلام مجيلكش فى مقص ههههههههههههه

شكرا يا استاذ صبحى لرد حضرتك الوافى

بس فكره انى اعملها دى اعتقد هتكون صعبه شويه وخاصه انى الايام دى داخل على امتحانات وبذاكر

وشكرا لرد حضرتك مره تانيه وان شاء الله اعملها واقولكوا ايه الاخبار

يا جماعه النهارده كنت الميكانيكى بتاعى بعمل حاجات فى الشاهين وسألته على الجلب بتاعت الفليشيا

قالى نصيحه منى هات مقص يمين كامل احسن

انتو ايه رأيكم فى الكلام ده وفرق الفلوس هيكون ايه ؟؟

وهل لو ركبت جلب مقصات هتخرب بسرعه ؟؟؟

المشاركة الأصلية كتبت بواسطة aw2100

انا ركبت من يومين مقص كامل يمين استعمال المانى علشان الجلب بتاعة المقص وحشة ونقلت بيضه المقص اليمين فى المقص الشمال علشان كانت وحشة وطبعا المقص فبريكة واشتريتة ب110 جنية وركب فى 5 دقايق وخلى العربية مزيكة وانا كنت مغير للمقص دة قبل كدة جلبة بيقولوا اصلى بس كانت العربية بترزع فى المطبات دلوقتى العربية بقت استك مع المقص الألمانى مفيش اى اصوات نهائى وخصوصا المقص الشمال عندى فبريكة بس متغيرة لة بيضة فقط فانا انصحك لو الجلب بايظة فى المقص غيرة بواحد استعمال بس دور على مقص المانى وخللى بالك انه يكون مكتوب علية made in germany ارخصلك وعمر افتراضى انساه خالص !!!!

حضرتك تقصد ان الجلب لو وحشه ممكن تبوظ المقص ؟؟

وعاوز حضرتك تقولى ايه اللى حصل خلاك تغير المقص كله ؟؟

ولو ركبت الجلب فيه منها المانى ولا كله صينى كالعاده ؟؟