ما هى فروق الأداء ما بين لانسر الشكل الجديد و البوما

هل فى فروق فى الأداء بين لانسر 1600cc الشكل القديم مانول و 1500ccمانول الشكل الجديد من حيث السحب و الفرامل و الثبات
و هل 1500cc mivec أفضل من 1600cc القديم
انا مبسئلش على فرق الشكل و شكراً

اه طبعا فى فروق كبيره جدا فى الفرامل والثبات لان اللانسر الشكل الجديد فراملها اقوى بكتير جدا وخصوصا المواصفات المصرى لان فيه عربيات خليجى بالذات فى المانيوال مفهاش abs or ebd وثباتها اعلى على السرعات العاليه .انما فى السحب والتسارع والسرعه القصوى اعتقد انهم متقاربين لان الشكل الجديد 1500 بس بتكنولوجيا mivec ومحرك مصنوع من الالمونيوم يعنى اخف وزنا . والشكل القديم 1600 بتكنولوجيا عاديه ومحرك من الحديد الاثقل وزنا

أه السرعه ده 1000 شكر على الرد بس هل الفرق يستاهل 25000le ؟
بين 1600 سس مانول 1500 سس مانول :no:

اه يستاهل
1-عزل أحسن
2-دريكسيونها أخف وأدق
3-فرامل أحسن
4-عفشتها أنعم
5-ثبات ممتاز
6-شكل داخلي وخارجي أقضل
7-موفرة في البنزين
من الآخر دي حاجة و دي حاجة تانية

thanks nobody 4 reply begad 1000 shokr

انا مش متفق معاكم في الرأي اولا انا شايف انها مش جميلة من برة ولا حاجة انا شايف ان الشكل القديم احلي لان الشكل الجديد ضخم علي الفاضي ومش انسيابية زي الشكل القديم ثانيا الفرامل بتاعت الشكل القديم جامدة برضة وفيها Abs وعمرها مقصرت معايا يعني معتقدش ان فية فرق_عموما لو فية فروق انا شايف انها لمصلحة الشكل القديم والدليل استمرار اقبال الناس عليها واستياء ناس كتييير من الشكل الجديد

سؤال:هو حضرتك سقت الشكل الجديد؟؟
لو سقتها حتعرف علطول الفرق
حتعرف ان الفرامل عندك (الشكل القديم)مش حلوة و العفشة ناشفة على الفاضي

أنا سقت الشكل القديم بجد محترمة بس ليها صفارة
بس بتفرمل أكثر من رائع

اقتباس:

---

المشاركة الأصلية كتبت بواسطة مازن الطويل

انا مش متفق معاكم في الرأي اولا انا شايف انها مش جميلة من برة ولا حاجة انا شايف ان الشكل القديم احلي لان الشكل الجديد ضخم علي الفاضي ومش انسيابية زي الشكل القديم ثانيا الفرامل بتاعت الشكل القديم جامدة برضة وفيها Abs وعمرها مقصرت معايا يعني معتقدش ان فية فرق_عموما لو فية فروق انا شايف انها لمصلحة الشكل القديم والدليل استمرار اقبال الناس عليها واستياء ناس كتييير من الشكل الجديد

---

السبب الاول لاستياء الناس من الشكل الجديد هو بسبب سعرها العالى لانهم فى الاول كانوا فكرنها نسخه من الشكل القديم بس بشكل جديد ، بس لما عرفوا ان فيه فروق جوهريه زى الباور والثبات وعلى فكره بالنسبه للفرامل فى الشكل الجديد اقوى لان الطنابير اكبر وتيل احسن واقبال الناس على الشكل القديم وممكن تلاقى ناس مش عجباهم الشكل الجديد علشان فرق السعر(30000) وطبعا كون ان شكل اللانسر الجديده مش عاجب حضرتك ده مسأله اذواق وعلشان اعرفك ان اللانسر الجديده احلى من القديمه هتلاقى مواضيع كتيرة فى قسم المقارنات بتقارن بين الشكل القديم والالنترا انما عمرك ما هتلاقى موضوع مقارنه بين الشكل الجديد والالنترا وبعدين الشكل القديم مينفعش تقارنوا بالمازدا 3 والسيفيك والكورولا الجديده انما الشكل الجديد فى كثير من المقارنات تفوقت على المازدا والكورولا وعلى السيفيك فى الكماليات . ده انا لسه صحبى انهارده مكلمنى من قطر بيقولى ان اللانسر عندهم بس (GT (2000 CC اغلى من الكامرى 2400 سى سى

اولا يعني اية فرامل اقوي يعني انا مثلا لما اجي افرمل مبتقفش_ عمرها ما حصلت_ثانيا مسألة الصفارة دي مسأله تيل فرامل هتغيروة مش هتلاقي صفارة_ثالثا بالنسبه للكماليات انا مش شايف فرق جوهري غير الكمبيوتر و الزنون(وده بيتركب زي ما كلنا عارفين)_وبالنسبة للمقارنات طول عمرهم يقارنوا الانسر بالمازدا والسيفك من قبل حتي ما الشكل الجديد ينزل(وطبعا عمري ما هحكم علي عرية بعدد المواضيع اللي اتكلمت عليهاحضرتك لو دورت هتلاقي ناس كتير مستأه منها ومن سعرها)_ولما حضرتك تتكلم علي 2000cc GT يبقي كدة اقولك ايوة الكلام يختلف لمصلحة الشكل الجديد دا كفاية العتلات بتاعت تغير السرعه اللي خلف الدركسيون_لكن لازم تفرق بين عربية 2000cc وعربية لعبة منزلينها للشرق الاوسط ضخمه بماتور 1500cc