TEST DRIVE : MERCEDES C200K
1800CC 164HP 2006
45000KM

تظل المرسيدس...مرسيدس
فعلا مش هتقدر تغمض عنيك ...اظاهر اننا كمصريين...عندنا عقدة نفسية من موضوع المرسيدس ده!!!
حتى لو كنت راكب واحدة موديل 1920....تحس بتميز غريب...و كل الناس اللي في الشارع بتبص عليك باعجاب غريب ....فما بالك لو موديل 2006؟؟؟؟ حد يرد عليا والنبي!!!
فعلا جوهرة ثمينة ماشية على الارض....وتألق رهيب (اكتر من BMW)

نظرة اولى:
دي محتاجة 1000000 نظرة يا جدعان...بررق يا ريس في كل حتة ..الجنط مرسيدس برضه 16"..اللون الأسود بيزيد الاحساس الخارجي بالفخامة المطلقة....الفوانيس الامامية خرافية و قمة في الجمال...واضاءة ليلية مبهرة....كل سنتي في العربية مصمم بعناية خرافية...و علامة MERCEDES المدموغة على الكابوت تكمل سمفونية التألق الخاطف و......انا اظاهر بدأت اهرتل

يا جدعان لازم حد يكون معايا وانا بجرب الاختراعات الوهمية دي...و آخد قبليها حبوب مضادة للتخلف علشان دماغي متضربش....
المهم....القعدة ملوكي جدا جدا....ميبقاش ناقصك أى حاجة....و ساعتها تبقى شهريار زمانك بجد و لو شوية مساج يبقى 100 100....الفخامة المطلقة في التصميم والخامات..(و هي اعلى من BMW في موضوع الخامات ده) الدريكسيون قابل للتعديل في جميع الاتجاهات.....و كل حاجة مكسوة بانواع هايلة من الجلد...و لا يوجد خطأ واحد في التقفيل...ولا يمكنك ايجاد غلطة واحدة في الصالون....السيارة مصممة لتتقبل السائق سواء اذا كان زعزوعة زي حالاتي....او زعبلة جدا....الكراسي الكهربائية مصممة للتعديل بالكامل..المهم راحة السائق مهما كان الثمن...العدادات بأضاءة بيضاء مريحة موت,,,والFRAMEالخارجي بتاعها من النيكل...التكييف هادي موت ولايشعرك باي صوت يذكر.بالأضافة الذكية جدا وهي تكييف في الكنسول اللي في النص للبشوات اللي قاعدين ورا ...العزل افضل من BMW نفس الفئة320.....نظام الصوت لمما يشتغل....يعزلك عن العالم الخارجي تماما...و كل حاجة تقريبا اوتوماتيك....و كان ناقص يبعتوا حد يسوقهالك كمان....


الاداء:
الشكل الكلاسيكي العام للسيارة ميديكش اي فكرة خالص عن الاداء الخرافي ليها و سألت صاحبها:هوة العربية دي فيها تلاجة ولا ايه يا مان؟؟(علشان كلمة كمبريسور) كان التعليل:
المرسيدس الكومبريسور دي..فيها حاجة زي التربو كده اسمها الكمبريسور....و ده نظام لمرسيدس خاص بيها مش هتروح تركبه عند الحرفيين مثلا يا فتك (مضطر استحمل قريبي الغتت علشان خاطركوا)
التسارع جبااااااااااااااااااااااا ااار من 0الى100 في 8 ثواني الا حاجة بسيطة...و بتأمرك في مكانها بسهولة....الستيبترونيك متعة حقيقية في المرسيدس....و خلاني مأقتنعش مثلا ببتاع الميجان او غيرها...
التعليق:
في الBMW الموضوع واخد الطبع الرياضي اكتر من مرسيدس....مرسيدس لم تدخر جهدا في جعل اللى راكبها متشال من على الارض شيل...ولا يمكن تحس حتى لو فردة كاوتش فكت و جريت (العربية اكيد هية اللي هتقولك)...و قدرة السيارة على المناورة خرافية...وممكن تاخد3 غرز ورا بعض من غير ماتتهز من مكانك...الملفات على 120و عادي جدا.....الثبات اعلي من اي عربية في الدنيا....صاحبها قاللي ان فيها 3 انظمة مختلفة للحفاظ على الاتزان والثبات....واحد فيهم لي زرار قدام الفتيس...لمما تدوس عليه...تلاقي صوت الموتور بقا عالى سنة..والدريكسيون تقل شوية...(علشان لو الارض مبلولة او بتمطر...تعرف تجري براحتك تماما)والله كنت هعيط من التأثر
تم الغاء اختبار السرعة القصوى....نظرا لخوف قريبي على العربية (بتاعت ابوه ) بس هوة اللي ساق في الاختبار....والنتيجة 235كم....ووووووووووووووووووو ووووووه.....باحساس BMW530i في الثبات....المرسيديس دي حكاية فعلا ......سفينة ماشية على عجل

طبعا كمبيوتر بيقولك كل حاجة في الدنيا...و درجات الحرارة الداخلية والخارجية... والمشكلة انني لمما بركب الطيارات دي (نادرا طبعا )بفقد جزء كبير من تركيزي نظرا لكمية الابداع الامتناهية للفئات دي...وربنا يوعدنا...

نقطة رائعة.....التوكيل رحاناله في الصيانة الدورية...عوملنا كالامراء...و بريستيج ايه و جمال ايه...و تشرب ايه و تحب تتفرج على الحاجات الجديدة...و متابعة عالية جدا للعميل....عكس البافارية تماما...و منظمين للغاية...و عمرك ما تضطر تلف و ترجع ليهم تاني...وللا مافيش قطة الغيار الفلانية.....كأنك عيش برة....(مش تلف حوالين نفسك 3 شهور علشان مقاومة تكييف!!!!!)

وحتة كمان: سعر اعادة بيع خرافي...ده لو دهب ما يمسكش سعره كده؟؟؟

النقطة الوحيدة اللي نص نص...انها شكليا مبتعجبش الشباب(اللى هوة في الغالب معهوش تمنها ) بمعنى ان شكلها عواجيزي....نوعا ما....ولو سألت اي حد: تجيب مرسيدس ولا بي ام؟؟ تكون البي ام اللى تكسب من ناحية الشكل دايما..

نقطة كمان...الاهمال في الصيانة الدورية ليه عواقب اكتر من وخيمة....مش زي الياباني...العربية تحتاج عناية من نوع خاص جدا...و عليها اداء عالي لفترة قد تصل ل25 سنة..(اكبر عمر اهلاكي لسيارة في العالم)

الخلاصة....اكثر العربيات احتراما في مصر...و لم ارى اي مالك يشكو منها بتاتا..توكيل اكثر من رائع و محافظ على سمعته بطريقة خرافية...متعة رهيبة و اعلى برستيج ممكن...و سعر اعادة بيع خرافي...واداء افضل من BMW (في نفس الفئة)

وان كانت BMW اكثر جمالا....


مستني الاراء والردود