الله ينور عليك يا فهد وتقيم ممتاز جدا جدا
عرض للطباعة
الله ينور عليك يا فهد وتقيم ممتاز جدا جدا
متشكر جدا جدا يا جماعة على الردود الحلوة دية
بالنسبة للأخت نهى
السعر من اول 106 الف للمانيوال و نفس الكماليات الى عندى و تزيد 3000 جنية لو بفتحة سقف او 112 اوتوماتيك و دية اول فئة فى الأوتوماتيك و تزيد 3000 جنية لو بفتحة سقف و فية بعدين فئة ب 131 و دية فل اوبشن و بتزيد 3000 جنية برضة لو بفتحة سقف
الف شكر يا فهد علي التقييم
وربنا يباركلك فيها
تقيم مميز
الف مبروك على العربية
ربنا يباركلك فيها ان شاء الله
تقيم رائع يا فهد ربنا يباركلك فى عربيتك , ال I 30 عربيه محترمه جدا ..... لما ركبتها فى المعرض لفت نظرى جوده التقفيل و الخامات الجيده جدا + انى حسيت ان المساحه الخلفيه للصالون اوسع نوعا ما من الالنترا !! مش عارف انا صح ولا تهيؤات .
و متفق معاك مليار % ان التكيف بيأثر على سحب اى عربيه خصوصا الى اقل من 2000 سى سى .
انا لما بشغل التكيف بحس ان15 : 20 % من عزم الموتور نقص ... و بتبان اكتر فى الطلعه الاولى , او فى مطالع الكبارى .... لازم تدوس بنزين ازيد . وانا شايف ان ده الطبيعى .
تقييم جميل ماشاء الله وحيادى جدا ربنا يباركلك فيها وهى عربية جميلة ماشاء الله وانا شايفة ان فوانيسها اللى ورا دى جميلة قوى قوى اول مرة آخد بالى منها شكلها جديد ومميز ماشاء الله
وكمان التابلوه شيك وبسيط وشكل الزراير كمان جميل فى الابواب ماشاء الله
انت كده متفرد يا استاذ فهد ودى حاجة جميلة فى حد ذاتها
بس موضوع التكييف ده موجود فى كل العربيات حتى لو الفين سى سى انا والدتى معاها مرسيدس وهى بالتكييف برده بتتاثر فى السحب بس تاثير خفيف
لكن دلوقتى فيه عربيات التكييف بتاعها بره زى الـsx4 بمعنى ان له موتور لوحده صغير ومش بياخد من موتور العربية وده مش بيخليها تتأثر بيه طبعا فى السحب
انا باقدر اشغل التكييف والعربية مش دايرة وبيخليها تلاجة
عموما العربية جميلة وربنا يباركلك فيها يا رب
ايه التقييم التحفه ده يا فهد فعلا فعلا مثال يحتذي به في التقييمات و عدم التحيز الف شكر ليك يا باشا انا ركبت ل i30 في المصرية بجد افضل ما قدمت هيونداي من ساعة ما انشأت هي i30 عربية فهلا بتديك اداء جولف و ليون بسعر اقل و جودة حلوة و اخيرا هيونداي غيرت التابلوه البلاستيك بأخر افضل و انضف و تقفيل ممتاز و الثبات اللي كان معقدني من هيونداي اتحل في i30 فعلا عربية في سعرها جامدة جدا بس برضه الحكم عليها لسه بدري من ناحية التحمل و العمر الافتراضي و المشاكل
ربنا يباركلك فيها يا فهد و يديك خيرها يا رب و يخليهالك:)
فهد مشكور على التقييم الجيد بس ده اعتراضي
عندنا خطا شائع اننا نقول ان التكييف على 2 او 3 او 4
وده غلط لان اللي بتتكلم علية ده سرعة المروحة لكن انا شايفك عامل التكييف على اعلى درجة
يعني درجات الحرارة بتبتدي من عند اخر اللاحمر كدة لغاية اخر الازرق من تحت
كل ما تزرد انت كدة بتزود التكييف
لكن المروحة مالهاش علاقة غير بقوة الهواء
وانت ممكن تشغل المروحة من غير ما تدوس على زرار التكييف ومش هاتطلع هواء ساقع اطلاقا
يا ريت يكون المعني وصل
غريبة قوي دي
انا اول مرة اسمع ان في موتور للتكييف لوحدة
انتي قصدك ان التكييف مايحملش على العربية مثلا لكن التكييف بموتور لوحدة دي جديدة قوي
اللي انتي بتعملية كدة انك بتشغللي الموتور على البطارية بتاعت العربية
وده ممكن في كل العربيات الجديدة بس بيهلك البطارية بسرعة طبعا
تقييم جميل يا فهد، ربنا يبارك لكم فيها.