لماذا أفلست شركة دايووووو موتورز؟؟؟؟؟؟؟؟؟؟

**shalaby2001** · 21-07-2008 04:02 AM

سؤال يلح على
لماذا افلست شركة دايو موتورز وتم بيعاها الى جينرال موتورز اذا كانت السياره تحقق مبيعات فى الخارج
هل معنى هذا ان السياره ناجحه فقط فى سوقنا المحلى فاشله فى الاسواق العالميه مما ادى الى فشلها؟؟؟؟؟؟؟؟؟؟

**Nile_Storm** · 21-07-2008 10:18 AM

مش عارف الموضوع ده عامل ازمه ليه
فيه شركات اكبر من دايووو حصلها كده برضه
هنروح بعيد ليه
ده جاجوار و لاند روفر اشترتهم تاتا يا جدعان

**McDreamy** · 21-07-2008 06:30 PM

معنديش خبرة كافية فى موضوع دايو ده
بس مش معنى انها اتباعت انها فشلت
بالعكس
ممكن تكون اتباعت عشان ناجحة......فجينرال موتورز حبت تستثمر فلوسها فيها
زى عندنا مثلا شركة كليك بتاع خطوط الموبايل
كانت زى الفل واشترتها شركة عالمية زى فودافون
البيع مش لازم يكون معناه فشل

**ahmedsrs** · 22-07-2008 04:45 AM

شركة دايو شركة عالمية تعمل فى بناء السفن والأجهزة الكهربائية ومعدات البناء والسيارات افلست الشركة نتيجة تكرار اضراب العمال وعدد ساعات العمل الطويلة لتلبية طلبيات الشركة وقد كان فرع انتاج السيارات من الفروع الناجحة فى الشركة ولكن مع افلاس الشركة تم تقسيم فروعها وفازت جنرال موتور بفرع انتاج السيارات

**akrameladl** · 23-07-2008 11:45 AM

فعلا يا اخ ahmedsrs ودة كان نتيجة ان شركة جنرال موتورز هى اللى بتمد شركة دايو بالمواتير احنا عارفين طبعا ان كل مواتير دايو من انتاج جنرال موتور ،
و قررت شركة جنرال موتورز مصر انها تعيد انتاج العربيه اللانوس تانى و هتنزل الاسواق المصرية على اول 2009 مفيش تغير كتير فى العربيه غير انها هتحط علامة الشيفروليه فقط

**MOHAMED ABD EL SHAFY** · 23-07-2008 04:05 PM

افلست لانها انتجت اعظم وانسب سيارة وكان الطلب عليها كتيير اوى فاشترتها جنلاال موتور

**McDreamy** · 24-07-2008 03:08 AM

المشاركة الأصلية كتبت بواسطة akrameladl

و قررت شركة جنرال موتورز مصر انها تعيد انتاج العربيه اللانوس تانى و هتنزل الاسواق المصرية على اول 2009 مفيش تغير كتير فى العربيه غير انها هتحط علامة الشيفروليه فقط

انت متأكد؟؟؟؟!!!!!
اشك فى ده جدا
لانهم كده هايحرقوا الشيفروليه افيو

**Nile_Storm** · 24-07-2008 10:48 AM

بالظبط هاما هيضطروا يرفعو سعرها كمان و هو اساسا مبالغ فيه
ياما هيضربو الاتنين لو الاسعار فضلت زي ماهيا

**akrameladl** · 02-08-2008 01:57 PM

العربيه فعلا تم انتاج عينات منها فى مصر و اسمها شيفروليه لانوس و عليها طبعا من ورا وادام علامة شيفروليه هتشفوها قريب انشالله

**lordbegad** · 04-08-2008 10:55 AM

المشاركة الأصلية كتبت بواسطة MOHAMED ABD EL SHAFY

افلست لانها انتجت اعظم وانسب سيارة وكان الطلب عليها كتيير اوى فاشترتها جنلاال موتور

مش ملاحظ انة سبب مش مقنع شويه, بقى يا راجل دة كلام يخش العقل هى الشركه دى لو كانت كده زى مابتقول كانت فلست على العموم فى اسباب كتير
ممكن تكون الشركه كانت شركه مؤقته يعنى بيبقى محدد فى عقد تأسيس الشركه مده عملها وبعد بتتصفى او تتباع زى محصلها
او ممكن تكون الشركه فعلا خسرت لانى فى رأيى المتواضع انها مش ناجحه فى انتاج السيارات زى شركات انتاج السيارات الكوريه التانيه زى الهيونداى او الكيا مثلا
المهم انه الشركه خسرت واتباعت وخلاص والى حصل حصل شوفوا حاجه تانيه جديده مش هتخسر ونرجع نزعل عليها
وشكرا ليكم ويارب اكون مطولتش عليكوا