ماعرفتش افرح و لا احزن لما شفت اول تاكسي ابيض النهاردة سيراتو في طريق صلاح سالم بالليل.. ما شاء الله صاحبها محافظ عليها جدا، ربنا يحميهاله.. الظاهر ده من كتر تريقتي علي الفيرنا :)))
عرض للطباعة
ماعرفتش افرح و لا احزن لما شفت اول تاكسي ابيض النهاردة سيراتو في طريق صلاح سالم بالليل.. ما شاء الله صاحبها محافظ عليها جدا، ربنا يحميهاله.. الظاهر ده من كتر تريقتي علي الفيرنا :)))
ههههههههههه
معلش يا باشا في كورولا شكل قديم تاكسي بردوا
وده ميقلش من العربيات فشئ ..
مفيش مشكله لكل جواد كبوه :)
معلش يا باشا انا شفت لانسر و كورولا و النترا 2007 و ميجان تاكسى
يا راجل ... مش اول تاكسى ولا حاجة ... :)
انا شايفها تاكسى من سنة واكثر
http://i297.photobucket.com/albums/m...02053e3b0e.jpg
http://i297.photobucket.com/albums/m...5c065a2e3c.jpg
موجوده تاكسى فى اسوان من فتره يجى سنتين مثلا .بس كانت وحده بس او 2
و فى شرم حدث و لا حرج هى و الغردقه احدث العربيات بتنزل تاكسى هناك
على فكره دى حاجه كويسه بالنسبه للسياحه .انهم ينزلو العربيات تبقى تاكسى
ما عندك فى السعوديه الكامرى و الاكورد و حجات غريبه نازله تاكسى هناك
كل دا ميقللش من قيمتها
يا جدعان الانترا و الكورولا 2010 و السيراتو و الاكسنت اى بى والانسر كلهم تاكسيات فى المنصوره عادى يعنى
المفتري جايبها هاي لاين كمان...ده الملاكي اللي مش بيمشي كتير بيشتكي من الكاوتش والعفشه امال التاكسي اللي مش بيقف خالص يلاحق عليها كاوتش منين؟؟؟...الناس عايزه تدلع نفسها فعلا
عادى يا ريس مفيش مشكله
فى شرم الشيخ تاكاسى من كل الانواع حتى الاسكودا a5 فى منها تاكسى هناك
عادي .... دي من أنسب العربيات اللي تتعمل تاكسي عربيه بتستحمل و قطع غيارها ببلاش و مفيهاش عيوب أو مشاكل متكرره ... و بخصوص الكاوتش لو اللي سايق سواق عمره ما هايتهور بعربيه زي دي و ينزل مطبات تأثر عليها لأنه طالع ياكل عيش و يلم فلوسها
الأغرب بقي إنك تلاقي تاكسي ميجان
السيراتو شيك جدا ولا يعيب العربية ان حد عملها تاكسى ، فى اوروبا المرسيدس تاكسى ، المشكلة فى ثقافتنا احنا ان العربية اللى بتبقى تاكسى بتبقى واقعة ، وعلى فكرة فى ناس عندنا فى مصر معاهم عربيات حلوة ونظرا لظروف البلد اللى زى الزفت عملوها تاكسى بس من غير رخصة اجرة وبيقومو بتوصيل العائلات مثلا مقابل الأجرة وهى بنمر ملاكى .
العربية الى تشتغل تاكسى فى رأى ميزة لها مش عيب
لان ده معناه ان مصاريف تشغيلها فى مستوى معقول جدا مما يسمح باستخدامها سيارة اجرة وتحقيق ربح من وراها ودى حاجة تتحسبلها مش عليها
عيبها الوحيد انها بتبقى منتشرة حبتين :d
فى عربيات كتير لاحظتها بقت تاكسى اليومين دول خاصه بعد ما نزل منها جيل و منها الصنى الشكل القديم و اللانسر البومه . الغريب فى العربيه اللى فى الصوره انها هاى لاين فعلا . مش ممكن تبقى مسروقه وده يبقى نوع من التمويه ؟
عادى يا رجاله انا شفت التاكسى ده فعلا و الراجل شكله غاوى يدلع نفسه ........ ههههههههههههههه
و اليومين دول انا بشوف عربيات تكسى غريبه الصراحة
ميجان - ار بى - كورولا - لانسر ,,, عادى يا رجاله
عادى يا جدعان فى ناس بيبقا نفسها تجيب عربية معينة مثلا بس معهوش فلوسها فبيجيبها تقسيط ويقلبها تاكسى عشان يدفع تمن القسط واول ما يخلصه يقلبها ملاكى تانى