جزاك الله خيرا
عندك حق فعلا فى بياعين غلابه كتيير
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " رَحِمَ اللَّهُ عَبْدًا سَمْحًا إِذَا بَاعَ ، وَسَمْحًا إِذَا اشْتَرَى ، وَسَمْحًا إِذَا قَضَى ، وَسَمْحًا إِذَا اقْتَضَى " .
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
السلام عليكم ورحمه الله
الموضوع زي ماهو باين من عنوانه
لما تيجي تشتري حاجة من بياع انت شايف انه غلبان او مكسبه في شوية البضاعة دول بسيط
ما تنشفهاش معاه قوي
دي الحسنة المخفية في البيع والشراء
خليك سمحا اذا باع سمحا اذا اشتري
ماتجيش على بياع فاكهة ولا خضار وتشدها معاه قوي كدة في النص جنيه والجنيه
مش معني كدة انك تكون عبيط او تشتري حاجات بايظة وتقول معلش ده غلبان
هو حط سعر على الحاجة انها سليمة تاخدها بالسعر انها سليمة
يلف ايده ويحطلك بايظ تسيبهالة وتمشي
تبص في الشنطة بعد ما تتشال من علي الميزان لان فيهم كتير نصابين
البلطجي واللي معطل الطريق بعربيته ما تشتريش منه وماتساعدوش على التمادي في الغلط
لكن مع المحترم ما تشدش قوي
واعمل حساب الحر والبرد والوقفة في الشارع والبضاعة اللي بتبوظ والبضاعة اللي بتبقي اخر حاجة ومحدش بيشتريها لعيوبها
حالة البلد كل يوم اصعب ولو ربنا ميسرها عليك وواقف تشتري يبقي انت واحد من الموسرين وخليك كريم مع المعسرين
ولما تسيب ده في الدنيا بكيفك وبخاطرك اعمل حساب ان في رب كريم هايشلها للاخرة
ويشيل عنك في الدنيا كمان واعتبرها من صدقات السر
دي صدقة السر تطفئ غضب المولي عز وجل
اللهم ارفع مقتك وغضبك عنا
معلش صدعتكم
رقم العضوية : 51638
تاريخ التسجيل : 31Oct2009
المشاركات : 1,153
النوع : ذكر
الاقامة : cairo
السيارة: Lanos
السيارة[2]: New Accent
دراجة بخارية: no
الحالة :
جزاك الله خيرا
عندك حق فعلا فى بياعين غلابه كتيير
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " رَحِمَ اللَّهُ عَبْدًا سَمْحًا إِذَا بَاعَ ، وَسَمْحًا إِذَا اشْتَرَى ، وَسَمْحًا إِذَا قَضَى ، وَسَمْحًا إِذَا اقْتَضَى " .
رقم العضوية : 19638
تاريخ التسجيل : 20Sep2008
المشاركات : 3,094
النوع : ذكر
الاقامة : New Cairo
السيارة: ربنا كريم
السيارة[2]: Honda city 2008
دراجة بخارية: no
الحالة :
صباح الخير يا كيمو
وجزاك الله خيرا على الموضوع وصدعنا ولا يهمك بالنوعيه دى من المواضيع . ههههه
عندك حق والله يا كريم
كتير مننا بيشترى حاجات كتير من الشارع زى الفاكهه مثلا وتلاقى الواحد ممكن يدقق مع البياع
على الرغم من إنه بيشترى من اى هايبر ماركت نفس الحاجه وأغلى طبعا بكتير وبيدفع ومبيعلقش .
المفروض زى ما انت قلت لو انا عجبتنى الحاجه وشايفها كويسه يعنى مش بايظه أو فيها عيب
وسعرها مقبول يعنى السعر الشائع فى السوق لكن لو بفرق بسيط مفيش مشكله
يعنى لو حسبتها هتلاقيك دفعت فرق اقل من خمسه جنيه فى العمليه كلها
ودة ممكن يكون اقل من تمن الباركنج فى اى مول من المولات .
وبقابل ناس كتيره بتبيع حاجات فى الشارع بيبان انهم فعلا مش بياعين لكن هو بيبيع بدلا من سؤال الناس وده أفضل مليون مره من المتسول او اللى بيقف لك عند اى مكان ويعملك فيها سايس
ويمين يا باشا شمال يا بيه وتلاقيه طالعلك متعرفش منين وعاوز ياخد منك الاتاواة .
الخلاصه لو صحينا فى نفسنا إحساس الرحمه بالناس حياتنا هتتغير تماما .
علاء الشناوى
رقم العضوية : 128988
تاريخ التسجيل : 28Aug2012
المشاركات : 285
النوع : انثى
الاقامة : Cairo
السيارة: Noch nicht !!
السيارة[2]: Kia_Pride
دراجة بخارية: no
الحالة :
ربنا يكرمك يا باشمهندس على الموضوع
و كان فى أحد السلف بيقول : من خدعنا بالله انخدعنا له
يعنى لو حد بيبع حاجات و زود هامش ربح بسيط و انت شايف انه يستاهل تنزل فيه شوية . طنش و أعمل مش واخد بالك
ساعات لما باركب تاكسى بحاسب السواق و هو دايما مش بيدينى الباقى مش عارفة ليه :) مع ان لو انا دفعت اقل و فى فكة ملا 75 قرش مش بيسيبهم . بس بقول عند ربنا
رقم العضوية : 115286
تاريخ التسجيل : 10Oct2011
المشاركات : 1,440
النوع : انثى
الاقامة : Nasr City
السيارة: شيفورلية لانوس
السيارة[2]: 128
دراجة بخارية: *
الحالة :
كريم أنت زودتها أوي
مش علشان أنت رئيس مجلس إدارة المنتدى كل شوية تجيب سيرتك
طبعاً عندك حق .... بس لما بنتعامل مع بعض البائعين اللي معندهمش ضمير ( اللئيم ) - مش بتفاصله ومش بتحسسه أنك مصحصح له بيضحك عليك ويحشر لك أي حاجة والسلام - ودا حصل لي أكتر من مرة ولما أروح البيت آلاقي حاجات كتير مش سليمة - وهوصفهم ببيت شعر معروف وهستعين بكلمة كريم زيك :
إذا أكرمت الكريم ملكته ..... وإن أكرمت اللئيم تمرادا
وكمان
ليس الكريمُ الذي من نعته كرمٌ ................... إنَّ الكريمَ الذي من ذاته الكرمُ
ليس الكريمَ الذي يعطيك عن قدر .................. إنَّ الكريمَ الذي يعطي ويهتم
ليس الكريمُ الذي يعطي بحكمته ................. إنَّ الكريمَ الذي تُعطى به الحِكَمُ
طبعاً أنا مش بجيب سيرتك خاااالص
رقم العضوية : 1432
تاريخ التسجيل : 14Jul2007
المشاركات : 1,444
النوع : ذكر
الاقامة : Egypt
السيارة: none
السيارة[2]: Renault Fuence
دراجة بخارية: none
الحالة :
عاوز أزود حاجه كمان:
ممكن تشتري حاجه إنت مش محتاجها عشان بس تشجع البياع على إنه يشتغل بدل ما ينحرف ويمشي في طريق الحرام.
مثلاً ممكن تلاقي بياع فارش في الأرض بيبيع حاجه هايفه أوي وجودتها مش اللي ترضيك يعني: لعب أطفال بسيطه أو طواقي أو محافظ ... إلخ ممكن تشتري منه وتديها هديه لحد غلبان هايفرح بيها أوي وبكده تكون ساعدت 2 غلابه.
برضه لما تشتري مناديل للعربيه مثلاً إشتري من الراجل اللي واقف في الإشاره وما تشتريش من السوبر ماركت ... الراجل اللي في الإشاره ده كل ربحه جاي من المناديل لكن السوبر ماركت بيكسب من حاجات تانيه كتير. بس طبعاً ده مش معناه إنك تشتري المناديل المضروبه الضاره بالصحه اللي بعض البياعين بيبيعوها.
وطبعاً مش هاعيد تاني كلام إن ما فيش داعي للفصال الشديد مع الناس دية: روى البخاري و ابن ماجة عن جابر بن عبد الله رضي الله عنهما أن رسول الله صلى الله عليه وسلم قال: (رحم الله عبداً سمحاً إذا باع، سمحاً إذا اشترى، سمحاً إذا اقتضى).
شكراً
محمد سعيد
"No act of kindness is ever wasted"
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
الا البلطجية والفهلوية
والله مرة كنت دفعت الفلوس ونسيت افتح الشنطة وفتحت لقيت ام الحركة الهباب بتاعتهم رجعت واديته الشنطة وقاللي اللي انت عايزةاصريت اني هاخد الفلوس ومش هاشتري منه وخدتها
حنان واخد بالي انك ماجبتيش سيرتي خالص :-)
رقم العضوية : 92405
تاريخ التسجيل : 25Mar2011
المشاركات : 1,383
النوع : ذكر
الاقامة : cairo hurghada
السيارة: step way
السيارة[2]: toyota
دراجة بخارية: i cant :D
الحالة :
جزاك الله خير ياستاذ كريم على التذكره لنا جميعا بالموضوع ده
فعلا ساعات الواحد بينسى الموضوع ده
elsha3er
رقم العضوية : 111740
تاريخ التسجيل : 29Aug2011
المشاركات : 857
النوع : ذكر
الاقامة : Alex
السيارة: none
السيارة[2]: Logan 2012 AT
دراجة بخارية: بتلعب في دماغي
الحالة :
كلام سليم جدا، جزاك الله خير.
رقم العضوية : 130632
تاريخ التسجيل : 27Oct2012
المشاركات : 843
النوع : ذكر
الاقامة : Cairo
السيارة: Verna 07
السيارة[2]: 128
الحالة :
جزاك الله خيرا
المفضلات