انا اولا اشكر الناس في المنتدي لانهم بجد ناس بتحب تساعد
تاني حاجه
انا عايز اشتري عربية الموضوع بقالة فتره في دماغي لكن احوال البلد مكنتش مشجعاني اشتري اوي
المهم اول ما قررت الشرا فوجئت ان الموضوع متعب جدا جدا جدا
انا شغال مهندس - هندسة صناعيه و نظم ولي خبرة في مجال التصميم والكلام ده بحكم شغلي -
فاول ما اشوف عربية بحس ان انا بتفرج عليها مرسومه قدامي و فورا الاقي نفسي متخيل الاخطاء فين
المهم انا مش قادر اقتنع باي عربيه كوري نهائي نهائي
منظرها غلط تحس انها ناقصة
انا فكرت اول ما اشتري بدات ادور علي النت
وبصراحه اعجبت جدا جدا بالبروتون
لكن بعد شويه من الاراء مع الملاك اكتشفت ان التوكيل فيه سم قاتل
قررت ابعد عن العربيه
بدات ادور علي انواع تانيه
اعجبت جدا بالاوبل استرا من اول 2007 الهاتشباك
وكنت خلاص علي وشك التنفيذ طبعا انا محتاج حد يساعدني و يكشف علي العربيه
مفيش ولا واحد شكرلي في الاوبل والناس طلعتلي انها شويه و هتنفجر فيا
وقالولي خليك في الياباني طالما انت كارةالكوري
وافقت مضطر
المهم اول ما شفت العربيات الياباني لقيت ان الاستغلال مش منطقي
حرام عربية تعتبر فاضيه
لا اي بي اس و لا اي بي دي ولا ايرباج و لا الهوا والعربيه موديل مثلا 2006 و بيقولي 75000 جنيه
والعربيه عامل مثلا 80000 كم الكلا مدة للانسر
ولما رفضت جابلي تويوتا 2002 - 2004 وبيتكلم في 80000-90000 جنية
كرهت العربيات والناس اللي بيدورولي كرهوني انا شخصيا بس اعمل ايه عايز اركب حاجه كويسه
جاتلي فكره اشتري البريليانس FRV
العربيه كويسة من كلام الناس بس برضه مش اللي هي
في الاخر انا رجعت تاني للبدايه و عايز اسالكم بصراحه
1- لو جبت البروتون ممكن اندم اني اشتريتها (انا هجيب مستعمل و مش هروح الضمان )
2- موضوع البنزين ده في كل العربيات ولا ده حظوظ
3- المشاكل البسيطه بتاعت الاصوات و السنتر و المالتي ايه وضعه
4- قطع الغيار غاليه بالنسبه للانسر ولا قريبة منها
5- ايه الحاجات اللي لازم ادور عليها لما انزل اشتري - اكشف ازاي علي الحاجات الصغيرة -
6- افضل موديل اشتريه سنه كام
7- افضل مكان الاقي فيه عربيات بتتباع لان كونتاكت مفيهوش تقريبا بروتون
ايه نصيحتكم ليا
المفضلات