ازيكم يا جماعة..........
لو سمحتم عايز مقارنة شاملة بين Proton Gen2 and Seat Ibiza
عرض للطباعة
ازيكم يا جماعة..........
لو سمحتم عايز مقارنة شاملة بين Proton Gen2 and Seat Ibiza
ودخلوا معاهم الفيات اللي ممكن تكون في نفس الرانج......
الفيات اللي في نفس الرانج هي الجراند بونتو
ماشيييييييييي
تبقي مقارنة شاملة بين Proton Gen2, Seat Ibiza and Fiat Grand Punto
طيب والبيجو 207 ممكن تكون منافسه ليهم كمان
مش عارف و الله يا رامي بك بس هو لية لسة محدش رد!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!
السلام عليكم
إن شاء الله حاولت أجمعلك معلومات على قدر الإمكان و أرجوا أنها تكون مفيدة في قرار شرائك أو حتى في مقارنتك بين السيارات موضع المقارنة
نبدأ بالإبيزا و دي مش عارفة هي اللي موجودة في مصر و لا أيه
المحرك 1400 سم مكعب
القوة الحصانية هي 100 حصان عند 6000 لفة / دقيقة
العزم 126 نيوتن / متر عند 4400 لفة / دقيقة
السرعة القصوى هي 188 كم / س
زمن الوصول لسرعة 100 كم / س
من صفر إلى 100 كم ----------> 11.2 ثانية
إستهلاك البنزين
داخل المدينة ............... 8.2 لتر / 100 كم
على الطرق السريعة ......... 5.3 لتر / 100 كم
مختلط ........... 6.6 لتر / 100 كم
وزن العربية 1026 كجم
أما عن الكماليات و نظم الأمان التي تأتي مع السيارة فليس لدي أي معلومات دقيقة عن هذه النقطة
( فيها تكييف - زجاج كهرباء - ) دول اللي أنا متأكد منهم بس غير كدا ممكن حد من السادة الأفاضل أصحاب السيارة يفيدك
ثمن السيارة 95 ألف للفتيس اليدوي
103 ألف للفتيس الأوتو
http://i29.tinypic.com/2md2wyu.jpg
بروتون جين 2
المحرك 1600 سم مكعب
القوة الحصانية 110 حصان عند 6000 لفة / دقيقة
العزم 148 نيوتن / متر عند 4000 لفة / دقيقة
السرعة القصوى هي 190 كم / س ( المكتوب في الكتالوج ) فيه ناس جابت بيها فوق 210 كم / س بس ده جنان رسمي
زمن الوصول لسرعة 100 كم
من صفر إلى 100 كم ............. 12.2 ثانية
إستهلاك البنزين
داخل المدن ............ 10.14 لتر لكل 100 كم
على الطرق السريعة ....... 5.4 لتر لكل 100 كم
مختلط ............. 7.19 لتر لكل 100 كم
وزن العربية 1230 كجم
الكماليات
تكييف - راديو سي دي - مرايات كهرباء - الدريكسيون يتم تعديله حسب طول السائق - باور - التحكم في الرايدو سي دي من الدركسيون - 4 زجاج كهربائي - سنتر لوك ( قفل مركزي ) - قفل الأبواب للحماية من الفتح المفاجئ لحماية الأطفال - جنوط سبور مقاس 15 - مصابيح شبورة أمامية و خلفية - يتم تعديل كرسي السائق حسب الطول
وسائل الأمان
2 وسادة هوائية
فرامل ABS EBD
اموبيليزر ......... لحماية السيارة من السرقة و عدم تدويرها أو تشغيلها بدون مفتاحها الأصلي المتكود
http://i28.tinypic.com/2ai3ate.jpg
http://i37.tinypic.com/hv5sg1.jpg
ثمن السيارة
84 ألف للفتيس العادي
90 ألف للفتيس الأوتو
--------------------------------------------------------------------
في الرد التالي
الفيات الجراند بونتو ............. و بيجو 206 سيدان
فيات جراند بونتو
فــــــــــيـــــــــات جراند بونتو 1368 سي سي ..... 8 صباب أيضا ..... بينتج 76 حصان عند 6000 لفة / دقيقة و عزم 115 نيوتن /متر عند 3000 لفة / دقيقة و سرعته القصوى 165 كم / س و يصل لسرعة
100 كم في خلال 13.2 ثانية
تجهيزات السيارة
تكييف
بارو رائع له درجتان ( درجة للمدينة تجعله مثل المياه في يدك ) و درجة أخرى للسرعات العالية
زجاج كهربائي أمامي
كرسي السائق يتم تعديله طوليا حسب طول السائق
و بقية التجهيزات غير متأكد منها
ثمن السيارة
95 ألف للفتيس العادي
107 للفتيس الأوتو
http://i32.tinypic.com/2uepd0g.jpg
البيجو 206 سيدان
المحرك 1400 سم كمعب
القوة الحصانية 75 حصان
الكماليات
تكييف - باور - سنتر لوك بريموت - كاسيت سى دى الأصلى - زجاج كهربائى امامى - 2 ايرباج - فرامل ABS
سعر العربية 90 ألف جنيه مصري
http://i7.tinypic.com/44vp5q0.jpg
ألسلام عليكم
ألف شكر توت باشا..........معلومات هايلة ....... ربنا يبارك فيك
بس فىة بعض الأضافات بعد اذنك هضيفها......
بالنسبة للابيزا.......
اللي بتنزل هنا 1400cc 85 Hp
هي دي اللي بتنزل في مصر حسب كلام التوكيل......
و طبعا مش الشكل دة الشكل اللي قبلة........الشكل دة لسة هينزل 2009 حسب كلام التوكيل
بس أنا كنت عايز رأيك الشخصي.........اية أفضل عربية فيهم........
أيه أفضل عربية فيهم صعب أقولك
لأن إجابة السؤال ده تتوقف على أحتياجاتك أنت
بالنسبة لي أنا
الترتيب كالتالي
جين 2 ( سعر - قوة - كماليات )
بيجو 206 سيدان ( سعر معقول إلى حد ما لسيارة بيجو - كماليتها كويسة - موتورها كويس و معقول )
إبيزا ( غالية شوية بس عربية محترمة )
فيات جراند بونتو .......... غالية قوي على موتورها الضعيف بس عربية خرافة من فيات
يبقى هاقولك حاجة تانية
بُص لو سواقتك كلها داخلية ( سواقة مدن ) يبقى خليك في حاجة 1300 أو 1400 زي المعروض في المقارنة
و لو عايز توفر بنزين قوي و مش هامك قوة الموتور ....... يبقى جراند بونتو
إنما لو بتسافر كتير و معظم سواقتك دائري أو طرق سفر ....... يبقى بدون تردد الجين 2 تكسب الكل نظرا لقوة موتورها
سواقة مدن
بيجو 206 سيدان
ابيزا 1400
توفير بنزين ............ جراند بونتو
سواقة طرق سريعة و قوة و قوة تحمل
العربيات ال 1600 هاتبقى أحسن و منهم طبعا الجين 2
و على فكرة الجين 2 شنطتها أوسع شنطة في العربيات موضع المقارنة و توفيرها في البنزين رائع على الطرق السريعة
بس توفير الثلاثة التانيين في المدن أفضل
شكرا توت باشا..........
هل الجين 2 فعلا عربية تستحق الأحترام؟؟؟؟؟؟؟؟؟؟؟؟؟؟؟؟؟
أنا محتار...في ناس بتقول كويسة وناس تانية لأ........
هل العربية تحس انها ماليزي؟؟؟؟؟؟؟؟؟؟؟؟؟
و هل لما اشتري اجيب مانيوال ولا أوتوماتيك؟؟؟؟؟؟؟؟؟؟؟؟؟؟
قبل ما أتكلم عن الجين 2 في الرد على سؤالك
عايز أي حد يدخل يقرأ المداخلة يفهم أن انا مش بفضل حاجة على حاجة و مش متحيز لحاجة على حاجة و هاوضح إن شاء الله
يعني أيه تحس أنها ماليزي ؟؟؟؟؟
العربية علشان تقدر تحكم عليها صح ........... لازم تأخد أراء الناس اللي أشترتها و جربتها لفترة طويلة بس
إنما ..... الناس اللي بتدي رأيها لمجرد أسم الشركة اللي مشهور في مصر أو لسماعه كلمه من هنا أو من هناك يبقى ده تسمع كلامه من الودن اليمين و تطلعه من الودن الشمال
أكتر ناس ممكن تفيدك هم أصحاب السيارة
أنا قبل كدا قلتلك لو معظم سواقتك داخل البلد و مش محتاج عربية قوية و موتور قوي
يبقى عندك الترتيب ده ( ترتيب شخصي )
بيجو 206 سيدان
إبيزا 1400
جراند بونتو
إنما لو معظم سواقتك كلها طرق سريعة
يبقى أتكل على الله و هات الجين 2
و علشان تقدر تحكم على العربية كويس ............. أدامك حاجتين مهمين
تنزل المعرض تشوفها بعينك علشان اللي بيعجب واحد مش بيعجب التاني
و الأهم تجربها .............. علشان حكمك يكون تمام
و هاضيف
تسمع تجربة المجربين ,,,,,,,,,,, و المجربين فقط
لأن أغلب من يذمون في السيارة هم من لم يسمعوا عنها شئ أو حتى لا يعرف شكل السيارة أساسا
و في فئة تانية بتذم فيها علشان خاطر الإسم اللي مش مشهور
أو لسماعه لقصة حزينة عن مالك للسيارة
أنا هابدأ أتكلم عن نفسي و تجربتي أنا الشخصية و تجربة بعض أصحابي مُلاك السيارة
العربية معايا ............... أكثر من رائعة و ممتازة و أكثر الأوقات أستخدمها على طرق سريعة و بتوفر في البنزين جدا جدا
و العربية ما شاء الله سحبها أكثر من رائع و خصوصا بعد ما تاخد الغيار الثالث ........... صاروخ أرض جو و أنطلق
أنا لسة مالك جديد للسيارة و أملكها منذ 9 أشهر فقط
و لكن خلال التسعة أشهر لم يظهر معي أي شئ على الإطلاق يعيب السيارة بل على العكس أنا أحبها جدا و يزداد حبي لها يوما بعد يوم لما آراه منها من قوة و تحمل و سحب و كماليات مريحة و تجعل قيادتك أسهل للسيارة من تكييف ممتاز و كاسيت و نظام صوتي رائع و مرايات كهرباء مما يسهل تعديلها بدون حتى فتح الزجاج
لي عدة أصدقاء يملكون السيارة سوف أتكلم عن واحد منهم
هو يمتلك السيارة منذ عام 2006 .......... و عامل فوق 85 ألف كم
و ما شاء الله العربية ممتازة و لم يُغير بها أي شئ غير الفلاتر الخاصة بالزيت و مرة واحدة فلتر البنزين و لم يُغير عفشة أو مساعدين و تم تغيير الكاوتش مرة واحدة و تيل الفرامل مرتين
و الموتور لم لم يُغيير فيه صمولة ................
و لا العفشة و لا المساعدين
غير الصديقين الآخرين ........... و لكنهم تقريبا 30 ألف كم فقط و الأخر مش متذكر و لكن برضه أقل من 25 الف كم على ما أتذكر
و الذين لم يغيروا مسمار في السيارة
-----------------------
خلاصة الكلام .............
السيارة من إنتاج شركة مش معروفة لكثير من الشعب المصري
و لو سألت حد و قلت بروتون ............. يقولك دي صيني ؟؟؟؟
لو العربية عاجباك
أنزل أتفرج عليها
جربها مع حد لو تعرف
أسأل أكبر قدر ممكن من الناس اللي راكبها فقط .......... متسألش الناس اللي مركبتش ............. لأنك هاتسمع فتي من اللي قلبك يحبه
شوف الناس اللي بتتكلم بسلبية ......... و أيه المشاكل اللي قابلتهم و أتعرف على كل شئ
أدخل قسم بروتون وأتفرج ............ هاتلاقي مواضيع كتيرة عن السيارة و عن ملاكها الذي أمتلكوها لفترة كبيرة و أبرزهم الأستاذ محمد الحسيني الذي فتح موضوع عن تجربته مع السيارة و هو موضوع مثبت و تستطيع الوصول إليه بكل سهولة و أيضا هناك تجارب كثيرة لملاك السيارة
----------------------------
و كل كلامي ده لا يقلل من الإبيزا أو البيجو أو البونتو
أنت بس بتسأل عن الجين 2 و أنا كنت بوضح
و أنا لو مكانك
هاجيب جين 2 لو طرقي كلها سريعة
و هاجيب بيجو 206 سيدان أو حتى الهاتش باك لو طرقي داخلية
بالنسبة لنقطة هامة أخرى في مقارنتك للسيارة الأربعة
إعادة البيع
الأربعة سيارات إعادة بيعهم مش قوية
بس يمكن الجين 2 أكثرهم إنتشارا و أكثرهم مبيعا و ده ممكن يرفع من قيمة اعادة البيع في المستقبل للسيارة
توكيل الأربعة سيارات .......... توكيلات عادية و مش ممتازة
بالنسبة للجزء الخاص بتاع فتيس عادي و لا أوتو ؟؟؟
دي حاجة ترجعلك أنت
أنت بتحب أيه ؟؟؟
بس الأوتو بتاع الجين 2 فيه ميزة حلوة قوي
مثبت السرعة و ده يحميك من الرادار و يثبت إستهلاك البنزين
و طبعا أنا قلت في الأول خالص
طرق سريعة يبقى جين 2
مدن .............. أختار واحدة من الثلاثة موضع المقارنة
و ربنا معاك و يوفقك في الأختيار إن شاء الله
شكرا توت باشا علي الافادة و ربنا يباركلك في عربيتك ويكفيك شرها
في حاجة............
دلوقتي أنا استقريت علي جين 2 ام شاء الله........
الحيرة دلوقتي في الفتيس............
هل أجيبها مانيوال ولا أوتو؟؟؟؟؟؟؟؟؟؟؟؟؟؟؟؟
أنا بحب المانيوال مع انة متعب.......ونفسي في الأوتو عشان الراحة و الميزة الرائعة (مثبت السرعة) بس فبه ناس كتييييييييييييييير مخوفاني من الأوتو و بيقولو مشاكلة كتييييييييييييييييييييييي يييييييييييييييير هل الكلام دة صح؟؟؟؟؟؟؟؟؟؟؟؟؟
الأوتو بتاع الجين 2 ........... كويس و بيعيش مش وحش غير في السحب على أول غيار بس و بعدين تاني غيار السرعة بتتحسن و بعدين ثالث غيار ............. أوعى وشك ............. صاروخ سكود أنطلق
بس برضه لازم تجرب العربية بنفسك أحسن
و ادام رسيت على الجين 2
أفتح موضوع جديد في قسم البروتون أفضل علشان تلاقي الناس اللي معاها الأوتو يجاوبوك أو خد لفة في القسم هاتلاقي مواضيع كتيرة عن الجين 2 الأوتو
أدخل و أسأل و لو عرفت تجربها .............. ده أحسن حاجة
بالمناسبة
الجيربوكس بتاع الجين 2 الأوتو
بيقولوا ميتسوبيشي اللي راكب في موديلات ميتسوبيشي المختلفة
و كذا واحد أكد المعلومة
و على فكرة محدش أشتكى أن فتيش الجين 2 الأوتو فيه أي مشاكل بخلاف السحب على أول غيار
نصيحة أخوية
لو بتسوق عربيتك كتير في وسط الزحمة و داخل البلد ........... بلاش أي عربية 1600 و خليك في عربية 1300 علشان توفير البنزين
لأنك مش هاتستفيد بأداء العربية القوي إلا لو مسافر على طريق سريع أو بتسوق كل يوم على الدائري و بتوصل مكانك بسرعة من غير ما تخش في الوحمة و تتنزق فيها
يبقى مدن كتير .......... 1300
طرق سفر مفتوحة .......... جين 2 أو أي عربية 1600 راسية على الطريق
اتكل علي الله في جين 2 يا منسي انا عارف دماغك
توكل علي الله و ربنا يباركلك
شكرا يا توت باشا...........
أنا بدأت new topic في منتدي بروتون........
ماشي يا حمادة................
أنا ان شاء الله استقريت عليها...............
أنا دلوقت محتار ما بين مانيوال ولا أوتو:)
:party:الي الاخ tutankhamoun اله ينور شغل زي الفل
ماشي يا توت باشا.........
بس الأوتو فيها مثنت سرعة.......
هنا بقي الحيرة........