رايكم في كيا ريو هاتشباك 2013 ؟؟؟؟؟ الرجاء تقييم المستخدمين والخبراء

**archman2020** · 19-12-2012 02:50 PM

الحقيقة انا بفكر اشتري عربية .... فكرت اشتري مستعمل وفكرت كمان في الجديد ... فقولت لو مستعمل هجيب لانسر بومة موديل كام سنة فاتوا بس حاجة تكون كاملة ... ولو جديد بفكر في ريو 2013 هاتشباك كاملة ....
ياترى ايه رايكم ؟؟؟ وبالنسبة للريو الهاتشباك انا سمعت عنها كلام كويس خاصة الكاملة منها 2ايرباج و ebd و abs و طارة مالتي و جنوط و عفشتها حلوة و ارتفاعها كويس وثباتها وسحبها معقول .... وسمعت شوية مشاكل في موضوع سحب البنزين و التكييف في الحر الشديد ... مش عارف مدى صحته او شيوعه يعني ...
الاهم عايز اعرف منكم بالنسبة بقى لمقومات شراء عربية ايه وضعها :
- بالنسبة للمعلومات اللي ذكرتها صحيحة فعلا من العفشة والسحب والثبات والبنزين والتكييف؟؟
- يعني من ناحية اسعاااااااااااااااار قطع الغياااار وده من اهم النقاط بالنسبة ليا الحقيقة خاصة انتشار - - -- شيوع قطع الغيار بتاعتها بره التوكيل واسعارها بره وجوه يعني؟؟؟ ....
- اسعار اعادة البيع ... وخدمة العملاء ... ولو فيه صيانة وضعها ايه ؟؟؟...
- اهم حاجة هيا من جوه مريييحة ولا ضيييقة يعني يعني تشيل من ورا 3 افراد مرتاحين ولا اخرها اتنين ؟؟؟
- الافضل الخليجي ولا الوكيل ؟؟؟
الاسئلة كتييير بس ان شاء الله يكون الموضوع ده ناس كتير تستفيد منه خاصة اللي بيفكروا زيي في شرائها لان تصميمها من بره وجوه وامكانياتها والاوبشن فيها هايلة الحقيقة ... وجزاكم الله خيرا

**archman2020** · 19-12-2012 02:52 PM

واجمالا كده مقارنتها مع لانسر بومة موديل 2007-2008

**salah_86** · 19-12-2012 04:09 PM

متابع

**moaaz** · 19-12-2012 05:41 PM

بص انا هرد عن اللى اعرفه علشان هى مع صديقى بركبها كل يوم تقريبا.....عربية من جوة مريحة فى القعدة تاخد 3 مفيش مشاكل ...قطع الغيار برة التوكيل ..قليلة علشان لسة نازلة ...اعادة البيع لسة شوية لما تنتشر و تاخد وضعها عربية جميلة و سحبها حلو جدا و ثباتها معقول .....بس
عييب فيها خطير ....استهلاك البنزين توحش بمعنى الكلمة و حتى بعد تعديل السوفت وير برضوا استهلاك غير طبيعى داخل المدينة
تانى عيب ...سخونة خفيفة من المحرك و بتيجى جوة الكابينة خصوصا ناحية الرجل للناس اللى قاعدة قدام
ثالث عيب ...التكيف مش حلو اوى ...يعنى اداءه متوسط
دا من وجهة نظرى ..و تذكر ان الكمال لله وحده...يعنى العيوب كلها بسيطة ما عدا استهلاك البنزين ..لو التوكيل لقا له حل هتبقى تحفة بصراحة ...والافضل تشترى وكيل علشان تبقى مطمن لو ظهرت حاجة بعد الشر ..ارجوا ان اكيد افادتك

**archman2020** · 19-12-2012 08:53 PM

شاكر جدا لحضرتك على الرد على الموضوع و انا سمعت فعلا عن مشاكل من ناحية البنزين واداء التكييف هو طبعا الكمال لله عز وجل اكيد ومش متوقع ان الواحد يجيب حاجة كاملة ومفيهاش عيب لكن عيب عن عيب يفرق ... يعني في بلدنا حاجة زي البنزيييين يعني هتسحب فلوووس وكمااان الحررر في الصيف يعني محتاج تكييف عالي وفوق الاتنين دول سخونة في المحرك او كده ..... طيب انا كنت سمعت ان الكلام ده اتعدل في الدفعة التانية من 2012 و 2013 فهل ده حقيقي ولا المشكلة دي مستمرررررررررة ارجوا الافادة ممن اشترى موديل 2013 ؟؟؟؟

**som3ety** · 20-12-2012 12:11 AM

انا معايا السيدان الكاتيجورى التانية من 2012 . بالنسبة لاستهلاك البنزين هوا فعلن وحش بس لو محرقتش و ريحت العربية عالاخر هتحس انو طبيعى شوية يعنى . و بالنسبة للتكيف انا شيفو بسم الله ما شاء الله كويس جدا دا بالنسبالى

**moaaz** · 20-12-2012 10:41 AM

المشاركة الأصلية كتبت بواسطة som3ety

انا معايا السيدان الكاتيجورى التانية من 2012 . بالنسبة لاستهلاك البنزين هوا فعلن وحش بس لو محرقتش و ريحت العربية عالاخر هتحس انو طبيعى شوية يعنى . و بالنسبة للتكيف انا شيفو بسم الله ما شاء الله كويس جدا دا بالنسبالى

يا سومعااا ...التكيف ف الحر مكنش عاجبنى لما كنت بركب معاك بصراحة ....انا قلت التكيف متوسط مش وحش ...