تعديل فيشة الاوكتان يا جدعااااااااااااان

**golden_web_2007** · 19-12-2012 05:47 PM

مساء الفل على الجميع ..

عاوز حد يدلنى على كهربائى يعدل عندى فيشة اوكتان للانوس ضرورى و حتى لو فى المريخ هروحله ..
لانى حاولت اعملها بنفسى لقيت لازم اشيل عتب الباب و جزء من فرش الارضية فى العربية ..
ده غير انى مبحبش ألعب فى حاجة مش فاهمها و بتبع مبدأ إيدى العيش لخبازه دايماً ..

و مافيش حل معايا غير بنزين 80 كحل لحالتى المادية اليومين دوول ..

حل يعرف كهربائى يا جدعااااااااااااان يعدل لى فيشة الاوكتاااااااااااان ؟

**mero100** · 19-12-2012 08:47 PM

ساكن فين؟

**golden_web_2007** · 19-12-2012 09:22 PM

الزيتون او مصر الجديدة او عين شمس .. حدد لى حضرتك مكان الكهربائى و انا هروحله حتى لو فى مكان تانى

**mero100** · 20-12-2012 06:48 PM

فيه كهربائي متعاملتش معاه بس الاعضاء هنا بيقولوا ممتاز .... اسمه محمد السيد ... عنوانه : تالت شارع يمين بعد كوبري الدقي في اتجاه جامعه القاهره ... اسمه شارع جابر بن حيان .

بس مش عارف هل هوه يعرف ظبطه فيشه الاوكتان علي 80 و لا لا ....

أفضل تفهمها من هنا و تقوله يعملهالك .... هيه سهله و بسيطه .

**Moratoz** · 20-12-2012 08:14 PM

علي فكرة فك العتبه بسن مفك دي كلبسات ومش هتفك حاجة من الفرش هي تحت الدواسه جانب الخارجي للكرسي اليمين بس كل دا ملوش فائدة لانها معموله علي اقل أوكتان في الفيشه 87
لو العربيه مأخرة كهرباء هقولك حل غريب شويه بس عاوز حد فاهم يفك طنبور الكرنك ويقدمها شويه دا بيساعد علي ذيادة الكهرباء شويه
وربنا يوفقك

**msobhy** · 20-12-2012 09:44 PM

لو بتنزل ناحية الهرم فى اى وقت ممكن اعزمك على كوباية شاى واعملها لك

**golden_web_2007** · 21-12-2012 12:43 AM

يا باشا ألف شكر و كتر خيرك ..
لو امكن رقم موبايل حضراتكم على الخاص للتواصل ..
و فى سؤال مهم كمان ..
أكيد التسقيف هيروح لما اعدل الفيشة .. تمام كده ؟

**mahmoud_anwar** · 21-12-2012 05:53 PM

انا لسه عاملها انهارضة عارف الحل ايه انك توسع الفرش سنة بي مقص علشان تعرف تطلع الفيشة
انا فتحت سنة بسيطة بي المقص لي ان الفتحة الي جمب العلبة مش هتوصلك للفيشة لي ان الفيشة قصيرة
ملهاش غير حلين يا تفك الفرش والفرش معمول بي كليبسات يا تقص سنة اقل من الصنطي بي مقص من الطرف هتلقي الاطراف بتعتها فيها زي تفريغ مها بقا