اسكندرية - شرم الشيخ (الي مينا موحد القطرين)

السلام عليكم

انا كنت ناوي اروح شرم الشيخ بالسيارة من اسكندرية و استفدت جدا من شرح مينا علي الرابط التالي لمن يريد:
http://nilemotors.net/Forum/viewtopic.php?t=3095
لكن بعد سؤال اصدقاء آخرين قالولي ان الطريق لشرم من الساحلي الدولي مش ممتاز (و فعلا الطريق الساحلي عن تجربة مش ممتاز) و أن افضل طريق و اقصر طريق هو عن طريق (اسكندرية القاهرة الصحراوي - الدائري - طريق السويس - نفق احمد حمدي)
و طبقا لرسالة مينا فعلا الصحراوي حيكون حاله افضل و النتيجة النهائية لغاية نفق احمد حمدي حتكون اقصر علي الاقل 50 كم

يا ريت يا جماعه اللي عنده خبرة افضل يقول و نكون له شاكرين

للاسف انا مقردش افيدك هنا بانى اقارن بين الطريقان ، لكن انا هقولى اسباب اختيارى للساحلى و اسيب اللى جرب الطريق التانى يؤكد او يصحح معلوماتى
1- انه طريق واحد لا فى لف و لا دوران ، و احتمال الخطا شبه معدوم يعنى تاخده من اوله و تمشى دغرى تلقى نفسك على طريق بورسعيد - الاسماعلية و اللى بعد مسافة بسيطه عليه تبقى عند كوبرى السلام، فى حين انا خفت اخد مدخل خطا الاقى نفسى جوه القاهرة مش على الدائرى و اعقد الف لحد معرف اطلع من القاهرة لانى مسوقتش فى القاهرة قبل كده و لا اعرف امشى فيها يدوب اركب مترو الانفاق او تاكسى :lol: .
2- طريق شبه فاضى نصه تقريبا مفيش اى عربيات و ده خفف من ضغط السواقة (على الاقل بنسة لي :lol: )
3- كان جديد عليا و عايز اجربه علشان اعرفه، و كنت قريت انه اقصر بس الله اعلم من صحة المعلومة دى :? .
4- انا السنة قبل اللى فاتت رحت طابا بالاتوبيس و عدى من نفق احمد حمدى و وقفنا (الوقت كان بعد نص الليل) انتظرنا حوالى نص ساعة او اكتر لحد ما سمحوا لينا نعدى و ده علشان العبور كان فى اتجاه واحد يعنى يا جاى يا رايح بس معرفش ايه الاخبار دلوقتى، كوبرى السلام طبعت فى الاتجاهين و المنظر كان جميل جدا من فوق :lol: .

اخيرا نفسى لو حد عارف السكة التانية يفيدنا و يقول ايه معلوماته عنها

فعلا مشكلة نفق احمد حمدي دي صحيحه لان من كام سنة و قفت حوالى ساعة

أنا رحت شرم من حوالى أسبوعين من طريق اسكندرية-القاهرة-السويس-النفق و الطريق ظريف مفيهوش مشاكل باستثناء بس انك تكون عارف سكتك من المحور للدائرى لمدخل طريق السويس لمدخل طريق النفق و دى جوجل ايرث يسهلها ليك جداً ... بالنسبة للنفق كان فاضى و أنا رايح (كانت الساعة حوالى 1 ظهراً -- مش متأكد أوى) لكن و أنا راجع (كان وقت المغرب) كان زحمة شوية بس أخد حوالى ثلث أو نصف ساعة مش أكتر ... ميزة الطريق اللى أنا أخدته ان الخدمات فيه أفضل بكتير من الطريق الساحلى (محطات بنزين، استراحات، ... الخ)