الموضوع: أيهم أفضل : لوجان أتوماتيك - سانيرو أتوماتيك - بي واي داي أتوماتيك

أنا عاوز أشتري عربية جديدة
وأنا محتار ومش عارف أختار بين:
لوجان أتوماتيك - سانيرو أتوماتيك - بي واي داي أتوماتيك

أهم حاجة عندي تكون عربية ثقة ومريحة ومش مهم عندي اعادة البيع
ما هو الحل ؟ أختار مين ؟

أنا معايا اللوجان الأوتو ١٠/١٠ والحمد لله.

معلش مع كامل الإحترام لل بي واي دي وملاكها، بس أنا مش شايف وجه للمقارنة غير السعر، مش قادر أبلع فكرة إن الموتور من متسوبيشي والعفشة تويوتا والشكل هوندا سيتي على إلانترا.... لأ مش بالعها، حتى الإنتشار إللي هو دايما مشكلة الفرنساوي اللوجان تعتبر إستثناء فيه.

برضه الموضوع ليه علاقة بحضرتك عايش فين، مثلا في إسكندرية اللوجان مولعاها ومشفتش البي واي دي غير مرتين ثلاثة خلال ٨ شهور مثلا!!

بالنسبة للوجان ولا سانديرو، ده حسب ذوقك وإحتياجك لوسع الشنطة الزيادة في اللوجان، غير كده الإثنين واحد، وإن كنت أرجح كفة اللوجان لأن إنتشارها أكبر وده مخلي سعر إعادة بيعا أفضل وكمان قطع الغيار الخاصة بسانديرو فقط (صاج، فوانيس ... إلخ) ممكن متكونش بنفس توافر وأسعار قطع اللوجان (عندك كذا بلد منشأ وكذا سعر للحاجة الواحدة وإنت نقي، ومن بره التوكيل كمان)، بس النقطة دي ممكن تسأل فيها ممكن تكون معلوماتي قديمة.