"قصر وي رش"

**aamin** · 21-07-2008 08:47 AM

السلام عليكم
ناوي اروح اغير ملكية العربية والناس كلها مخوفاني وبتقولي "قصر وي رش" وأنا مش عايز أعمل كده، ده اول مرة اروح ليه وعندي اسئلة كتيرة،
- ايه هية الاجراءات؟ هل يجب أن يكون معي حد عارف الليلة؟
- الفحص بيركز على ايه؟ يعني لو فيه اكرة بايظة يبقى خلاص؟
- تنصوحوني باية؟ اروح لوحدي، اروح مع حد عارف، اجيب واسطة، ااقصر ورش؟
وجزاكم الله خيرا

**د.محمود صلاح** · 21-07-2008 04:56 PM

1 - أصل عقد البيع الموثق من الشهر العقارى مع ملاحظة أن لايكون مر على توقيعك كمشترى أكثر من شهر ولو ماكنتش وقعت مشترى , إما يعدوهالك فى المرور وتوقع مشترى أمامهم و إما يقولوا لك روح وقع مشترى أمام الشهر العقارى
2 - الفحص الفنى بيركزوا على الأنوار والحزام والفرامل والمساحات و اشارات الالتفاف ولمبات الانتظار ومايكونش فيه ملصقات او فيميه وتكون حالة البودى كويسة - مش محتاجة سمكرة - وممكن يتلكك على الدوكو لو مجربع , وكذلك فحص البيئة ( العادم ) وممكن يقول لك اظبط العربية وفوت علينا بكرة
3-دفع الرسوم من فتح ملف ووصل طفاية وخلافه ,, دفع رسوم تجديد الرخصة اذا كانت منتهية وتجديد التامين الاجبارى
4- فيه فى كل مرور جماعة مخلصاتية بيخلصوا وجع الدماغ ده كله , بس ازاى توصللهم ؟
5- الموضوع ده كله بيخلص على يومين أو تلاته وربنا يديلك الصبر

**SAbuhashem** · 22-07-2008 04:16 AM

المشاركة الأصلية كتبت بواسطة upnemo

ايه ياحج فحص ايه
وأنوار ايه
وحزام ايه
وعادم ايه
وايه الكلام الكبير ده
بص يا استاذي انت هتدخل علي مهندس الفحص الفني تديله الريال وكل شيء هيكون تمام
والله انا عملت كده وحتي مخرجش بره مكتبه يشوف العربيه أصلا
أديله ورقه الفحص ومعاها العشرين جنيه وكان كله تمام
والراجل بتاع البصمه اديله 5 جنيه
والراجل اللي في الشباك اديله 5 او عشره زي ماتحب
وكل شيء هيبقي تمااااااااااااااااااااام

بس دي رشوة صريحة !

Thanks
Eng.Sherif Shaker

**Ahmed Samy** · 22-07-2008 05:15 AM

المشاركة الأصلية كتبت بواسطة SAbuhashem

بس دي رشوة صريحة !

Thanks
Eng.Sherif Shaker

مش كل الناس جامدة زيك يا بشمهندس

فا بيضطروا يدفعوا علشان يمشوا أحوالهم

الرشوة لما باكون باخد حق غيري ........دي فردة (بكسر الفاء)

**HeMa_LanCeR** · 22-07-2008 04:59 PM

المشاركة الأصلية كتبت بواسطة SAbuhashem

بس دي رشوة صريحة !

Thanks
Eng.Sherif Shaker

وأنت متخيل أنك في البلد دي ممكن ترخص من غير رشوه
انا والله العظيم حصل موقف قدامي من واحد كان رافض موضوع الرشوه دي
هحكيلك الموقف
الباشا معاه عربيه فيرنا زيرو لسه أول مره يرخص
وكان معايا في المرور المهم المهندس بتاع الفحص كان بيفطر فا هو دخل قال يعني بيستعجله قولتله يا أستاذ سيبه براحته وابقي راضيه وهو هيراضيك المهندس هنا حبيبنا كلنا
المهم والله العظيم الراجل قعد أكتر من ساعه أنه يقولي الرشوه والكلام ده حرام وهو اللي خارب البلد لدرجه أني ندمت أني قابلته وأني روحت المرور أصلا
المهم
الباشا جه يرخص والمهندس طبعا مفروس منه علشان النرفزه اللي راجل كلموا بيها
عارف بقي المهندس عمل ايه
بكل بساطه
حط جهاز العادم وقاله نسبه الكربون عاليه وكده مخالف للبيئه
تخيل عربيه زيرو مخالفه للبيئه طيب هتقول أنت ايه
بقي الراجل واقف يشد في شعره
روحتله وفهمته براحه سياسه البلد اللي هو كان رافضها وأداني فيها دروس أخلاص
عارف عمل ايه
طلع 50 جنيه للمهندس علشان يرخصله العربيه
وحضرتك بقي تقولي دي تبقي رشوه
أومال دي تبقي ايه
الراجل رافض الرشوه ومرخص العربيه غير لما شخلل جيبه وفتح جيبه قبل مخه

**aamin** · 23-07-2008 08:24 AM

إلى أولئك القائلين أن البلد خربت ... وان الرشوة ضرورة ... وان الفساد عم
إلى من قال لي قصر ورش ... ومن قال لي فتح وسأسأ ... ومن قال لي أن الريال نجم

ذهبت إلى مرور الدراسة أمس ... وحدي ولأول مرة في حياتي ... كنت أول من يدخل المرور ... وأول من يقف على الخزينة لشراء الأوراق ... وأول من ذهب لشراء الطفاية ودفع التأمين، وعدت لمهندس الفحص ... أرسل معي عامل رفع البصمة ... عدت إليه قال لي عربيتك أنهي، قلت له البيضاء هناك ... وقع وأعطاني الورق وقالي روح خلص ... ذهبت إلى أ/ مصطفى خلص الورق ... وأرسله إلى الكمبيوتر ... ثم وجدت من ينادي اسمي ... استلمت الرخصة الجديدة ... ومضيت دون أن أدفع شيئا ... وفي زمن أقل من ساعتين كنت عدت إلى منزلي.

وجزاكم الله خيرا على ردودكم ومساعدتكم

**Karim_Monir** · 24-07-2008 02:47 PM

المشاركة الأصلية كتبت بواسطة aamin

إلى أولئك القائلين أن البلد خربت ... وان الرشوة ضرورة ... وان الفساد عم
إلى من قال لي قصر ورش ... ومن قال لي فتح وسأسأ ... ومن قال لي أن الريال نجم

ذهبت إلى مرور الدراسة أمس ... وحدي ولأول مرة في حياتي ... كنت أول من يدخل المرور ... وأول من يقف على الخزينة لشراء الأوراق ... وأول من ذهب لشراء الطفاية ودفع التأمين، وعدت لمهندس الفحص ... أرسل معي عامل رفع البصمة ... عدت إليه قال لي عربيتك أنهي، قلت له البيضاء هناك ... وقع وأعطاني الورق وقالي روح خلص ... ذهبت إلى أ/ مصطفى خلص الورق ... وأرسله إلى الكمبيوتر ... ثم وجدت من ينادي اسمي ... استلمت الرخصة الجديدة ... ومضيت دون أن أدفع شيئا ... وفي زمن أقل من ساعتين كنت عدت إلى منزلي.

وجزاكم الله خيرا على ردودكم ومساعدتكم

والله يا اخي الله يفتح عليك
فكرتني بالاية الكريمه
ومن يتق الله يجعل له مخرجا

-

-

الموضوع: "قصر وي رش"

LinkBack

أدوات الموضوع

عرض

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة