سلام عليكم ....
اخوكم مقيم في الامارات و عايز حد يفيدني، بيجو 307 SW 1.6 Full Options عشان تنزل مصر حيدفع عليها كام بضبط؟ ياريت لو حد يفيدني يا جماعة عشان انا قربت اتجنن خلاص و عايز اعرف و احسب المصاريف كام تقريباً
عرض للطباعة
سلام عليكم ....
اخوكم مقيم في الامارات و عايز حد يفيدني، بيجو 307 SW 1.6 Full Options عشان تنزل مصر حيدفع عليها كام بضبط؟ ياريت لو حد يفيدني يا جماعة عشان انا قربت اتجنن خلاص و عايز اعرف و احسب المصاريف كام تقريباً
وعليكم السلام و رحمة الله و بركاته
خد جرب الربط ده و قولي رأيك
http://www.sayaratmisr.com/info/temp5_9.htm
٤٠ ٪ من قيمة السيارة
وبعدين ١٥ ٪ من قيمة السيارة + ال-٤٠٪
وبعدين ٣ ٪ من جملة ما سبق
وبعدين الكماليات الإستفزازية ذي فتحة السقف والجنوط و والزينون و- أي كمالية في العربية عليها جمرك حتى مسند إليد إلي في النص
لو فل اوبشن وكنت شاطر شويه مع مأمور الجمرك علشان يخف عليك في موضوع الكماليات ممكن تدفع حوالي ٥٥ ال-٦٥ ألف جنيه جمرك
ولو العربية إنت استخدمتها هيتخصم ١٠ ٪ عن أول سنة وبعد كدة ٥ ٪ عن كل سنة بحد أقصى ٥٠ ٪
Thanks
Eng.Sherif Shaker
متشكر اوي يا جماعة علي الرد السريع
شكرا ي استاذ SAbuhashem بس من غير ما اتقل عليك ممكن تحسبها معايا؟
انا ان شاء الله ناوي اجيب بيجو 307 FullOptions Automatic 1.6 SW
دي تمنها في الامارات 66500 درهم (الدرهم ب 1.5 جنيه تقريبا)
العربية فيها فتحة سقف بانوراما و جنوط سبور و فوجات و مسند يد و CD Changer. مافيهاش زينون الحمدلله.
استاذ mshamy انا متشكر جدا علي ردك السريع و انا نتأكد ان الرابط ده فيه الحسبة السليمة 100% بس واضح ان المشكلة فيا انا اللي مافهمتش منه ولا كلمة:g::surprise:
اعتقد ده عايز كلمة فك شفرة عشان تحل المعادلة دي :)
ايه هو النولون ده اللي حاسبيينو في جمارك العربيات؟ حد يعرف؟!!!!
ليه استفسار مهم لو سمحتم 40% دي من قيمة السيارة في البلد اللي جاية منها ولا من ثمنها عند وكيلها في مصر المحروسة؟
تفرق كتير
اقتباس:
ليه استفسار مهم لو سمحتم 40% دي من قيمة السيارة في البلد اللي جاية منها ولا من ثمنها عند وكيلها في مصر المحروسة؟
تفرق كتير
انا اول مرة اخد بالي من النقطة دي ..... هو ممكن فعلا كل الحسبة دي تكون علي اساس تمن العربية في مصر مش علي اساس السعر اللي هشتريها بيه من برة؟؟؟؟
ارجو التوضيح يا جماعة انا قربت اشتري و خايف البس و معرفش انزلها مصر في الاخر
ال-٤٠ ٪ من سعر السيارة الرسمي من المصنع يعني المفروض على أقل من سعر الوكيل في الإمارات كمان
لو فرضاً هي ب-٦٦٥٠٠ في الإمارات
هتأخذها إنت طبعاً تصدير مش للتسجيل داخل البلد فهيشلوا سعر الضمان من عليها
وإنت وشطارتك معاهم ممكن تنزلها ل-٦٠ أو أقل كمان
لو حسبنا إن سعر المصنع ممكن يكون ٨٠ ألف جنيه مثلاً
٨٠٠٠٠ X ٤٠ ٪ = ٣٢٠٠٠ جنيه الإجمالي ١١٢٠٠٠ جنيه
١١٢٠٠٠ X ١٥ ٪ = ١٦٨٠٠ جنيه الإجمالي ١٢٨٨٠٠
١٢٨٨٠٠ X ٣٪ = ٣٨٠٠ جنيه الإجمالي ١٣٢٦٠٠ جنيه قابل للزيادة والنقصان
كدة يبقى الجمرك حوالي ٥٣ ألف جنيه وقول عليهم كمان كام ألف علشان الحبايب يبقى من ٥٥ ل ٦٠ ألف جنيه جمرك
ونصيحة هاتها من مصر أحسن علشان متنساش إن في حوالي ٣ أو ٤ الآف جنيه شحن وتأمين
فرقها عن سعر مصر هيبقى حوالي ١٥ ألف مقابل الضمان وراحة البال من الشحن وتخليص جمركي واعطال غير مضمونة بالذات في البيجو إلي بتتلكك
Thanks
Eng.Sherif Shaker
متشكر جدا يا شريف باشا بس للاسف انا هجيبها من الامارات عاشان انا لسة هركبها هنا سنتين تلاتة الاول قبل ما انزل بيها مصر يعني كدة كدة علي مانزل بيها هيكون الضمان خلص غير ان التقسيط هنا سهل جدا و دي تعتبر هنا عربية علي أد الحال و لو بعتها هنا في الامارات قبل مانزل مفيش سعر للمستعمل و هنزل مصر بالفلوس اللي كنت هدفعها في جمركها اجيب ايه ب 60 الف؟؟؟!!! طبعا ولا حاجة
تصدير يعني هتاخذها من المعرض على مصر على طول ومش هتدخل المرور تترخص في الإمارات
وفي الحالة دي هيتشال من تمن العربية تكاليف الضمان عليها بالإضافة لنسبة ٥٪ جمارك فرضاها الإمارات على العربيات
أيوا الإمارات فيها جمرك على العربيات
بس ٥ ٪ :)
بالنسبة للسؤال التاني
لو إنت أول مالك ليها في ٢٠٠٦ وهي موديل ٢٠٠٦ ينفع تنزلها مصر لو حتى ٢٠٢٠ كمان
والجمارك بتقل بنسبة ١٠٪ عن أول سنة و-٥ ٪ عن السنوات التالية بحد أقصى ٥٠٪
Thanks
Eng.Sherif Shaker
ممكن حضرتك ترجع للينك دة حتلاقى فيه كل شئ عن المعامله الجمركيه للسيارات
http://www.customs.gov.eg/passengers/7.html
متشكر جدا انا كدة الصورة بقت واضحة بالنسبة لي