أنا إن شاء الله حغير الكاوتش بتاع الميجان
بس محتار بين :
1- بيريللى P6000
2- بريجستون Turanza GR80
مع العلم إن بريجستون غير متوفر حاليا و حيبقى موجود فى أول أغسطس
مستنى أراء الأعضاء فى الفردتين
عرض للطباعة
أنا إن شاء الله حغير الكاوتش بتاع الميجان
بس محتار بين :
1- بيريللى P6000
2- بريجستون Turanza GR80
مع العلم إن بريجستون غير متوفر حاليا و حيبقى موجود فى أول أغسطس
مستنى أراء الأعضاء فى الفردتين
يا أستاذ شاركي مفيش أي وجه مقارنة بين الإتنين وحتى لو قريت الريفيوهات عن الإتنين هتلاقي إن Turanza GR80 مكتسح بكتير.
أعتقد كريم منير مركب واحد عنده ممكن تسأله.
البيريللى طبعا اسم كبير,
و انا ركبته عندى مؤخرا لكن البى 400 و الكاوتش فعلا رائع و مريح و ثابت جدا.
البيريللى اسم أكثر شهرة بكثير من بريدجستون و يستخدم فى سيارات فيرارى و غير ذلك لذا فلا مقارنة بينه و بين بريدجستون.
انا مجرب البريد جيستون الاندونيسي للابيزا turanza ممتاز ممتاز ممتاز ممتاز ممتاز البيريللي برضه جربته في الابيزا ممتاز ممتاز ممتاز ممتاز ممتاز الاتنين ممتازين زي بعض تقريبا ملقيتش بينهم فرق و جودتهم عالية جداااااااااااااااااااااا و الكلام ده عن تجربة
سيارات فيرارى ال F1 لموسم 2008 تستخدم كاوتش بريدجستون....
ال GR80 تحفة طبعا
كاوتش طري وناعم وخدمة شاقة بجد كفاية اللي انا بعملة فيه
تمنه معقول جدا بالنسبة لفردة ياباني 100%
ريفيوهاتة عالية جدا على النت وتقدر تشوف
وكمان لو ينفع يركب عندك الادرينالين الجديد يبقي رائع
انا شوفت الفيديو بتاعة عند مهندس نجاد في مركز فيت ان فيكس توكيل بريدجستون تحفة بجد وتحكم رائع بالعربية
-------
استاذ فادي
كاوتش بيرللي محترم ورائع لكن لكن مش عشان امدح في ماكة اذم في ماركة تانية
كرهك للياباني شئ واضح وواضح ان اليابان مزعلاك شخصيا
لكن ما تقدرش تحط من مستوى جودة الياباني اطلاقا عشان خاطر براند تاني
ولا هانرجع نقول الكاوتش النسر افضل من البريدجستون !!؟
يا ريت تكون موضوعي في كلامك عشان المنتدي ما يفقدش مصداقيتة لو سمحت
أولا أنا مذمتش فى بريدجستون لأننى لا أعرف الكثير عنه,
و انا مقولتش قبل كده انو النسر افضل من البريدجستون أنا قلت انو النسر كاوتش جيد فى سعره و أفضل من الماركات الأخرى الاندونيسية و الصينية مجهولة الهوية الموجودة فى مصر,
و فعلا لما غيرت الكاوتش دورت على النسر لكن لم أجده, فركبت البيريللى.
و كفاية انو النسر عمل معايا بكفاءة ل46 الف كيلو متواصلين, و طلع من العربية بحالة متوسطة الى معقولة.
للأسف الموضوعية التى تتحدث عنها حضرتك يفتقدها الكثير من الاخوة المؤيدين للصناعة اليابانية و الذين يعتقدون أن تويوتا أفضل من مرسيدس و بى ام و الفاروميو, و أن نيسان ماركة رياضية عتيقة تجاوزت فيرارى و لمبرجينى بمراحل, و أن الاف جى كروزر و السوزوكى جيمنى أفضل من الهامر على الطرق غير المعبدة.
أنا مسئول تماما عن أى كلمة قلتها و سوف أقولها, و أعتقد أن المنتدى لن يتأثر بمصداقية أحد أعضائه, كما أنك و بهذه العبارة تكبل حريتى فى التعبير,
حسنا اذا ما كنت حضرتك ترى أن المنتدى يفقد مصداقيته بفضل أرائى, فيمكنك استحداث قانون ما يمنع الذم فى الماركات اليابانية, و يمكن للادارة أن تعاقبنى على أساس هذا القانون.
شكرا لكل من شارك برأيه
و إنتظار رود باقى الأعضاء
فى إنتظار بيرجيستون يابانى أسبوعين على الأقل و لا شراء الأن البيريللى الإيطالى
انا مركب بريدجستون turanza GR-80 من 3 شهور كاوتش تحفه ممتاز ممتاز ناعم جدا على العفشه و super silent وفى الثبات ملوش مثيل وبالذات فى الرمله والمياه وعن تجربه حتى وهو جديد مبيلمش الزلط ونوا البلح ويعملك فرح وانت ماشى . استاذ شاركى ممكن حضرتك تشوف توكيل بريدجستون فرع عمارات العبور ممكن تلاقى فيه .معلش استفسار بسيط هو مقاس الميجان كام انا لما جبت الكاوتشات لللانسر كانت 195/60/14 كانت ب 507 ورجعت سألت لواحد صحبى على 205/55/16 لقيته ب 1010 جنيه فى فرع عمارات العبور
أرشح البريدجستون بكل قوة....رغم ان نقشة الGR80 تحس ان الكاوتش متاكل أو قديم:)
يكفي مراكز الخدمة و احترامهم و السوبر سيلنت اللي مش هتلاقيه في ولا فرده تانية
و يا أستاذ فادي:
http://kryptonzone.org/wp/wp-content...0/100_5010.JPG
هل تعاقد الشركة الإيطالية العريقة مع الشركة اليابانية لتركيب كاوتشاتها بسيارات المراكز الأولي في هذا السباق يجعللك تفكر بمنظور اخر ام ماذا؟!!
مع العلم ان فيراري تستخدم بريدجستون من 1999...و ليس بيريللي:)
انا معايا ميجان 2005 و ركبت الادرينالين من 9 شهور بجد تحفة
16/205/55
بريدجستون يابانى ادرينالين سعره كان حوالى 650 او 680 تقريبا مش فاكر بالظبط عشان كان من فترة شامل الترصيص و النيتروجين. جبته من Fit & Fix المنيل امام سوبر ماركت خير زمان 02-25324064
فى فرع تانى ف كالتكس عباس العقاد و كالتكس مدخل المعادى 2
انا المقاس عندى 15 مش 16
بريدج طبعا يا جميل...ودا مش معناه ان بيريللى سيىء لأ طبعا
بس انت سألت سؤال زى اللى بيقول تحب بى ام ولا مرسيدس
فطبعا الناس أذواق..أنا شخصيا مجرب البريدج و أداؤه رهييييييب
لاء بتذم فيه لانك لما تقول انه لا وجه للمقارنة بين بريدجستون وبريللي يبقي انت بتحط بريدجستون في فئة دنيا وده يفقدنا مصداقيتنا لان بريدجستون من اقوى واكبر شركات صناعة المطاط على مستوى العالم وصورة اخونا نادر نبيل تغني عن الف كلمة في الموضوع
اما عن الموضوعية اكيد بيضحك على نفسة قبل غيرة اللي يقول تويوتا افضل من مرسيدس وان كانت وصلت لمستوى عالى من االتقدم لكن ده مش موضوعنا لكن برضه ماينفعش اقول ان النسر اللي بيدبدب وبيعمل دوشة وخامتة سيئة افضل من ال GT مثلا او غيرها من الماركات الاندونيسي اللي معروف ان اندونيسيا بلد المطاط في العالم
اما عن حرية التعبير انا مكبلتكش وتقدر تقبل كلامي او ترفضه احنا مش في مدرسة احنا في منتدي لتبادل الاراء لكن مثلا لو دخلت منتدي كل الاعضاء فيه او معظمهم بيقولو عن عربية صيني عمرها 5 سنين انها افضل من عربية اروبي عمرها عشات السنوات اكيد هافقد مصداقيتهم
واخيرا انا لما بتكلم هنا بتكلم بشخصي وليس بصفتي وده واضح في كلامي مع كل الاعضاء
عشان ما تقوليش نعمل قاعدة وما نعملش قاعدة
انا مش مسئول عن تشريع قوانين المنتدي او استحداث القوانين
ولست انا الادارة
طب تمام ال 15 هيكون ارخص انا عندى الجنوط سبور 16" عشان كدة
عموما انا بجيب بريدجستون يابانى من 10 سنين جبت ال B70 & B700 و الادرينالين كلهم ناعميين جدا، مالهومش صوت عالى خشونة او تصفير، العمر الافتراضى طويل بيوصل ممكن ل 60000 كم، و اهم حاجة مهما كلت مطبات مش بيعمل بلالين
الأدرينالين للأسف مش موجود منه لل 15 فأقل...موجود لل16 و انت طالع...و هي فعلا تحفة سواء نقشة أو أداء
انا كنت سألت للأوكتافيا علي الgr80 هي مقاسها 205\60 R15 سعر الفردة كان ب 720 تقريبا
يا جماعة وحدو الله
لو فيراري بتركب بريدج ستون فكل عربيات ال-f1 زيها لأن دة تعاقد ومش دة النوع المخصص لسيارات الإنتاج التجاري
بيريلي موجودة هي وميشلان بقوة في عربيات الرالي يعني بتستحمل وبتئدي ودة بردو مش النوع المستخدم ف سيارات الإنتاج التجاري
بس لكل واحد مجاله ف يا ريت نبص للامور بموضوعية شوية
فعلا ده صحيح, بعدما كانت ميشلان مسيطرة على سباقات الفورمولا واحد, حصل خطأ فى سباق الولايات المتحدة عام 2005, و تسبب اطارات ميشلان فى انسحاب معظم سيارات السباق بالاضافة الى عدم توفير ميشلان لاطارات كافية, و ووجود مشاكل باطارات سيارات تويوتا المشاركة بالسباق, حصل مشكلة بين الفيا(اللجنة المنظمة لسباقات الفورمولا واحد) و ميشلان انسحبت بعدها ميشلان من سباقات الفورمولا واحد, و انفردت بريدجستون بها.
و ديه تعاقدات بين الفيا و شركات الاطارات و الموضوع كان خطأ فنى من ميشلان فى سباق واحد استغلته بريدجستون و ليس دليلا على تفوق بريدجستون على ميشلان, و يكفى الذكر أن ميشلان هى التى اخترعت الاطارات الراديال التى تستخدم الأن فى معظم السيارات.
http://en.wikipedia.org/wiki/Formula_1_tyres
أولاً يا أحمد، استخير الله حتى لو حتغير فردة واحدة مش الطاقم كله.
بالنسبلي وجهت نظري إن البيرلي بثق فيه عشان أنا كان معايا كورسا ومشيت به حوالي ٧٥ ألف كيلو، ٤ سنين وشوية. وكان الكوتش أكثر من رائع في الاستحمال. أنا كمان بالف بالعربية كتير.
المهم تكون مقتنع به ويناسب الحالة المادية تبعك. عشان أنا كنت عايز اركب بريدجستون عندي في الاسترا بس سعرها كانت حوالي ١٠٠٠ جم l ل الفرده، ف حطيت ميشلان بس أنا مش موقتنع بيه ومنتظر لم أغير اركب بيرللي إن شاء الله.
الف مبروك مقدما على الاسفلت ومتنساش تكتب رأيك فيهم والفرق بينهم وبين اللى قابلهم ( هو كان نوعهم ايه)
على فكرة يا أستاذ فادي لما جابوا الفيراري f430 في توب جير على التراك
جيرمي كلاركسون قال الآتي:
the f430 did the track slower than the old f360 because "the stig and the ferrari test driver say the f430 is slower because it runs on bridgestone and the old f360 runs on perili so if you going to buy the f430 forget the shift pedal,ceramic things just say to him get those bridgestones of it"