تسريبات عن اوبترا الشكل الجديد

**amrelsaqqa** · 20-12-2012 12:26 PM

المشاركة الأصلية كتبت بواسطة shnobly

القصه وما فيها ان النظام التسويقي اللي متبعاه جنرال موتورز في مصر

شايف ان الاوبترا والأفيو عربيه بتتباع في السوق المصري
فقالت لنفسها انا ليه اوقف انتاج عربيه ليها سوقها وزبونها خليها زي ما هيا (ممكن شوية تغيررات عبيطه تفرق موديل السنه عن السنه)
ونزلت موديلاتها الجديده من العربيتين دول تحت اسم
كرووز مكان الاوبترا
وسونيك مكان الافيو

وبكدا كررت نفس القصه لما جت تغير النوبيرا واللانوس ونزلت اسم الاوبترا و الافيو مكانهم

والفيرنا والاكسنت والنيو اكسنت ، والاكسنت ار بي وهلم جرا .. ، والاكسنت بعد كدة هتوصل فئة الـ 200 الف جنيه ، مع ان كل دول في الاصل المفروض نتيجة طبيعية للفيرنا وفي نفس الفئة

**Hosam_Optrawy** · 21-12-2012 01:04 PM

يا جماعه مفيش حاجه اسمها اوبترا الشكل الجديد , هى شكلها كدا مش هايتغير واتوقف انتاجها فى معظم الدول بعد نزول الكروز

بس الكروز ملهاش اى علاقه بالاوبترا , مش معنى انها بديل ليها انها التطوير بتاعها , فى خلط فى المسأله دى

دايو هى اللى عملت الاوبترا , وعملت اللانوس والنوبيرا والماتيز والليجانزا وغيرهم ودى عربيات انتهت ماتعملش ليها اى تطوير ولكن نزل لها بدائل , وجى ام بعد ما اشترت دايو استمرت فى انتاج الموديلات دى بعلاماتها المختلفه + علامة دايو داخل كوريا لأن لحد سنتين فاتوا مكنش فى حاجه اسمها شيفروليه جوا كوريا , ودا سبب ان موديلات حديثه زى الكروز شوفناها بعلامة دايو بس دا مش معناها انها دايو

الموديلات الجديده ( كروز - سونيك - سبارك الجديدة - ماليبو الجديده - أورلاندو ) العربيات دى كورى بعلامة شيفروليه بتتقفل فى مصنع جى ام كوريا لكنها تصميم GM من الاف للياء , دايو ملهاش اى علاقه بيهم لانها انتهت من زمان

العربيه الوحيده الموجوده حاليا اصلها دايو و Gm طورتها هى الكابتيفا