الموضوع: تقرير عن قيادة Accent RB 2012 !!

[justify][/justify][justify][/justify][justify][/justify][justify][/justify][justify]

بسم الله الرحمن الرحيم
مواصفات العربيه :
اوتوماتيك - ماشيه 18 الف كيلو - جنط 14 مقاس كاوتش 175/70 كومهو " الاصلي " - الفرامل الخلفيه " طبله " مش ديسكات يعني
" انا مشيت بالعربيه مسافة حوالي 70 كيلو علي طريق المنيا الزراعي واعلي سرعة كانت 180 كم
التصميم الداخلي والخارجي :
معروف طبعا لكل الناس وبالنسبه للقاعدة اثناء القيادة مريحه والكلام بتاع السقف واطي والكلام ده غير مظبوط - طولي حوالي 185 سم -
الموتور :
بسم الله ماشاء الله , الموتور اكثر من رائع وقوي جدا - وده بردو بيرجع لان العربيه مش تقيله -
استهلاك البنزين ممتاز وعلي سرعه حوالي 110 كم ف الساعة كان متوسط استهلاك البنزين حوالي 5.7 لتر لكل 100 كم تقريبا
بس في حاجه بالنسبه للطلعه بتاعة العربيه , المساعدين الامامين بيفتحوا جامد كأن العربيه هترفع حصان زي بتاعة فان ديزل بالظبط
ودي حاجه مش لذيذه خالص
العفشه :
زي موضحت موضوع المساعدين الامامين في الطلعه + في الفرامل بيقفلوا جامد وتلاقي بوز العربيه هبط جامد من قدام
بالنسبه للثبات مقدرش احكم بالظبط علشان الطريق الزراعي اصلا كلوا حفر ومرتفعات ومنخفضات بس ممكن تقول كويسه لحد 120 كم
الفرامل :
زفت زفت زفت
الفرامل بتاعة العربيه دي سيئه جدا جدا جدا بمعني
العجل بيقفش بسرعه اوي اول متدوس ف الفرامل
يعني لو اتفجأت ب مطب مثلا ودوست فرامل جامدة هتلاقي العجل قفش علطول
لو في تراب او رمل انسي خالص الفرامل مع الدوسه المتوسطه تلاقي العجل قفش علطول
اعتقد والله اعلم ان لو العربيه فيه ABS والكاوتش يعرض شويه يعني لو بقي جنط 15 مقاس 195/60 والفرامل الخلفيه تبقي ديسكات اعتقد ان اداء الفرامل هيفرق كتير
* بالنسبه للفرامل انا قولت انها ضعيفه بالنسبه لفرامل الصني او البوما لكن اقوي فرامل عربيه ركبتها ف حياتي هي فرامل الجولف الجديده *
البور والتوجيه :
ممتاز جدا علي السرعات الهاديه وفي ركن العربيه وعلي السرعات العاليه الطارة بتتقل شويه وبيبقي معقول الي حد ما - مجرتبش العربيه علي سرعات عاليه الا مره واحده -
الرؤيه :
الرؤيه الاماميه في العربيه ممتازه بس طبعا مش هتشوف جوانب العربيه او بوز العربيه
الرؤيه الخلفيه زي اغلب السيارت الجديده الزجاج الخلفي صغير بس الرؤيه جيده اوعتقد افضل من الرؤيه الخلفيه للكورولا
الاضاء :
الاضاءه الداخليه جيده وواضحه والاضاءة الاماميه ممتازه
الفوج لايت اللي نازل في العربيه بيكشف مسافة كويسه قصاد العربيه - يعني مش منظر بس -
تعديلاتي :
اعتقد لو تم اضافه :
تغير جنط العربيه لمقاس 15 وكاوتش مقاس 195/60
ABS
فرامل خلفيه ديسكات
تغير المساعدين الامامين للسيارة واستبدالهم بمساعدين مشوارهم قصير
العربيه هتبقي ممتازه
الـ Accent RB سيارة City Car ممتازه لكن كأداء رياضي - قبل التعديلات - منصحش بيها :D
نصيحه لاي شخص ناوي يشتري عربيه جديده اوعي تشتري عربيه بدون ABS لانه بيفرق جاااااااااااااااامد
انا حاولت اكون حيادي في التقرير علي اد مقدر وان شاء العربيه هتكون معايا الفترة اللي جايه وممكن ابقي اعمل تقرير تاني
واي استفسار انا موجود

[/justify]

تقييم رائع .. فعلا العربية لما ركبتها ماعجبتنيش خالص حسيت انها فيرنا فى شكل اشيك .. مع انى من المدافعين عن الفيرنا لكن لو هاركب عربية نفس اداء الفيرنا بفرق اكتر من 30 الف يبقى حرام.

بعكس الالنترا الجديدة لما جربتها بصراحة عجبتنى جدا مع بعض التحفظ على العفشة مقارنة بعربيتى ال2010