كفاية اني في العيد أسمع صوت خروف بيمأمأ

**ehabradwan** · 22-07-2008 01:23 PM

والله يا علا انا وصلت لمرحلة متقدمة جدا في موضوع السفر ده كان فاضل بس احجز التذاكر .. الفيزا موجودة و الشغل كمان موجود ,, بس في الآخر رميت كل ده و قررت اكمل هنا
الناس ساعتها كانت بتقول مجنون . بس الحمد لله الأيام اثبتت اني كنت صح بفضل الله

انا مش هاتكلم عن كل المشاعر اللي الاخوة اتكلموا فيها
انا بس هاقولك شوفي اي واحد سايب ولاده ومراته ومسافر هو حالته عاملة ازاي و حالة مراته وولاده لان آجلا او عاجلا الولاد هايرجعوا وهو هيفضل هناك مش هايعرف يرجع
لا الدنيا مش مستاهلة الواحد يقضي عمره بعيد عن الناس اللي بيحبهم

**dr_3eshoo** · 22-07-2008 03:08 PM

فكرتوني لما كنت في العمره مع اني بعمل عباده بس بجد كنت هاموت و ارجع مصر
لما وصلت المدينه كنت فرحان اني بزور النبي عليه الصلاه و السلام و لما وصلت مكه اسمرت في مكاني من منظر الكعبه بس بعد اما خلصت العمره و حلقت و صليت الفجر خلااااااااااااااااااااااا ااااااااااااااااااااااااا ااااااااااص ركبوني الوقتي رجعوني مصر مش طايق اقعد و لما جه معاد السفر و وصلت ميناء نويبع سجد لله شكرا اني وصلت مصر

**Ramy.Gamal** · 23-07-2008 07:50 AM

انا بقى مش معاكم انا مع راى توت انا عمرى ما سفرت غير فى العمره وكنت مخنوق هناك من الزحمه ( اخر 10 ايام فى رمضان) واقول امتى ارجع بس لما رجعت كنت زعلان انى راجع للكلاكسات والهمجيه والعشوائيه وفضلت اسبوع فى البيت زعلان انى رجعت حتى العيد محستش بيه ده انا هناك مسمعتش كلاكس واحد مع ان الدنيا هناك زحمه رهيبه وده فعلا مشكله واحد مش عارف يتأقلم مع العشوائيه ويبقى عشوائى ومع الهمجيه ويبقى همجى

**محمد عز** · 23-07-2008 08:12 AM

انا نفسي ارجع مصر
بس مش عارف
للاسف
الظروف مش مساعدة
لو لقيت شغل فى مصر كويس يدوبك يعيشنى مستريح هرجع على طول

**Noha.M** · 23-07-2008 11:39 AM

انا اتكلمت مع خطيبي كتير فى موضوع السفر دة لانه كان دايما بيقولى توافقى مثلا لو جالى شغل فى اى حتة زى السعودية ولا البلاد العربية .. بصراحة احترت اوى .. هو بيقولي نكون نفسنا و نرجع !! بس من النمازج اللى قدامى مفيش حد اتعود و عاش برة مصر و ارتاح و فكر يرجعلها !! طيب و وبعدين ؟؟ اعيش انا ازاى بعيد عن مامتى و اهلى و قرايبي و صحابي و النادي بتاعى و مارينا و شوارع مصر و رمضان و صلاة التروايح و التهجد و خناقى مع الناس اللى بتكسر عليه و عم ابراهيم السايس و محمد ابنه اللى كرهو عيشتهم منى ...

هسيب كل دة و اروح اترمى فى بلد مفرفش فيها حد و افضل انا قاعدة بين 4 حيطان و كل دة عشان شوية فلوس!!

طيب ما الواحد لو معاه 1000 جنيه هيظبط نفسه على قدهم و لو معاه 10000 جنيه بيظبط نفسه على قدهم برضه..ساعتها الاحتياجات بتزيد بس مش الاحتياجات الاساسية .. انا بحس الحاجات اللى مش مهمة هى اللى بتزيد و بتبتدي تحس انك مش قادر تعيش من غيرها ..

مش عارفة .. محتارة اوى

فى ستات قلبها جامد ممكن تسفر اجوازهم يشتغلو برة و يفضلو هم فى مصر و يروحو وييجو فى الاجازات على اجوازهم..بس دي مش عيشة ولا اقبلها على نفسي و لا على جوزى لانه كدة هتعامل معاه كانه المصرف العربي المتحد!!! بجد متبقاش عيشة و بستغرب اوى اللى قادرين يعيشو كدة

**tutankhamoun** · 23-07-2008 12:05 PM

ى لانه كدة هتعامل معاه كانه المصرف العربي المتحد

------------------------------------------------------------------------------------------

فطستيني من الضحك يا نهى

**OlaOsman** · 23-07-2008 12:09 PM

المشاركة الأصلية كتبت بواسطة Noha-M

اعيش انا ازاى بعيد عن مامتى و اهلى و قرايبي و صحابي و النادي بتاعى و مارينا و شوارع مصر و رمضان و صلاة التروايح و التهجد و خناقى مع الناس اللى بتكسر عليه و عم ابراهيم السايس و محمد ابنه اللى كرهو عيشتهم منى ...

هسيب كل دة و اروح اترمى فى بلد مفرفش فيها حد و افضل انا قاعدة بين 4 حيطان و كل دة عشان شوية فلوس!!

الكلمة اللي بالأزرق دي يا نهى انا قريتها ما قرفش فيها حد.. قلت في نفسي طبعا أساسي.. ماهي زعلانة عشان هاتسيب مصر اللي مقرفة فيها عم ابراهيم السايس و محمد ابنه في عيشتهم.. يبقى أكيد مش هاتعرف تعيش في بلد ما تقدرش تقرف فيها حد :D

**Noha.M** · 23-07-2008 12:14 PM

المشاركة الأصلية كتبت بواسطة tutankhamoun

------------------------------------------------------------------------------------------

فطستيني من الضحك يا نهى

هيهيهيهيهيهيهي

**Noha.M** · 23-07-2008 12:16 PM

المشاركة الأصلية كتبت بواسطة OlaOsman

الكلمة اللي بالأزرق دي يا نهى انا قريتها ما قرفش فيها حد.. قلت في نفسي طبعا أساسي.. ماهي زعلانة عشان هاتسيب مصر اللي مقرفة فيها عم ابراهيم السايس و محمد ابنه في عيشتهم.. يبقى أكيد مش هاتعرف تعيش في بلد ما تقدرش تقرف فيها حد :D

هههههههههههههههههههه

لا دى معرفش فيها حد :biggrinjester:

مسخرة والله يا علا

ماشي ماشي

**إسلام شاهين** · 23-07-2008 12:47 PM

قلبتي علينا المواجع

فعلا فعلا كلامه كله صح بجد أنا بقالي هنا ثلاثة أشهر فقط وبصراحه نفسي بس في ريحة تراب مصر بكل مثالبها ووعيوبها ووجع دماغها كل حاجه وحشه فيها وحشتني والله قبل الحلوه ، وبالنسبة للأخ اللي بيقول إنه مبيشتريش من الكلام ده أقوله تعال جرب بنفسك أيوه هتبقى متنعم ومرتاح وعايش حياه حلوه وجميله ونظيفة بس والله صدقني هتملها لأنها حياه صناعية ومتكلفة زيادة عن اللزوم صدقني أنا بنام وأقوم أحلم باليوم اللي أنزل فيه من على سلم الطياره وأوطي على تراب بلدي أبوسه .