اقتباس المشاركة الأصلية كتبت بواسطة mohamed_88sk مشاهدة المشاركة
\كمان بره المشكله الروتينيات .. يعني تصحى الصبح ليه ؟ عشان الشغل تيجي مش عارف تعمل وكذا وفي الأخر تنام تاني يوم نفس الكلام ,, بجد الحياه ممله بره في كده ..
عارف يا محمد هو ده ممكن يسبب ملل و اكتئاب لبعض الناس .. بس عشان احنا في مصر مش متعودين عالشغل اللي بجد .. يعني الواحد ممكن صحيح يكون بيطلع عينه في الشغل و بيجيب القرش بالعافية .. بس متعود عالتزويغ و الوصول متأخر و يصحي براحته خاصة الموظفين ، و عشان كدة تلاقي الشوارع زحمة لحد الساعة 10 و نص و 11 .. مع إن المفروض من 9 كل واحد في شغله و 10 و نص دي عز الشغل !

فا هي بتبقي تأقلم علي نظام الحياة المنضبط الجديد .. الشغل شغل بجد .. و اللي بيحصل عندنا في مصر و الطلسأة في الشغل ده ميرضيش ربنا و كل واحد هيتحاسب عالفلوس اللي بياخدها .. بس برة الناس زي ما بتشتغل بجد بترفه عن نفسها و بيسافروا في الأجازات و يخرجوا و يستمتعوا بالحياة .. حتي تلاقي المغنيين الأجانب ليهم أغاني كتير اسمها saturday night عشان هما عندهم الأحد أجازة فا بيخرجوا السبت و يصحوا براحتهم الأحد .. حتي فيه اغنية مشهورة في مصر و هي i'm easy like sunday morning بتاعة lionel richie