استفسار فى استهلاك البنزين (العربيه متلخبطه)

يا جماعه انا استهلاك البنزين عندى عالى فى الماتريكس قوى زياده عن اللزوم يعنى نص التنك عندى بيعمل 120 كيلو الموضوع ده حصلى قبل كده و كنت روحت و حطوا العربيه على الهاى سكان و ظبطوها و بعديها فعلا الموضوع اتحل و قعدت فتره مظبوطه انا من عادتى انى كنت بمون من بنزينه واحده اللى موبيل اللى جنب محطة مترو الخلفاوى و كان فى الأول نص التانك بيعمل 250 كيلو انما دلوقتى رجع يعمل تانى 120 كيلو فى نص التانك انا اكتشفت ان البنزينه ديه البنزين اللى فيها وحش جدا جدا جدا لأنى لما جربت و حطيت من موبيل اللى فى طريق النصر صوت الموتور هدى و السحب بتاع العربيه بقى احسن كتيير بس برضه نص التانك مبيعملش اكتر من 120 كيلو فكنت عاوز اعرف ايه اللى لخبط العربيه تانى و على استهلاك البنزين هل ممكن يكون البنزين المغشوش اللى انا كنت بحطه ده و لا ايه السبب العربيه عامله 4900 كيلو

يا جماعه مستنى ردودكوا و يا ريت لو الموضوع محطوط فى قسم غلط الاداره تنقله

كذا حد من صحابى معاه ماتريكس اشتكي من موضوع استهلاك البنزين دة

بس فعلا انا اخدت بالى حتى عندي انى لما مونت من موبيل اللى قدام بيتنا لقيت النزين بيطير فعلا و الاستهلاك عالى و التفويلة راحت فى الارض !! جيت احط من توتال الجديدة اللى قدام جراند كافيه لا حسيت باختلاف فى استهلاك البنزين

شكرا يا نها على الرد

بس ايه اللى بيحصلك ده سيبتى الشغل و ازاز العربيه اتكسر

اة يا مصطفى شفت منحسة معايا اليومين دول ازاى :biggrin24:

يلااا الحمد لله ... اهم حاجة ان نايل موتورز شغااااال :)

يا باشا روح اكشف على رشاشات الانجكشن وظبطها
وحط مرة بعدها ينزين 95 وبعد كده حط 92 على طول
وعموما الكوري فيه عيب استهلاك البنزين بس مش بالصورة دي

تحياتي

الف شكر على الرد بتاعك يعنى لما اروح اعمل الصيانه اقولهم يكشفوا على رشاشات الانجيكشن

يا باشا عربيتك جديدة ولسة فى الضمان مش لازم تستنى لحد ميعاد الصيانة روح علاطول التوكيل ومتسبهمش إلا لاما يظبتوهالاك دى مشكلة رخمة ومستناش عليها على فكرة دى مش مشكلة بنزينة بعينها لأن كلهم تقريبا زى بعض (حرامية) :)