افيدوني في شراء سيارة بالتقسيط

**nonoymm** · 20-12-2012 05:49 PM

السلام عليكم ورحمة الله وبركاته
عاوزة اشتري سيارة كيا كارينز 2012او 2013 بالتقسيط وعاوزة استشركم بخبراتكم عن مكان اشتري منه والتوقيت لاني بقالي مدة اسبوع شايفة تذبذب في الاسعار يوم عن يوم ومعرض عن معرض
وهل اشتري ولا استنى شوية لحد الاسعار ما تثبت ؟س
بالنسبة للشراء اشتري من البنك ولا من المعرض مين فيهم الاوفر بالنسبة لي والاكثر امان وبرضه طبعا مفيهوش شبهة
افيدوني الله يكرمكم انا كنت كتبت الموضوع دة الصبح ومش لاقياه فياريت الادارة تعذرني

**sonybony** · 20-12-2012 11:56 PM

بص هو افضل حاجه تاخد قرض وتشتري العربيه كاش وكده ترخص تلات سنوات براحتك والعربيه ميكونش عليها حظر بيع وتكون ملكك خالصه بس المشكله ان الفايده بتاعت القرض بتبقي اعلي شويه وفيه معارض ممكن تقسط تبع بنك ناصر وده فيدته اقل بتبقي 6 في المائه بس لازم تكون موظف حكومه او تجيب ضامن موظف حكومه وبالنسبه للمعارض كثيره ومضمونه وربنا يوفقك

**ابو ليلى** · 21-12-2012 12:39 AM

طريقة الشراء بالتقسيط اما عن طريق البنك المحدد منك ودى بتجيبى عرض سعر من المعرض والبنك بيوافق وبيطلع شيك للمعرض بقيمة العربية تقدمى الشيك للمعرض تستلمى العربية
الطريقة التانية بتكون من خلال المعرض اللى بيكون معاه اكتر من بنك وعلى حسب الضمانات المقدمة بيرشح بنك وكل ما كانت الضمانات المقدمة اكثر كانت الفائدة اقل
يبقى فى كل الاحوال هيكون التعامل مع البنك وقليل جدا جدا لما بيكون
فى معرض بيقسط مباشرة ووقتها هتكون الفائدة اعلى كتير من فائدة البنك
الوقت الحالى مميت وفعلا مش وقت شراء... الاسعار مش محددة والدولار فى الطالع وبالتالى
كل اللى كان حاجز يتاكد تماما ان الاسعار هتعلى عن السعر اللى كان حاجز وقتها
كل اسعار العربيات فى مصر فى الطالع مش كيا .....
النصيحة الانتظار الى نهاية شهر 2 الصورة هتوضح اكثر ووقتها ممكن تلاقى عربيات موديل 2012 بسعر كويس ومش مهم فرق سنة ترخيص