عيب صناعة فى الاب توب

**dedi** · 20-12-2012 08:11 PM

شاركونى ىرأيكم يا شباب
منذ 13 شهر تقريبا أشتريت لاب توب HPموديل بافلون من راية و ضمانة سنة و لكن قبل الشراء واحد قريبى نصحنى بعدم شراء HP لانة بة عيب فى السماعات و بعد فترة بتبوظ و انة هو وواحد صاحبة حدثت لهم نفس المشكلة و تم اصلاحهم فى فترة الضمان
انا لم اخذ هذا الكلام على محمل جاد و قلت ممكن سوء استخدام او حظهم وحش ولأنة الذى كان متاح امامى ساعتها هو ال HP و قلت لو عيب صناعة اكيد تم تعديلة لانى اشتريت جهازى بعدهم ب 5 شهور
لم اكن استخدم الجهاز كثيرا الى ان باظت السماعات و قطعت صوت تماما
اتصلت بمركز الخدمة فى دبى تقريبا و طبعا انكروا انة ممكن يكون عيب صناعة و رفضوا اصلاحة
اتصلت بمركز الخدمة فى القاهرة و عرفت انة لو عيب سماعات سوف تكلف 380 جنية و لو عيب بوردة 1800 جنية على حسابى و لم يعترفوا بانة عيب صناعة و الشئ الحيد الذى حافظينة هو فترة الضمان انتهت و الاصلاح على نفقتى يعنى 3 اجهزة بهم نفس العيب و لا يعتبر عيب صناعة
بالذمة دة موش حرام أفيدونى يا شباب ماذا أفعل

**wallace** · 20-12-2012 08:30 PM

مفيش شركة هتقول عيب صناعة عشان متشيلش الشيلة

الحل إن حضرتك تنزل بيه مول البستان في التحرير وهتتصلح بربع المبلغ دا بس إسئل كذا واحد عشان محدش يكون غالي أصلاً

وخير إن شاء الله

**dedi** · 20-12-2012 08:40 PM

المشاركة الأصلية كتبت بواسطة wallace

مفيش شركة هتقول عيب صناعة عشان متشيلش الشيلة

الحل إن حضرتك تنزل بيه مول البستان في التحرير وهتتصلح بربع المبلغ دا بس إسئل كذا واحد عشان محدش يكون غالي أصلاً

وخير إن شاء الله

الف شكر لنصيحتك يا باشا هو انا الذى صعبان على انة لسة الجهاز يعتبر بشوكتة و اروح اصلحة برة التوكيل
وبعدين لما فى بلد زى الاقصر كبلد صغيرة و انا اعرف 3 اجهزة باظو بنفس العيب
لكن ها اقول اية
هو انا لو كتبت للشركة الام ممكن يجيب نتيجة و لا لا

**hazoom2006** · 20-12-2012 09:20 PM

مفيش عيب صناعه هيظهر بعد سنة من الاستخدام

**dedi** · 21-12-2012 12:28 AM

المشاركة الأصلية كتبت بواسطة hazoom2006

مفيش عيب صناعه هيظهر بعد سنة من الاستخدام

ماهو انا حضرتك للامانة ماكنتش باشغل السماعات او اسمع حاجة عليها كتير فى الفترة الاولى
وبعدين نفس المشكلة التى معى هى نفسها التى ظهرت مع قريبى و صاحبة يعنى فى البداية صوت خروشة فى السماعات ثم تقطع سماعة ثم بعد فترة الاخرى وهذا ماحدث بالضبط فى 3 أجهزة و بعد لا يعتبر عيب صناعة
يعنى انا لوكنت بأستعملة بصورة متكررة لظهر العيب بسرعة فى اول 3 الى 5 شهور مثلهم

**Qmax** · 21-12-2012 01:06 AM

وحط عليهم واحد كمان بتاع صديق ليا يبقوا 4 اجهزه

**dedi** · 21-12-2012 02:04 PM

المشاركة الأصلية كتبت بواسطة qmax

وحط عليهم واحد كمان بتاع صديق ليا يبقوا 4 اجهزه

طيب اية الحل
الواحد صعبان علية يضحك علية و كمان شقيان على الفلوس و كمان أصلاحة سوف يكلف يعنى لو قدر اللة و كان بوردة 1800 جنية
الواحد كان متخيل انة لو شركة محترمة كان على الاقل يعتذروا و يتم الاصلاح على نفقتهم موش يحاولو يتملصوا و يقول اول مرة نسمع عن هذا العيب

**hazoom2006** · 21-12-2012 03:20 PM

ممكن تكتب الموديل بالتحديد يمكن اقدر اساعدك فى التكلفة وبصراحة مفيش حاجة اسمها الصوت بايظ يغير البوردة واول مرة ولو البوردة بس ب1800 جنيه امال اللاب بكام روح لواحد بتاع صيانه ويفضل يكون صيانه لابات فقط
لو انت من الزقازيق كنت جيت معاك

**egyegy** · 22-12-2012 01:20 AM

ممكن نعرف النوع بالتحديد ايه هو !!

**Qmax** · 22-12-2012 04:58 AM

المشاركة الأصلية كتبت بواسطة dedi

طيب اية الحل
الواحد صعبان علية يضحك علية و كمان شقيان على الفلوس و كمان أصلاحة سوف يكلف يعنى لو قدر اللة و كان بوردة 1800 جنية
الواحد كان متخيل انة لو شركة محترمة كان على الاقل يعتذروا و يتم الاصلاح على نفقتهم موش يحاولو يتملصوا و يقول اول مرة نسمع عن هذا العيب

اقولك عشان النصب حاليا هو سمة العصر محدش بيراعي ضميره في اي حاجه بيعملها الا القليل جدا منهم يعني صعب انك تكون بتسمع صوت الجهاز عن طريق الهيدفون ويكون العيب بورده لا ده مستحيل

تشخيص العيب عشان النصب غالبا هايكون في سوكيت الهيدفون الموجود في اللاب وده ممكن يكون باظ بسبب اي حاجه دخلت فيه فصلت التوصيل عن السماعات لأنك لما بتركب الهيدفون السماعات بتفصل ولما تشيله المفروض السماعات تتوصل واللي بينظم العمليه دي هو سوكيت الهيدفون

والعيب التاني هايكون سماعات اللاب باظت وانا مستبعدها لأن الاتنين مش هايبضربوا مره واحده كده