عايزين افكار لحل المواقف الصعبه دى خصوصا لو رايح مشوار مثلا وحصل عطل مفاجئ هتعمل ايه؟؟
عرض للطباعة
عايزين افكار لحل المواقف الصعبه دى خصوصا لو رايح مشوار مثلا وحصل عطل مفاجئ هتعمل ايه؟؟
حسيب المشوار واتخنق واروح اشوف حل للمشكله دي
غالبا هيكون بيعلق بقاله فترة وانا اللى منفض وفي الحالة دى يبقى استاهل اللى يجرالى :d
والحالة التانية انه فعلا باظ بدون مقدمات تبقى عربية فقر بقى :d
عن نفسى لو رايح في مكان ولازم فعلا اقفل العربية كويس هقف في اي حتة وانزل اجيب العدة من الشنطة وافك فرش الباب واتعامل وزي ما تيجى بقى :d
بس انت عارف الفرق بين العربيات الاصيلة والعربيات الواطية هى الحتة دى ، في عربية كدة تلاقيها اصيلة ، ومش معنى انها اصيلة انها ما بتبوظش ، لا هى بتبوظ عادى بس يوم ما تعطل يبقى مثلا بعد ما توصلك لحد بيتك ، او وانت مش لوحدك او وانت مش مسافر ...
انما في عربية اعوذ بالله ، لازم تفرج عليك خلق الله وتوقفك في عز ما انت محتاجها
اركن جنب حيطه وازنق الباب اللي فيه العطل علي الحيطه وانزل من الباب التاني وبعد ما تخلص مشوارك اطلع علي ورشه تصليح
لو العطل مؤقت اشيل كبل البطاريه واوصله تانى
لو ما اتحلتشى يبقى ماكينه الزجاج نفسها باظت والمشوار باظ هو كمان
حصلت معايا في الزجاج الخلفي
نازل وم جمعة اجيب شوية طلبات للبيت و فاتحه و هاجي اققفله هوب مش راضي
يا سيدي يهديك يرضيك مش راضي
الله يهدك اقفل بردو مش راضي =)
المهم رجعت قعدت جنب الزجاج و احاول ارفعه من ورا و قلت ارفع بايدي سنة يمكن تعمل حاجة لقيته رفع و انو و هو نازل متفهمش ايه اللي حصل لوح الازاز اتعوج سنة فمبقاش في المجرى بتاعتو و وانا برفعو عدلتو و المكنة كملت معايا عادي جدا و الحمد له من ساعتها محصلتش
اقتباس:
المشاركة الأصلية كتبت بواسطة amrelsaqqa
ههههههههههههههههه
ههههههههههههههههه
حصلت معايا يا كوتش
كانت السكودا الفليشيا أعوذ بالله منها
عامتن لما بيحصل معايا إن الإزاز مش عايز يرفع بقوم فاكك فرش الباب ورافع الإزاز بنفسي
طبعا بعد محاولات بس الحمد لله لوجي معملتش معايا حاجه من الحاجات دي ماعدا موضوع الدبرياج المقرف بتاعها ده
حصلت معايا يوم جمعه القزاز نزل ومارضيش يطلع , طلعت على واحد بتاع ابواب وشبابيك فى المنطقه قعد يحور ويقولى اصل الماكينه مش عارف ايه وحاجات كده عجيبه خليته يرفعه وفصل الزرار علشان الموضوع مايحصلش تانى لغايه لما اروح التوكيل , رحت التوكيل يوم السبت وكانوا عاوزين يدفعونى 100 جنيه اجره المنجد اللى هيفك الباب علشان يركب فيشه القزاز المفكوكه زعقت فيهم قاموا ماخدوش فلوس وصلحوهالى ببلاش ومن ساعتها محصلتش تانى .
الحل الوحيد انك يبقى معاك عطا للعربيه و تغطيها و تتكل على الله