الموضوع: استفسار عن اسعار قطع غيار 3

الحمد لله و قدر الله ما شاء فعل
بص انا اقدر افيدك عن الزجاج بص هو طبعا فى التوكيل انا اشتريته ب 3400 جنيه !!! و بعديها والله لقيته هو هو ب 600 جنيه
و برضوا مقدرش اقول غير الحمد لله و طبعا كلمت التوكيل المشهوره ( كويس انا بقى فى توكيل و ان عربيتك دخلت هنا !!!)
اما بالنسبه لباقى الحجات فا ان شاء الله ميدو medokassem يفيدك فى الموضوع ده هو لف و تعب مع موضوع قطع الغيار و هايرد عليك

قدر الله ما شاء فعل , فداك
بص يا سيدى الكصدام انسى تلاقيه استيراد
الاصلى 1950
تيلاندى 475 تايوانى 550
الازاز ده مشكلة لو بالحساسات لانه مش هيكون غير فى التوكيل فوق ال 3000
لكن لو من غير حساس مطر و نور يبقى ب450-600 عند اى حد بتاع زجاج نضيف او الثلاثى فى الحرفيين او دكتور جريش فى العاشر و يا ريت دكتور جريش عشان محترفين تروح يوم من بدرى على المصنع و تخش تحجز دور فى باكية و 100 واحد يدلك على مكانه هناك خش انت بس من تحت كوبرى العاشر يمين و اسال
المساعدسن الامامى kyb يابانى ب 1300 , الاصلى 1800 و فى اسبانى ارخص و كويسين هيكون تحت ال1000 الخلفى اقل من 1000
طنابير فرامل اسبانى 500 جنيه و اجمد من الاصلى و متجبش استيراد الاصلى بحوالى 1350
و غيرتهم قبل كده معاشوش
بيض دريكسيون خارجى و داخلى على بعض مش هيعدوا ال 800-1000 جنية نوع 555 يابانى و كويسين جدا انا مغيرهم
بلى العجل مشكلة لان مفيش غير الاصلى امامى 440 الواحدة (الجنب) و مينفعش توفق اى رولمان بلى عشان فى شريط ماجنت كحساس لل abs و لازم اللى يركبه يكون اشتغل فى مازدا قبل كدة عشان ليه اتجاه معين و لو ركب غلط هتلاقى لمبة ال abs منورة على طول
البلى الخلفى الواحدة كانت ب 900!! لانها صرة مش بليه و ده تجيبوا استيراد و على التجربة بنص التمن
البطاحات مغيرتهمش بس غالبا التايوانى ب 250 و الاصلى 450
الميزان اساله الاول الميزان نفسه ولا الكاوتش ؟ الكاوتش مكنش موجود لما جبت حاجتى لا جديد و لا استراد, الميزان مش هفتى فيه
الكبالن الداخلية متسبهاش لما تتاكل اكتر لانها هتعكنن عليك دنيتك و هتضيع كل اللى انت عملته
انت لو حاسس برعشة تحت رجلك فى السرعات القليلة هتزيد مع الوقت !! الحل ايه تشوف حد بتاع كبالن " نضيف و كويس" و غالبا هتغير الصلايب بتاعتها بس الجوز ب 300 جنيه يا اما هتخش فى قصة تجيب كبالن كاملة يمين و شمال و اسعارهم 1800 المانى 2700 يابانى و 2000 استيراد
الحاجات دى كلها بتبوظ فى المازدا بعد ال 80000 كلم ,عادى مهما كنت محسوك و بتحسس على المطبات و احمد ربنا انك مش هتغير المقصات كمان
الاسعار طبعا مش دقيقة اوى لانى عملت عملتك دى من سنة , الواد ميدو بقى الفرود دلوقتى , شباب بقى و لف و دوران
هتجيب الحاجة منين؟ شارع دمشق ... العالميه , اولاد جابر او فى محل لازق جنب العالمية اسمه اكرم حمدى رقمه 24552778 انا بتعامل معاه لانه بياخد و يدى فى السعر و عنده التايوانى و ايابانى و التايلاندى و الاصلى و لو مش عنده يجيبلك من اى محل
بس لى عندك نصيحة انت تنزل الاول بورقة تقسمها بالطول 3 و تكتب اسم كل محل و فى الجنب تكتب اسم كل قطعة غيار و كل ما تسقط على محل تكتب سعر كل حاجة فى الخانة بتاعة المحل و تروحله كده و تحط رجل على رجل و تقوله ادينى اسعارك و تقول لا انا لقيت دى ارخص عند اولاد جابر لا دى ارخص عند العالمية هتلاقيه يديك ارخص الاسعار... النصيحة التانية كل ما تشترى الحاجة من مكان واحد كل ما هتقدر تاخد اسعار احسن
و رقمى 01009696010 لو احتجت حاجة

المشاركة الأصلية كتبت بواسطة omarkhaled55

حضرتك لقيتة فين ب 600 جنية ؟؟؟؟ ودة بالحساسات ولا من غير ؟؟؟
وميدو كلمنى وربنا معاة فى عربيتة ومعانا كلنا إن شاء الله :)

هو كان موجود عند واحد فى الزقازيق و هو هو الكونت مركبه عند غبور و كان من غير سنسور

المشاركة الأصلية كتبت بواسطة Thebutcherr

قدر الله ما شاء فعل , فداك
الحاجات دى كلها بتبوظ فى المازدا بعد ال 80000 كلم ,عادى مهما كنت محسوك و بتحسس على المطبات و احمد ربنا انك مش هتغير المقصات كمان
و رقمى 01009696010 لو احتجت حاجة

this is a very short time for failure of all these parts
if that is true so Mazda 3 suspension is very fragile and hyundai suspension is more durable than mazda
i did 85000 KM with my mazda and nothing is wrong