يا باشا انا ميزانيتى فى حدود 70-72
وياريت حضرتك تقولى ايه عيوب ومميزات العربيه اللى مع حضرتك - انا عارف والله ان العربيه الناس كلها حفظتها - لكن أتأكد برضو من حضرتك
معدل استهلاك البنزين هتجري هتاكل بنزين هتمشي كويس هتبقي معاك بنت ناس
أقصى سرعه انا جبت 190 فيه ناس جابت 210 و ناس قفلت عداد و دول أوتو عندي كان لسه فيها بس انا ما حبتشي أزود انا كاوتشاتي رمز السرعه 190
الثبات مش عاجبني لازم تعرض و تركب ال 195/65/15 أو تجنط 16 و تركب 205/55/16
انا بأقارنها بحاجات أحسن منها مش بالاقل و الناس اللي عرضت أو جنطت الدنيا اتحسنت كفرامل و ثبات و الاهم تركب كاوتش محترم ليه TRACTION A علي الاقل ان ما كانش AA
السحب بتاعها عامل معاك ايه (عارف والله ان سحب الالنترا معروف - بس تأكيد المعلومه مش هايضر) اشطه شغاله اللي بيعافر معاك سيفيك 2007-2010, كورولا شكل الجنوب أفريقي و ناوي أجرب مع الفوكس ال HB بس ناس بتقولي مش هتقدر عليها لما أجرب هأقولك
الفرامل : بتتزحلق و كان لازم ABS بس غبور ابن الم....*
و ناس قالت عيب كاوتش و ناس أكدتلي انه عيب كاوتش لما غيرت كاوتشات الفابريقه
بس انا لسه ما غيرتش الكاوتشات الفابريقه فمش قادر أديلك FEED BACK صح
ولو حضرتك تنصحنى أركز على ايه وانا باشترى العربيه يبقى كتر خيرك :)
أنصحك بحاله مش عداد (مفيش أسهل من ان حد يلعب في العداد و ينزله او يرجعه)و تكشف في مكان محترم عندك التوكيل أو المهندس هاني عند حديقه بدر في جسر السويس كان شغال في التوكيل و رجل محترم و أمين
و تشتري من بيت مش من معرض أو تاجر
تشوف الباور ايه نظامه أساسيات سليمه طبعا
و صاحبي بيدور علي عربيه في نفس الرانج انا اقترحت عليه لاجل الامانه
يا بورا 2003-2005
أوكتافيا A4
و انتيمي بيدور علي سيفيك
ما اقترحتش عليه كوري
عشان الثبات و الفرامل و غير كده الالماني CATEGORY تاني خالص بقي
موضوع الخليجي لا أفتي فيه بخصوص المانيوال فيه ABS
حاول تتقل شويه و تعلي بالرانج بتاعك بس هي كمجمل كويسه و تصلح كعربيه عائله لكن سواقه عنيفه و طرق مكسره و فرامل لاخر الدواسه و الكلام ده شغاله بس مش الاداء اللي WOW
OVERALL Rating : 7 Out of 10
بالتوفيق ان شاء الله و ربنا يكتبلك اللي فيه الخير ليك
المفضلات