الميه والخراطيم نار بس موشر الحراره مظبوط و مش بقدر احط ايدى على غطا القربه من السخونيه ايه السر انا كنت زوت 1.50 ماء مفلتر على الماء الاحمر هل دا سبب وتقريبا الماء شبه بيغلى فى القربه
عرض للطباعة
الميه والخراطيم نار بس موشر الحراره مظبوط و مش بقدر احط ايدى على غطا القربه من السخونيه ايه السر انا كنت زوت 1.50 ماء مفلتر على الماء الاحمر هل دا سبب وتقريبا الماء شبه بيغلى فى القربه
بص يا سيدي قراية الحساسات مظبوطة علي نوع مياه معين هو إللي موجود في التوكيل وده بيبقي إثيلين جليكول 50% ومياه مقطرة 50% ولو النسبة إختلت يحصل خلل في قراية الحساسات وممكن تكون الحرارة إللي بيديها الحساس وتظهر علي لوحة العدادات مش مظبوطة!!!
مظبوط خلط المياه بيقلل من فعاليه تبريد مياه ياعني لو هنفترض المياه فعاليته 80% تبريد هيقل بالخلط ميا المقطره ده ل 40% مثلا طبعا ده مثال بس نصيحتي نزل المياه كلها وهات 2 جركل مياه حمرا موبيل الجركل الواحد بيعمل 75 جنيه وجيبها من بنزينات موبيل الكبيره المضمونه علشان المياه ديه بره بتتغش وما تخففهاش لأن زي ماقولنا لو خففت بمياه مقطره فعاليه مياه التبريد هتقل وبلاش فتاوي الميكانيكيه وان يقولك حط جركل مياه حمرا وكمل بعد كده بمياه مقطره غلططططططططططططططططططططططط
واما تجيب مياه ردياتير هات موبيل الحمرا لأن تركيزها 33% هتقولي بس فيه ميا ردياتير اسباني حمرا و ب 15 جنيه هقولك هي رخيصه علشان تركيزها 15% بس موبيل تركيزها 33% والمياه ال Ac delco اللي بيبيعها منصرو غاليه الجركل بيعمل 100 جنيه علشان تركيزها 50% وكمان فيها زياده مانع غليان
وكل ماتركيز زاد كل ماكان احسن بس مايزدش عن 50%
يا جماعه المياه المقطره اصلا مش صحححححححححححححححححححححح وغلطططططططططططططططططططططط ططططططط انها تتحط في مياه الردياتير
افترض ان المياه نقصت وعاوز تزود ساعتها تشتري لتر من نفس نوعيه وتركيز المياه اللي انت حاطتها عندك
هتقولي ياعم ده فيه ناس بتزود مياه من الحنفيه هقولك عليه العوض في نظام التبريد و الردياتير بتاعهم ده مياه الحنفيه ديه بتموت ودمر نظام تبريد العربيه
ونصيحه: اما تغير المياه تكون العربيه بارده ووقفت يوم كامل من غير ما دور واوعى تغيرها والعربيه سخنه اوعىىىىىىىىىىى ونصيحتي غيرها بنفسك في اسفل الردياتير في شكل مسمار كبير بس بلاستيك هتلف بأيديك هتلاقيه اتفك ونزل المياه بتاعت العربيه كلها بعد كده اربطه بأيديك وحط المياه الجديده وطبعا تعمل الكلام ده كله والعربيه زي ماقولنا بارده ووقفت يوم كامل من غير ماتدور مهم جدا خد بالك وديه صوره للطبه (المسمارا) اللي هنكه علشان ننزل مياه الردياتير
http://imageshack.us/photo/my-images...221115853.jpg/
الحقيقه مش عارف اشكركم ازاى بس الحقيقه كتر خيركم انتوا كدا نورتونى بس سوال بعد ما افضى الرداتيير احط السبعه لتر من القربه ولا الرداتيير
وسوال تانى انا عندى 3 لتر من موبيل ماء احمر فهل ممكن اجيب دركن ديلكون من منصور اللى تركيزه 50% واحط بقست ال3 لتر موبيل على الديلكون ولا اجيب جركن موبيل وخلاص عايز رايكم
انا في العربيه عندي حاطط مياه موبيل الحمرا وهي كويسه جدا وسخونه بتاعت الخرطيم هتقل وبمياه التبريد الجديده هتلاحظ انها بتبرد أحسن من الأول
لا شكر علي واجب ... إنت معنكش فتحة رادياتير عندك فتحة قربة بس وطريقة تزويد المياه صعبة شوية علشان لازم تأخذ هواء دورة التبريد ... يعني تفتح القربة والعربية باردة الصبح طبعا بعد ما تفضي المياه القديمة وتحط المياه الجديدة لحد ما توصل اليمياه لعلامة ماكس في القربة وبعدين تدور العربية وغطاء القربة مفتوح هتلاقي المياه بلما تلاقي خراطيم المياه إللي راجعة من الرادياتير للقربة بقت سخنة والمياه في القربة هتنقص تزود مياه لحد علامة ماكس وتستني شوية هتلاقي المياه نقصت تاني في القربة تزود لحد ماكس (يعني كل 5 دقائق تشوف مستوي المياه في القربة وتزود لحد ماكس لحد ما تعدي 5 دقائق ومستوي المياه ثابت عند ماكس وما بينقصش) تقفل القربة وتتوكل علي الله ... أي خطأ في العملية هيدخل هوا لدورة التبريد وده خطر علشان كدة حد متخصص يعملها أحسن!!!