انا كنت حاجز تيجو 1600 مانيول المعرض اتصل بيه انهارده وقالي وصلت المفروض افحص فيها ايه واشيك علي ايه قبل ما استلمها
انا كنت حاجز تيجو 1600 مانيول المعرض اتصل بيه انهارده وقالي وصلت المفروض افحص فيها ايه واشيك علي ايه قبل ما استلمها
اولآ مبروك مقدمآ و ربنا يبارك لك فيها نيجى بقى للاستلام اول حاجة يفضل انك تستلمها فى النهار فى ضوء الشمس و تراجع البادى من الخارج لعدم وجود اى تجريح او حكات فى الباب او الرفرف و تفتح الكابوت و تلقى نظرة على الموتور و راجع على الكاوتش ( الضغط ) و راجع على الاستبن ( العربية المفروض 5 جنوط سبور ) و بتيجى معاها الكوريك و راجع على عداد الكيلومتر ( المفروض ما تمشيش كتير بالكثير 75 كيلومتر ) و اهم حاجة تمون العربية بنزين بعد الاستلام عشان بتبقى مافيهاش بنزين و بعد الف كيلو اعمل الصيانة و لو عندك اى ملحوظة قولهالهم يعملوها مجانى بدون اى مصاريف ( العربية فى الضمان ) و اهم حاجة استلام دفتر الصيانة و الضمان ( استلامه بيكون بعد شهر تقريبآ من المعرض ) و تحياتى لك
اخيرا حد رد عليه ............. شكرا يا كبير
الف مبروك وشوف الولاعه ومسامير العجل كامله بكل عجله ولا لأ وكتالوج السياره والمفتح النسخه الثانيه والف الف الف مبروك
ومتنساش كمان تجيب معاك فلاشة وسى دى علشان تجرب الكاسيت والتكييف ايضا والف مبروك مقدما
تكييف ... انوار و اشارات .... انوار صالون .... عدادات.... فتح و قفل الابواب....ازاز كهربا
ياريت تفكر بالأوتوماتيك لو ما كنتش اشتريت الشوارع بقت زحمة جدا بشكل لا يطاق