لو سمحتوا يا جماعة هو ممكن الواحد يطلع رخصة بس بعربية اوتوماتيك مش مانيوال لان ليا واحد صاحبى اتعلم على الاوتو بس ولا الموضوع دة صعب؟؟
.
.
.
.
ارجو الافادة
وشكرا
عرض للطباعة
لو سمحتوا يا جماعة هو ممكن الواحد يطلع رخصة بس بعربية اوتوماتيك مش مانيوال لان ليا واحد صاحبى اتعلم على الاوتو بس ولا الموضوع دة صعب؟؟
.
.
.
.
ارجو الافادة
وشكرا
لو هيختبر على عربيته ما بتفرقش كتير. لكن عربيات المرور كلها مانيوال
عادي دي حرية
يختبر باي عربية هو بيحبها ..
عادى جدا .... المهم يعرف العلامات المروريهوتفادى الأقماع وازاى يقف بلطف ونعومه وازاى يتحرك من السكون دونما العربيه تطفى منه ويكون فى السير بها عارف ابعاد العربيه اللى راكبها وبعض الثقافات المروريه اللى افتقدناها جميعا بعد الثوره .... وبحبك يامصر ومش عارف ليه؟؟
و أنا في مرور اسماعيليه الظابط رفض يخلي واحد يختبر علي عربيته الأتوماتيك
و خلاه يختبر علي عربيه من عربيات المرور
بس بيتهيألي المشكله كانت ان العربيه بتاعة عمه يعني مش عربيته
و ينفع لو كانت بأسمه او اسم قريب من الدرجه الاولي
اب - اخ
يا رجااالة شروط الاختبار ...تكون سيارة مانيوال 4 باب ..لما كنت بختبر قاللى كدا ودا كان السنة اللى فاتت او الىى قبلها (قريب يعنى )
ايوه عادي انا عن نفسي دخلت اختبار القياده بعربية مدرسة تعليم سواقه كنت بتعامل معاها بس طبعا السواق كان شاب و كان جاي معايا علي انه صاحبي مش مدرب او شغال في المدرسه و الا مكنوش دخلوني بس كله بيمشي بالتظبيط بمعني ان اخويا الصغير لما كان داخل الاختبار من سنه الدنيا بقت ظيطه يعني سيده داخله بمرسيدس طول عربيتين ورا بعض اوتوماتيك و مسابتش قمع الا لما فرمته و طالعه الراجل بيقولها ممتازه يا فندم xd و استلمت الرخصه قبل اخوايا كمان :p و ناس داخلين امتحان بتاكسي و ده طبعا ممنوع بس ظبطوا الناس و دخلوا عادي جدا كله بالحب :) ،،،، الكلام ده في مرور القاهره الجديده علشان يمكن في اماكن تانيه طريقتها مختلفه بس عموما النظام واحد في كل حته و عادي عندي واحد صاحبي من الزتون -معرفش تبع مرور ايه- بس كان هيدخل مع سواق علي عربيه اوتوماتيك بي ام دابليو الفئه السابعه بتاعت حد تبع السواق عادي برضه
لا لازم تدخل بعربية مانيوال
علشان الى يسوق المانيوال يسوق الاوتو (غالبا)
اولا :- بشكر كل الى افادونى
.
.
.
ثانيا:- هى العربية باسم صاحبى الى هو حيطلع الرخصة وفاضلة بتاع 3 ساعات ويبقى اتعلم تمام ويروح االاختبار فهل اقولة اتعلم على مانيوال ولا يدخل الاختبار والدنيا حتمشى عادى مع العلم انة مرور السويس