الموضوع: ايه اخبار سرقات الكيا سيراتو

المشاركة الأصلية كتبت بواسطة kono

اسف اني مش هطمنكوا
بس عربية واحد صاحبي موديل 2009 اتسرقت الاثنين اللي فات من تحت شقته من غير ما الازاز يتكسر
ويوم الأربعاء واحد كلمه وقاله عربيتك عندي وعاوز 35000 وانه اشتراها من ناس كانوا هيودوها سيناء عن طريق السويس
وصاحبي قابله يوم الخميس علي طريق الصالحية وجاب عربيته ب 28000
وكان مع الحرامي ده عربيتين كمان من دمياط واداله بيانات اصحابها عشان يقدر يوصلهم
موضوع الشرقة منتشر عندنا في دمياط اوي
خصوصا السيراتو والدامكس الربع نقل
بس اغلب اللي بيتسرق بيكلموا صاحبه عشان يدفع فدية

هيه كل الناس سايبه نمره موبايلها جوه العربيه ولا ايه؟

بالنسبة لصاحبي ده كان ناسي فاتورة عليها اسمه ورقم تليفونه فجابو رقمه منها
والعربيتين التانين الحرامي معرفش يوصل لأصحابهم لانهم مش سايبين رقمهم
وانا من بعد ماعربيته اتسرقت سيبت ورقة برقم تليفوني عشان لا قدر الله لو حصل .... ربنا يستر

المشاركة الأصلية كتبت بواسطة احمد المصرى

ابوس ايدك خلينى ساكت احسن علشان فى اخ فاضل معانا فى المنتدى بقالى فتره ماشى وراه علشان اعرف عمل ايه فى عربيته وعربيه صاحبه السيراتو ال اضرب عليه نار وهو فى الشباك وكل ما اقوله عملت ايه مش بيرد عليا خالص خالص


بس نفسى افهم ليه بيعملوا كدا وايه ال هيكسبوه من كدا اساسا

علي فكرة أنا مقدر موقف حضرتك جدا
أكيد كل واحد فينا خايف علي عربيته ومش عاوز يصدق أي حاجة وحشة عليها
والحمد لله ان حضرتك محصلش لحد من معارفك حاجة زي كده
أنا كنت زيك كده مش عاوز أصدق لحد ما عربية صاحبي اتسرقت هي موديل 2009 وانا عربيتي 2010
والمنتدي هنا كان السبب اني اشتري سيراتو واتعرفت فيه علي ناس محترمين كتير وتعلمت اني انقل تجربتي عشان حد غيري يستفيد منها

فده سبب اني كتبت موضوع السرقة عشان الناس تخلي بالها وأكيد غيري عنده نفس الرغبة في نقل التجربة

المشاركة الأصلية كتبت بواسطة احمد المصرى

بالعكس اطلاقا انا مصدق ان اى عربيه ممكن تتسرق لا قدر الله ومصدق كلامك عن موضوع صاجبك جدا والله بس ال مش قادر اصدقه ان واحد يدخل يقول ان عربيتى اتسرقت من مدينه نصر واضرب عليا نار وسبحان الله اخ فاضل قاله اذاى انت فى مدينه نصر وانت من ساعه كاتب فى موضوع اخر انك معاك عربيه نوع تانى خالص وبدور على ميكانيكى فى فيصل او الهرم علشان فى مشكله فى عربيتك وسبحان الله الموضوعين الفرق بنهم قليل جدااااااااااااااااااااااا ااااا


فهمت انا اقصد ايه بالتحديد


معنى كدا ان كلام الراجل دا مش موثوق منه اطلاقا ولا انا غلط

الله أعلم بنيته ومدي صحة كلامه

ربنا يسترها معانا ..السرقات منتشرة عندنا في دمياط جدا