اتمني لكل الاعضاء الخير ولكني وجدت لفتره انتشار هذا النوع من السرقات ربنا يرحمنا فحبيت اطمن علي الناس وهل يا تري لسه هذا المرض متفشي في هذا النوع يا رب ارحمنا برحمتك
عرض للطباعة
اتمني لكل الاعضاء الخير ولكني وجدت لفتره انتشار هذا النوع من السرقات ربنا يرحمنا فحبيت اطمن علي الناس وهل يا تري لسه هذا المرض متفشي في هذا النوع يا رب ارحمنا برحمتك
هو السيراتو بس الي بتتسرق دلوقتي ..
استر يارب
دلوقتي بقو يسرقو نيو النترا اكتر :(
الامبيليز منع سرقات السيراتو ؟؟؟
ربنا الستار ويسترها علي عبيدوا
لية السيرة المنيلة دي
ربنا يسترها عليكم وعلينا
تصدق انى قلقان ....
لينا فترة كدة مافيش حد دخل وعمل موضوع عن سرقة السيراتو ...؟؟؟
الزميل يعمل الموضوع وبعدها لا حس ولا خبر عنه ....
يعنى يرمى موضوع كدة ( صاحبى اتسرقت سيارته السيراتو بدون كسر وووووو ..... (وزميلنا أحمد المصرى فاهمنى طبعا)
وبعدها ماتشفوش تانى بالقسم ..... ههههههههههههه
خير اللهم اجعله خير .... انا قلقت كدة
لا قلق ولا حاجه وقل لن يصيبنا الله الا ما كتب الله لنا انا كل الحكايه سألت في التوكيل علي الموضوع ده وقالولي ان بعد خاصيه الامبلويز وهي الظاهره ده قلت فحبيت اطمن علي. الناس لان الصراحه قلبي بيخلع ويجزع كل ما اسمع عن شئ زي ده وربنا يسلمها علينا انشاله يا رب
اسف اني مش هطمنكوا
بس عربية واحد صاحبي موديل 2009 اتسرقت الاثنين اللي فات من تحت شقته من غير ما الازاز يتكسر
ويوم الأربعاء واحد كلمه وقاله عربيتك عندي وعاوز 35000 وانه اشتراها من ناس كانوا هيودوها سيناء عن طريق السويس
وصاحبي قابله يوم الخميس علي طريق الصالحية وجاب عربيته ب 28000
وكان مع الحرامي ده عربيتين كمان من دمياط واداله بيانات اصحابها عشان يقدر يوصلهم
موضوع الشرقة منتشر عندنا في دمياط اوي
خصوصا السيراتو والدامكس الربع نقل
بس اغلب اللي بيتسرق بيكلموا صاحبه عشان يدفع فدية
بالنسبة لصاحبي ده كان ناسي فاتورة عليها اسمه ورقم تليفونه فجابو رقمه منها
والعربيتين التانين الحرامي معرفش يوصل لأصحابهم لانهم مش سايبين رقمهم
وانا من بعد ماعربيته اتسرقت سيبت ورقة برقم تليفوني عشان لا قدر الله لو حصل .... ربنا يستر
لا حول ولا قوه الا بالله للدرجه ده حسبي الله ونعم الوكيل ولسه في واحده زميلتي بعملي واحد قريبها اتسرقت منه سيراتو من اسبوع ربنا يعطر صاحب كل مفقود ما فقده امين يا رب العالمين
ابوس ايدك خلينى ساكت احسن علشان فى اخ فاضل معانا فى المنتدى بقالى فتره ماشى وراه علشان اعرف عمل ايه فى عربيته وعربيه صاحبه السيراتو ال اضرب عليه نار وهو فى الشباك وكل ما اقوله عملت ايه مش بيرد عليا خالص خالص
بس نفسى افهم ليه بيعملوا كدا وايه ال هيكسبوه من كدا اساسا
اعتقد ان سرقه السيراتو تحت موديلات 2012 لان من اول 2012 بقى فيها ايموبيليزر و اعتقد مع وجوده العربيه مينفعش تتسرق غير يا تتسحب او على كساحه وده بيصعب السرقه و ربنا يستر علينا جميعا.
علي فكرة أنا مقدر موقف حضرتك جدا
أكيد كل واحد فينا خايف علي عربيته ومش عاوز يصدق أي حاجة وحشة عليها
والحمد لله ان حضرتك محصلش لحد من معارفك حاجة زي كده
أنا كنت زيك كده مش عاوز أصدق لحد ما عربية صاحبي اتسرقت هي موديل 2009 وانا عربيتي 2010
والمنتدي هنا كان السبب اني اشتري سيراتو واتعرفت فيه علي ناس محترمين كتير وتعلمت اني انقل تجربتي عشان حد غيري يستفيد منها
فده سبب اني كتبت موضوع السرقة عشان الناس تخلي بالها وأكيد غيري عنده نفس الرغبة في نقل التجربة
بالعكس اطلاقا انا مصدق ان اى عربيه ممكن تتسرق لا قدر الله ومصدق كلامك عن موضوع صاجبك جدا والله بس ال مش قادر اصدقه ان واحد يدخل يقول ان عربيتى اتسرقت من مدينه نصر واضرب عليا نار وسبحان الله اخ فاضل قاله اذاى انت فى مدينه نصر وانت من ساعه كاتب فى موضوع اخر انك معاك عربيه نوع تانى خالص وبدور على ميكانيكى فى فيصل او الهرم علشان فى مشكله فى عربيتك وسبحان الله الموضوعين الفرق بنهم قليل جدااااااااااااااااااااااا ااااا
فهمت انا اقصد ايه بالتحديد
معنى كدا ان كلام الراجل دا مش موثوق منه اطلاقا ولا انا غلط
أنا كمان عربيتى موديل 2011 اتسرقت منى يوم 24 أكتوبر 2012 اليوم الى قبل وقفة العيد الكبير من تحت بيتى ومش عارف اوصل لحاجة لحد دلوقتى ربنا مايوريكى وكل يوم مسلسل السرقات ده متجدد سواء من تحت البيوت او التثبيت لو عربية صعب تدور من غير مفتاحها الاصلى ومفيش اى تحرك من اى جهة رسمية
أهم حاجة كله يأمن عربيته بكل الطرق لو يطول يكهربها مفيش مشاكل وربنا هو الحافظ والستار