ليا استفسار صغير
لو ركبت سير مقاس اصغر نمرة من اللى كان راكب عشان القديم كان بيصفر
لو الجديد مقاسه 775 لو مشدود اوى ممكن يأثر على ايه فى اداء العربية ويا ترى ممكن يدايق فى الدوارة؟
عرض للطباعة
ليا استفسار صغير
لو ركبت سير مقاس اصغر نمرة من اللى كان راكب عشان القديم كان بيصفر
لو الجديد مقاسه 775 لو مشدود اوى ممكن يأثر على ايه فى اداء العربية ويا ترى ممكن يدايق فى الدوارة؟
كل عربية لها سير معين وشدة السير نفسها لها علاقة بكفاءة الدينامو يعني السير المرخي أو المشدود قوي بيأثر علي شحن الدينامو ... وفي العربيات الحديثة فيه شداد لسير الدينامو ... وفي عربيتي ال 128 كان الميكانيكي بيحط نقطتين زيت موتور علي السير وهو شغال يقوم صوته ينعم ويبقي جميل وكل فترة كان بيعمل كدة لأن السيور المشرشرة بتعمل صوت ... بس خللي بالك لو زودت الزيت علي السير ده خطر ... هو كان بيأخذ سنة زيت علي رأس المفك ويحوطهم علي السير وهو شغال وكان الصوت بيتغير في ساعتها وينعم!!!
الف شكر يا باشا
انا اللى مخلينى اسأل اننى من ساعت ما ركبت السير الأصغر والدوارة بتتأخر جدا وحصلت مرة اننى كنت ماشى على الرابع وبعدين مورت عشان اهدى عشان فى مطب فالعربية بطلت مننى واحيانا لما ابقى ماشى عالتانى او التالت واشيل رجلى من عالبنزبن بحس ان العربية هديت فجأة اكنى دوست فرامل
لا شكر علي واجب ... إنت تركب مقاس السير بتاعها والكهربائي يشده الشدة المطلوبة ويقيس شحن الدينامو وتحط نقطة زيت علي السير وهو شغال ومش هتلاقي الصوت ده تاني ... وخللي بالك الصوت ده بيزيد في الشتاء لأن الرطوبة بتخللي السير ينشف وما يبقاش طري ... جرب وقولي!!! وبالتوفيق إن شاء الله
المشكلة دى كانت عندى فى 127 النصر بتاعتى وغيرت حوالى 5 سيور وبرضة بيصفر لحد ماجبت سير المانى ب25 جنية وركبتة وتمام الحمد لله وعلى فكرة السيور اللى كنت بجيبها كان مكتوب عليها ايطالى للاسف وطمنا برضة عملت ايه
الميكانيكى بص عالسير وقاللى تمام بس انت بتقول انك غيرت 5 سيور . متعرفش مقاس السير اللى راكب دلوقتى كام؟؟
وعندى مشكلة تانية اننى لما ببقى ماشى عالرابع 80 او 90 وامور عشان اهدى عشان اى مطب الاقى العربية فصلت ونور البطارية والزيت نور فى التابلوه اكنى فاتح كونتاكت بس ياترى ايه السبب؟
ممكن اعرف السير القديم كان مقاسه كام