سؤال في صني الشكل الجديد

**heba_hassan** · 21-12-2012 10:07 AM

أنا في حاجه لاحظتها في فتيس صني الأوتوماتيك مش عارفه دا طبيعي ولا إيه؟

الفتيس بيتحرك من d إلي n من غير مادوس علي الزرار إلي في الفتيس أو حتي أدوس فرامل ده عادي ولا إيه ؟

في سؤال تاني

في حد جاب شماسات للصني الشكل الجديد - لو حد جابها يقولنا منين وبكام لو سمحت ؟

**moaaz** · 21-12-2012 11:13 AM

طبيعى جدا ...زرار اللوك بيشتغل فى النقلات العكسية من d>r او d>p انما من d>n مفيش منها ضرر فا بتيجى من غير زرار اللوك كل الاوتوماتيك كدا

**limo81** · 21-12-2012 11:19 AM

[COLOR="rgb(65, 105, 225)"]عادى جداً من D الى N والعكس بدون زرار
وكان فيه مشاركه كتبتها بخصوص النقل بين اوضاع الفتيس والزرار اللى انتى تقصديه[/COLOR]

http://www.nilemotors.net/Nile/298529-a.html

وده من User's manual الخاص ب نيسان

**youssef_u** · 21-12-2012 01:50 PM

عادي جدا يا باشا بس لو منغير فرامل العربية هتنط منك

**Youssef.Awad** · 21-12-2012 01:57 PM

كل الاتوماتيك كده الا اذا نقلت من الd او N للR او P

**the_air_devil** · 22-12-2012 10:35 AM

المشاركة الأصلية كتبت بواسطة heba_hassan

شكرا يا جماعه علي ردودكم

عايزه أعرف إيه الفرق بين زيت 5000 و 10000 إلي بيتحط في صيانة 1000 كم ؟؟؟؟؟

شكرا لهتمام حضرتكم

زيت الخمستلاف بينتمي للزيوت المعدنية ومش بيحتفظ بكامل الكفاءة طوال مسافة السير 5000 كيلومتر , الزيت الـ 10,000 كيلو بيحتفظ بكفاءته أطول فترة ممكنة , ينتمي للزيوت التخليقية وله القدرة على التحمل والحفاظ على سلامة وكفاءة الموتور وله عمر وصلاحية أطول بكتير من الزيت المعدني , ومش سهل انه يتحرق أو لونه يتغير.

هاتلاقي عدة اختيارات للزيوت التخليقية وفيه كذا ماركة , التوكيل عموماً لو هو توكيل السبع بيحط زيوت شل ... ناس تانيين بيحطوا زيوت موبيل وان .. هاتلاقي زيوت نوعيتها وجودتها أفضل زي فالفولاين وليكوي مولي , لكن يفضل قبل ماتشتري أي زيت جديد تشوفي مدى ملائمته لنوع محرك العربية لأن عربيتك لسة جديدة وزيرو

بالمناسبة : انا لسة مغير وجبت ليكوي مولي وبيفضل حوالي 12 ألف كيلومتر ... أداء ممتاز , لكن اللي احب الفت نظرك ليه هو ان العربية بتاخد 2.75 لتر زيت لو تغيير عادي من غير تغيير فلتر , وبتاخد 3 لتر زيت لو كان فيه تغيير للفلتر , علشان ماحدش يستهبل ويفتي ويحط الزيت يقوللك ماهو لسة ماوصلش للعلامة , انا اتقرصت من كدة علشان الصنايعي حب يفتي وحط نص كيلو زيادة من مزاجه رغم اني كنت مأكد عليه , ياريت تغيري الزيت في التوكيل ولو اضطريتي تغيريه برة تقفي على إيد الصنايعي وتجبريه يحط 3 لتر بس مش أكتر