عاوز ميكانيكى ثقة بشبرا

**maka** · 21-12-2012 01:31 PM

عربية ماتريكس جابت جوان وش السلندر و مكانها فى شبرا و الميكانيكى اللى صاحبها بيتعامل معه اى كلام و عاوز ميكانيكى يكون كويس فى اى حتة فى شبرا انصحونا

**beshomilan** · 21-12-2012 10:26 PM

فيه عماد الميكانيكى فى المتنزه متفرع من شارع الورشه
هتوصل ميدان المتنزه وهتسأل فين عماد الميكانيكى
امين وبيفهم

**Mamoud salah H** · 22-12-2012 02:32 AM

اشرف الميكانيكي في ميدان المتنزه عند الجامع الكبير كدة دو كويس جدا بس مش بيتعامل بالكمبيوتر وكدة بس فاهم اوي
وفي واحد تاني (مهندس)ودة انا بتعامل معاه شخصيا وهما اتنين الي شغالين في الورشة وهما مهندسين
دة عنوانة في الخلفاوي في ضهر كنيسة العذراء والملاك من ناحية الميترو اسمه المهندس حمادة هو شاب كدة ودايما بيبقي حالق شعروا زيرو والمركز اسمه الورشة لصيانة السيارات روحلو وقولو انك جاي من طرف محمود الي معاه الانسر السودة بومة والفيكترا الزيتي
واني انا الي وصفتهولك وبعت حضرتك ليه وتحت امرك في اي حاجة

**project** · 22-12-2012 10:06 AM

اللى فى الخلفاوى ده اللى عند البوسطة وياترى شغال فى الفورد الاسكورت وهو عنده كمبيوتر والمصنعيه عامله ايه

**beshomilan** · 22-12-2012 06:34 PM

حلو اوى موضوع ميكانيكية شبرا ده
طب بالمره بقى حد عارف بتاع تكييف كويس وامين فى شبرا؟؟
وياريت لو كهربائى كمان يكون شاطر وامين يبقى لوز

**Mamoud salah H** · 23-12-2012 01:09 AM

لا مش عند البوسطة الي انا اقصدة عند كافيه التكية الي عند البوسطة دة اسمه شبرية انا متعملتش معاه بس عندوا كشف كمبيوتر
وبالنسبة للكهربائي في عبدالله الكهربائي عند سور مدرسة الجمهورية قبل ميدان المماليك وانت حاي من ميدان الخلفاوي كدة قدام محل زوما وفايكينج بتاع الملابس محترم اوي وامين

**Ashraf_Ibrahim** · 27-12-2012 02:02 AM

اعتقد تروح لمركز سبيد كار سيرفيس عند المهندس هاني هيكون أفضل كتير وتضمن ان عربيتك هتخرج مظبوطة زي ما كانت باذن الله
( Speed Service Center :: ( enghany - نايل موتورز - NileMotors.net