الموضوع: Dvd & gps &cam

الله عليك يا نجم .. أنت مركبهم عندك ولا دي مجرد صور وبتستفسر عنها ..

يا ريييييييييت لو أنت مركبهم تقولنا التفاصيل بالظبط (فين وبكام ....إلخ) .. والكاميرا هل هي رؤية ليلية ولا عادية ..

المشاركة الأصلية كتبت بواسطة yasser_z9

ربنا يبارك فى حضرتك و انت تامر يا باشا
اولا التركيب فى مصر الجديده قرب مستشفى الدعاه عند الاستاذ عمرو ( مش محل فى جراج عماره )
الوقت اللى تم فيه التركيب كان حوالى ساعه
الضفيره مقطعش فيها بس كشف جزء منها غند الفانونس الخلفى
الكاميرا موضحه الرويه جدا وهرفع صور ليليه ان شاء الله
جوده التركيب ممتاز شيل القديم وحط الجديد مفيش اى فروق فى المقاسات لان ده الاورجنال بتاعها فى الصين موجود عند عمرو جاهز
كل اللى شافها فكرها نازله موصفات خاصه
عمرو ده بقى اللى عرفنى عليه الاستاذ مينا معنا هنا فى المنتدى بى ام دبيلو وقالى مش هتندم لما اتصل بيه وطلع كلامه صح

المشاركة الأصلية كتبت بواسطة yasser_z9

هههههههههههههههههه لولا انى فى اسيوط كنت نص ساعه وابقى عندك
الخرائط حلوه
برنامج اى جو 8 بس للعلم القاهره واسكنداريه فقط وفى وعد بباقى خرائط مصر قريب ان شاء الله

ربنا يخليك يا ياسر باشا .. وعاش أحسن ناس الصعايدة (يمكن علشان أنا صعيدي ... ههههههههه)

بس ناقص عنوان عمرو ده وتليفونه .

على فكرة معلومة ليك .. علشان تعمل اقتباس للرد على تساؤل عضو تعمل زي ما عملت في رد إيهاب .. إنما علشان تعمل أكتر من اقتباس للرد عليهم في مشاركة واحدة .. بتدوس على الاقتباس المتعدد في المشاركات اللي عاوز ترد عليها .. وبعد كدة إضافة رد حتطلع ليك كل المشاركات اللي اقتبستها وترد على كل اقتباس لوحده .

وإن شاء الله تحاول تكون موجود معانا في المقابلات القادمة .. ورغم أن مشوارك بعيد .. إنما صدقني الصحبة تستاهل .. وأكيد حنتشرف بيك ..وتحياتي ليك يا كبير .

المشاركة الأصلية كتبت بواسطة ehabpopo

موافق على اللى قالة باسم .. فين تفاصيل الموضوع والسعر لو سمحت .؟؟؟؟؟؟؟؟؟

ما الراجل رد أهو من غير ما نضعه تحت ضغوط ولا إجبار

يعني أعترف من غير أي حاجة خااااااااالص .. خليك أنك لوقت عوزة يمكن يفكر ينكر ولا حاجة بعد كدة ... ههههههههه

وربنا يباركلك فيه يا ياسر باشا .. ويباركلك في العربية .. وألف مليون مبروك .. بس مستنيين المزيد من التقارير منك بخصوص العربية وأدائها بصفة عامة في مواضيع مستقلة (تقيمات مستمرة) .. تحياتي

وخلي بالك من التليين ومتقرصش على العربية ومتجريش بيها كتير أول 5000 ك على الأقل (العصفورة هي اللي قالتلي) .

بسم الله ما شاء الله ولا حول ولا قوة إلا بالله .. ربنا يباركلك فيه وفي العربية ..

بس يا ريت تلحقنا بالتفاصيل .. فين والتركيب أخد أد أيه .. تفاصيل يا باشا التفاصيل بسرعة .. والتركيب تم ازاي وهل أثر على الضفيرة ولا أيه النظام (قطع فيها ولا تم التركيب بنضافة) .

أكتب كل حاجة من ساعة ما صحيت من النوم وشربت الشاي لحد ما ركبت الحاجة ورجعت بيها البيت ههههههههههههه

وأداء الكاميرا عامل ازاي وهل بيبين كل الجوانب .. ومستنيين صور تانية للكامير بالليل .. معلش حنتقل عليك .